• હાઈ-પ્રોફાઈલ સમારોહમાં Farooq Abdullah અચાનક ફાયરિંગ
• લગ્ન સમારોહમાં અચાનક ફાયરિંગની ઘટનાથી અફરાતફરી મચી
• કાશ્મીરના નાયબ મુખ્યમંત્રી સુરિંદર ચૌધરીને છરા વાગવાથી સામાન્ય ઈજા
• સુરક્ષા કર્મીઓએ તાત્કાલિક કાર્યવાહી કરીને હુમલાખોરને પકડી પાડ્યો

Firing on Farooq Abdullah: જમ્મુ (Jammu) ના ગ્રેટર કૈલાશ (Greater Kailash) વિસ્તારમાં આવેલી હોટલ રોયલ પાર્ક (Hotel Royal Park) માં આયોજિત એક લગ્ન સમારોહ દરમિયાન તે સમયે અફરાતફરી મચી ગઈ હતી, જ્યારે કાર્યક્રમમાં અચાનક ફાયરિંગની ઘટના બની હતી. આ હાઈ-પ્રોફાઈલ સમારોહમાં નેશનલ કોન્ફરન્સ (National Conference) ના સંરક્ષક અને પૂર્વ મુખ્યમંત્રી ફારૂક અબ્દુલ્લા (Farooq Abdullah), જમ્મુ-કાશ્મીરના નાયબ મુખ્યમંત્રી સુરિંદર ચૌધરી (Surinder Choudhary) અને પાર્ટીના અનેક વરિષ્ઠ નેતાઓ હાજર હતા.

પૂર્વ મુખ્યમંત્રી Farooq Abdullah અને ડેપ્યુટી CM ને પહોંચી ઈજા

મળતી માહિતી મુજબ, લગ્ન સમારોહ દરમિયાન એક વ્યક્તિએ અચાનક પિસ્તોલ (Pistol) લહેરાવીને ફાયરિંગ શરૂ કરી દીધું હતું. આ હુમલામાં નાયબ મુખ્યમંત્રી સુરિંદર ચૌધરી (Surinder Choudhary) ને છરા વાગવાથી સામાન્ય ઈજા થઈ હોવાનું સામે આવ્યું છે. સદભાગ્યે, પૂર્વ મુખ્યમંત્રી ફારૂક અબ્દુલ્લા (Farooq Abdullah) આ હુમલામાં સંપૂર્ણ સુરક્ષિત છે. ઘટનાના પગલે સુરક્ષા એજન્સીઓમાં દોડધામ મચી ગઈ હતી અને તાત્કાલિક નેતાઓની સુરક્ષા વધારી દેવામાં આવી હતી.

જમ્મુ કશ્મીરમાં ફારુક અબ્દુલ્લાનાકાર્યક્રમ દરમ્યાન ગોળીબાર
ગ્રેટર કૈલાશમાં હોટલ રોયલ પાર્કમાં થયો ગોળીબાર
લગ્ન સમારોહમાં ગોળીબાર થતા અફરા-તફરી મચી
આ કાર્યક્રમમાં ફારુક અબ્દુલ્લા અને DyCM સુરિંદર ચૌધરી હાજર હતા
ઘટના સ્થળે હાજર સુરક્ષાકર્મીઓએ હુમલો કરનારને ઝડપી લીધો
સુરિંદર ચૌધરીને… pic.twitter.com/eqwYt7uu6k

— Gujarat First (@GujaratFirst) March 11, 2026

Farooq Abdullah પર ફાયરિંગ કરનાર હુમલાખોર ઝડપાયો

ઘટના સ્થળે હાજર સુરક્ષા કર્મીઓએ તાત્કાલિક કાર્યવાહી કરીને હુમલાખોરને પકડી પાડ્યો હતો. હુમલાખોરની ઓળખ જમ્મુના સ્થાનિક રહેવાસી કમલ સિંહ જમવાલ (Kamal Singh Jamwal) તરીકે થઈ છે. પોલીસે હુમલાખોર પાસેથી હથિયાર જપ્ત કરી તેને કસ્ટડીમાં લીધો છે. અત્યારે પોલીસ અને તપાસ એજન્સીઓ એ દિશામાં તપાસ કરી રહી છે કે શું આ હુમલો પૂર્વ મુખ્યમંત્રી ફારૂક અબ્દુલ્લા (Farooq Abdullah) ને નિશાન બનાવીને કરવામાં આવ્યો હતો કે પછી તેની પાછળ કોઈ અન્ય અંગત અદાવત જવાબદાર છે.

આ ઘટનાએ જમ્મુ (Jammu) માં સુરક્ષા વ્યવસ્થા પર અનેક સવાલો ઊભા કર્યા છે, ખાસ કરીને જ્યારે રાજ્યના ઉચ્ચ પદાધિકારીઓ એક જ સ્થળે હાજર હોય ત્યારે આવી ગંભીર ચૂક કેવી રીતે થઈ શકે તે તપાસનો વિષય છે. હાલમાં સમગ્ર વિસ્તારને સીલ કરી દેવામાં આવ્યો છે અને પૂછપરછ ચાલુ છે.

આ પણ વાંચો: એ જ રંગ, એ જ ઢંગ: જાણો, પંડિતોની કાશ્મીર વાપસી પર Farooq Abdullah શું બોલ્યા?