સ્ટેચ્યુ ઓફ યુનિટી પર નવું નજરાણું: નર્મદા નદીમાં લોન્ચ થયું 600 ની ક્ષમતાનું ક્રૂઝ!

તમામ મંજૂરીઓ બાદ ટૂંક સમયમાં શરૂ થશે સેવાઓ

મળતી વિગતો અનુસાર, આ 600 પ્રવાસીઓની ક્ષમતા ધરાવતા ક્રૂઝનું લોન્ચિંગ કરી દેવામાં આવ્યું છે. હાલમાં સંબંધિત તંત્ર અને વહીવટી વિભાગો પાસેથી જરૂરી તમામ કાયદાકીય અને સુરક્ષા સંબંધિત મંજૂરીઓ મેળવવાની પ્રક્રિયા આખરી તબક્કામાં છે. આ તમામ મંજૂરીઓ પ્રાપ્ત થતાં જ ટૂંક સમયમાં સામાન્ય પ્રવાસીઓ માટે આ ભવ્ય ક્રૂઝ સેવા પૂર્ણપણે શરૂ કરી દેવામાં આવશે. આ સેવાથી સ્થાનિક રોજગારીની સાથે ટુરિઝમ સેક્ટરને (Tourism Sector) પણ મોટો ફાયદો થશે.

હાલ 200 ક્ષમતાના ક્રૂઝનું સંચાલન, નવા ક્રૂઝથી સુવિધામાં વધારો

ઉલ્લેખનીય છે કે, સ્ટેચ્યુ ઓફ યુનિટી (Statue of Unity) ખાતે હાલમાં 200 પ્રવાસીઓની (200 Tourists Capacity) ક્ષમતા ધરાવતા ક્રૂઝનું સંચાલન કરવામાં આવી રહ્યું છે. જોકે, રજાઓ અને તહેવારોના દિવસોમાં પ્રવાસીઓનો ઘોડાપૂર પ્રવાહ ઊમટી પડતો હોવાથી ટિકિટિંગ અને ક્ષમતાને લઈને મુશ્કેલીઓ પડતી હતી. આ પરિસ્થિતિને ધ્યાનમાં રાખીને 3 ગણી વધુ ક્ષમતા એટલે કે 600 બેઠકો ધરાવતા આ નવા મોટા ક્રૂઝનું લોન્ચિંગ કરવામાં આવ્યું છે, જેનાથી વધુમાં વધુ પ્રવાસીઓ નર્મદા નદીમાંથી સ્ટેચ્યુ ઓફ યુનિટીનો અદ્ભુત નજારો માણી શકશે.

કોર્પોરેટ ઇવેન્ટ્સ, જન્મદિવસની ઉજવણી અને સાંસ્કૃતિક કાર્યક્રમો યોજી શકાશે

આ નવું ક્રૂઝ માત્ર સહેલગાહ પૂરતું સીમિત નહીં રહે, પરંતુ તેમાં વિવિધ સામાજિક અને વ્યાવસાયિક આયોજનો માટેની પણ આધુનિક સુવિધાઓ ઉપલબ્ધ કરાવવામાં આવી છે. ક્રૂઝ પર જન્મદિવસની ઉજવણી (Birthday Celebration) અને અન્ય ખાનગી પ્રસંગોનું (Private Events) આયોજન કરી શકાશે. કોર્પોરેટ ઇવેન્ટ્સ (Corporate Events) અને બિઝનેસ કોન્ફરન્સ માટે આ ક્રૂઝ શ્રેષ્ઠ સ્થળ બનશે.

સાંજ સમય સંગીત સંધ્યા (Musical Evenings), સાંસ્કૃતિક કાર્યક્રમો (Cultural Programs) અને વિવિધ થીમ આધારિત ઇવેન્ટ્સ પણ યોજી શકાશે. નર્મદાના સુંદર કુદરતી વાતાવરણ વચ્ચે ક્રૂઝ પર યોજાનારા આ કાર્યક્રમો પ્રવાસીઓ માટે આકર્ષણનું મુખ્ય કેન્દ્ર બની રહેશે.

આ પણ વાંચો: ગુજરાતમાં મેઘમહેર: 24 કલાકમાં 109 તાલુકા ભીંજાયા! વલસાડના કપરાડામાં સૌથી વધુ 3 ઇંચ ખાબક્યો