Kerala માં 18 વર્ષની ખેલાડીનું 4 વર્ષથી યૌન શોષણ, 64 આરોપીઓની સંડોવણી

• Kerala માં 4 વર્ષથી રમતવીરનું યૌન શોષણ
• 64 લોકો સંડોવાયેલા, 5 આરોપી ઝડપાયા
• SP એ SIT ની રચના કરવાના આદેશ આપ્યા

કેરળ (Kerala)માંથી એક ચોંકાવનારો કિસ્સો સામે આવ્યો છે. અહીં એક 18 વર્ષના સ્પોર્ટ્સ પર્સનનું 4 વર્ષમાં 64 લોકોએ યૌન શોષણ કર્યું. પોલીસે આ કેસમાં 5 શંકાસ્પદ લોકોની ધરપકડ કરી છે. હાલ પોલીસ આરોપોની તપાસમાં વ્યસ્ત છે. પથનમથિટ્ટા ચાઈલ્ડ વેલફેર કમિટીના પ્રમુખ રાજીવ એનના જણાવ્યા અનુસાર, છોકરીએ પહેલીવાર શાળામાં તેના પર થયેલા યૌન શોષણ વિશે જણાવ્યું.

બાળ કલ્યાણ સમિતિની દરમિયાનગીરી બાદ પોલીસે કેસ નોંધ્યો હતો. મળતી માહિતી મુજબ, પથાનમથિટ્ટામાં વિવિધ સ્થળોએ યુવતીનું યૌન શોષણ કરવામાં આવ્યું હતું. જેમાં સ્પોર્ટ્સ કેમ્પનો પણ સમાવેશ થાય છે. મહિલા ખેલાડીના જણાવ્યા અનુસાર મોટાભાગના આરોપીઓ કોચ, સ્થાનિક યુવા અને સાથી ખેલાડીઓ છે.

પોલીસે 5 ઝડપ્યા...

કેરળ (Kerala) પોલીસે આ કેસમાં કહ્યું કે, અત્યાર સુધીમાં બે FIR નોંધવામાં આવી છે અને 5 લોકોની ધરપકડ કરવામાં આવી છે. જ્યારે છઠ્ઠો આરોપી પહેલેથી જ એક કેસમાં જેલમાં છે. બાળ કલ્યાણ સમિતિના અધ્યક્ષ રાજીવ એનના જણાવ્યા અનુસાર, છોકરીએ સૌપ્રથમ શાળામાં જાતીય શોષણ વિશે વાત કરી, એક અહેવાલમાં પોલીસના જણાવ્યા અનુસાર, યુવતી પાસે પોતાનો ફોન નથી અને તેણે તેના પિતાના મોબાઈલ ફોનમાં તેના પર યૌન શોષણ કરનારા લગભગ 40 લોકોના નંબર સેવ કર્યા છે. બાળ કલ્યાણ સમિતિના સભ્યના જણાવ્યા અનુસાર, હાલમાં બાળકીનું કાઉન્સેલિંગ કરવામાં આવી રહ્યું છે જેથી તે ખાતરી કરી શકે કે આરોપો સાચા છે.

આ પણ વાંચો : Mumbai પોલીસની મોટી કાર્યવાહી, 4 બાંગ્લાદેશીઓ ઝડપાયા

SIT ની રચના કરવામાં આવી...

પથાનમથિટ્ટા એસપીએ ઘટનાઓની તપાસ માટે એક SIT ની રચના કરી છે. શુક્રવારે આ કેસમાં પાંચ લોકોની ધરપકડ કરવામાં આવી હતી. ધરપકડ કરાયેલા લોકોમાં સુબીન (24), એસ સંદીપ (30), વીકે વિનીત (30), કે આનંદુ (21) અને શ્રીની (24)નો સમાવેશ થાય છે. તમામ આરોપીઓ ચેન્નીકારાના રહેવાસી છે.

આ પણ વાંચો : PM મોદી ફેબ્રુઆરીમાં ફ્રાંસની મુલાકાતે, AI એક્શન સમિટમાં ભાગ લેશે