Odisha માં ભક્તોથી ભરેલી બસ પલટી, 4 ના મોત અને 40 ઘાયલ...

• Odisha ના કોરાપુટ જિલ્લામાં બસ અકસ્માત
• ગુપ્તેશ્વર મંદિર જતા ભક્તોના માર્ગમાં દુર્ઘટના
• BSF અને પોલીસની ઝડપથી બચાવ કામગીરી

ઓડિશા (Odisha)ના કોરાપુટ જિલ્લામાં રવિવારે સવારે એક મોટો અકસ્માત થયો હતો. અહીં બસ પલટી જતાં ચાર મુસાફરોના મોત થયા હતા, જ્યારે 40 અન્ય ઘાયલ થયા હતા. જણાવવામાં આવી રહ્યું છે કે, આ બસ લગભગ 50 શ્રદ્ધાળુઓને લઈને ગુપ્તેશ્વર જઈ રહી હતી. આ દરમિયાન ડ્રાઈવરે બસ પરનો કાબૂ ગુમાવ્યો અને બસ પલટી ગઈ. ઓડિશા (Odisha)ના સીએમ મોહન ચરણ માઝીએ આ દુર્ઘટના પર શોક વ્યક્ત કર્યો અને મૃતકોના પરિવારજનો માટે સહાયની જાહેરાત પણ કરી.

બસ ગુપ્તેશ્વર મંદિર જઈ રહી હતી...

પોલીસે જણાવ્યું કે, આ અકસ્માત કોરાપુટ જિલ્લાના બોઈપરીગુડા પોલીસ સ્ટેશન વિસ્તારમાં થયો હતો. અહીં ગુપ્તેશ્વર નજીક ડોકરીઘાટ પર સવારે લગભગ 5.30 વાગ્યે બસ પલટી ગઈ હતી. પોલીસના જણાવ્યા અનુસાર બસ કટકના નિયાલીથી ગુપ્તેશ્વર મંદિર જઈ રહી હતી જેમાં લગભગ 50 ભક્તો હતા. એક અધિકારીએ જણાવ્યું કે દુર્ઘટનાની માહિતી મળતાં જ બોર્ડર સિક્યોરિટી ફોર્સ (BSF) અને પોલીસની ટીમ ઘટનાસ્થળે પહોંચી ગઈ હતી. આ પછી, ઘાયલ મુસાફરોને ઉતાવળમાં બચાવી લેવામાં આવ્યા હતા અને બોઇપારીગુડા હોસ્પિટલમાં દાખલ કરવામાં આવ્યા હતા.

આ પણ વાંચો : Mumbai ના દરિયામાં વધુ એક દુર્ઘટના, માછીમારોની બોટ અને જહાજ ટકરાવ

CM એ દુઃખ વ્યક્ત કર્યું...

અધિકારીઓએ જણાવ્યું કે, એવી શંકા છે કે પહાડી રોડ પર મુશ્કેલ વળાંક પર ડ્રાઈવરે નિયંત્રણ ગુમાવ્યું હતું. અધિકારીઓએ જણાવ્યું કે મૃતકોમાં એક 12 વર્ષનો બાળક પણ સામેલ છે. તેમણે કહ્યું કે, ઘાયલોમાંથી ઘણાની હાલત નાજુક હોવાનું કહેવાય છે, જેમાંથી ઘણાએ પોતાના હાથ અને પગ ગુમાવ્યા છે. તેમણે કહ્યું કે, ઘાયલોમાં ઘણી મહિલાઓ અને બાળકો પણ સામેલ છે. ઓડિશા (Odisha)ના CM મોહન ચરણ માઝીએ આ દુર્ઘટના પર શોક વ્યક્ત કર્યો છે. તેમણે મૃતકોના પરિવારજનોને 2 લાખ રૂપિયાની એક્સ-ગ્રેશિયા રકમ આપવાની પણ જાહેરાત કરી હતી. આ ઉપરાંત CM માઝીએ અધિકારીઓને જિલ્લા મુખ્યાલય હોસ્પિટલમાં ગંભીર રીતે ઘાયલ લોકોની સારવાર સુનિશ્ચિત કરવા પણ નિર્દેશ આપ્યો હતો.

આ પણ વાંચો : Delhi : ચૂંટણી પહેલાં AAP માં ગભરાટ, કેજરીવાલે BJP પર લગાવ્યા આક્ષેપ...