Delhi : શીશમહેલથી રાજમહેલ સુધી, AAP-BJP વચ્ચે નવા વિવાદનો શુભારંભ

• Delhi CM આવાસ સામે ધરણા પર AAP સાંસદ
• PM નું 'રાજમહેલ' પણ જનતાને બતાવો
• AAP-BJP માં 'શીશમહેલ' નામે રાજકીય યુદ્ધ

દિલ્હી (Delhi)ની ચૂંટણી વચ્ચે રાજધાનીની શેરીઓમાંથી એક મોટા સમાચાર સામે આવી રહ્યા છે. દિલ્હી (Delhi) પોલીસ હવે પૂર્વ CM અરવિંદ કેજરીવાલના CM આવાસની સામે ઉભી છે, જેને ભાજપ વારંવાર શીશમહલ તરીકે નામ આપી રહી છે. ભાજપે દિલ્હી (Delhi)ના CM ના નિવાસસ્થાનને ભ્રષ્ટાચારનો અડ્ડો ગણાવ્યો છે. દરમિયાન, જ્યારે AAP સાંસદ સંજય સિંહ અને દિલ્હી સરકારના મંત્રી સૌરભ ભારદ્વાજ સિવિલ લાઈન્સ સ્થિત CM આવાસ પહોંચ્યા ત્યારે દિલ્હી પોલીસે બેરિકેડ લગાવીને રસ્તો રોકી દીધો હતો.

શીશમહેલ પછી આપણે રાજમહેલ જોઈશું - સંજય સિંહ

AAP સાંસદ સંજય સિંહે આજે સવારે જ CM આવાસ તરફ કૂચ કરી હતી. સંજય સિંહે કહ્યું કે, ભાજપ CM આવાસને શીશમહેલ કહે છે. PM નું નિવાસસ્થાન પણ કોઈ મહેલથી ઓછું નથી. તેથી, આજે અમને બધાને શીશ મહેલ બતાવો અને શીશ મહેલ જોયા પછી, અમે પણ રાજ મહેલ જોવા જઈશું.

દિલ્હી પોલીસે રોક્યા...

સંજય સિંહે ભાજપને 2700 કરોડ રૂપિયામાં બનેલો PM નરેન્દ્ર મોદીનો આલીશાન મહેલ પણ બતાવવાનો પડકાર ફેંક્યો છે. આ એપિસોડમાં સંજય સિંહ અને સૌરભ ભારદ્વાજ દિલ્હી (Delhi)ના CM આવાસ પર પહોંચ્યા હતા. દિલ્હી પોલીસે CM આવાસની સુરક્ષા પણ વધારી દીધી છે. પોલીસે બંને નેતાઓને બહાર જ અટકાવ્યા છે.

આ પણ વાંચો : ISRO ના નવા અધ્યક્ષ તરીકે વી નારાયણન નિયુક્ત, ભારતીય અવકાશવિજ્ઞાનને નવી દિશા

સૌરભ ભારદ્વાજે નિવેદન આપ્યું હતું...

CM આવાસની બહાર સંજય સિંહની પોલીસ સાથે બોલાચાલી પણ થઈ હતી. જ્યારે પોલીસે તેના શ્રેષ્ઠ પ્રયાસો છતાં તેને અંદર જવા દીધો ન હતો, ત્યારે સંજય સિંહ CM આવાસની બહાર ધરણા પર બેસી ગયા હતા. AAP નેતા સૌરભ ભારદ્વાજનું કહેવું છે કે ભાજપ દરરોજ નવા ફોટા અને વીડિયો જાહેર કરે છે. આજે અમે મીડિયાને બધું બતાવવા માટે અહીં આવ્યા છીએ. હવે ભાજપ ભાગી રહ્યું છે. 3 લેયર બેરિકેડીંગ લગાવવામાં આવેલા છે. પાણીના કન્ટેનર પણ અહીં હાજર છે.

આ પણ વાંચો : Nitin Gadkari એ કેશલેસ સારવાર યોજનાને આપી મંજૂરી...

PM મોદીએ રેલીમાં ઉલ્લેખ કર્યો હતો...

તમને જણાવી દઈએ કે, દિલ્હીની ચૂંટણી નજીક આવતાની સાથે જ CM આવાસ ફરી એકવાર ચર્ચામાં આવી ગયું છે. તાજેતરમાં જ દિલ્હીમાં તેમની રેલી દરમિયાન PM નરેન્દ્ર મોદીએ પણ CM આવાસને શીશમહેલ તરીકે સંબોધન કર્યું હતું. હવે AAP એ પણ ભાજપ પર પલટવાર શરૂ કર્યો છે.

આ પણ વાંચો : Assam Mine Accident : ખાણ અકસ્માતમાં એક મૃતદેહ મળ્યો, 8 મજૂરો હજુ પણ ખાણમાં ફસાયા