Abhishek Banerjee Attack : અભિષેક બેનર્જી પર હુમલામાં પાંચની ધરપકડ, હુગલીમાં TMC રસ્તા પર ઉતરી !
Abhishek Banerjee Attack : પશ્ચિમ બંગાળમાં તૃણમૂલ કોંગ્રેસ (TMC) ના રાષ્ટ્રીય મહાસચિવ અભિષેક બેનર્જી પર થયેલા કથિત હુમલા બાદ રાજકીય વાતાવરણ ગરમાયું છે. સોનારપુર મુલાકાત દરમિયાન થયેલી આ ઘટનામાં પોલીસે 5 સ્થાનિક લોકોની ધરપકડ કરી છે. બીજી તરફ, આ હુમલાના વિરોધમાં ટીએમસી કાર્યકરોએ હુગલી સહિતના અનેક વિસ્તારોમાં વિરોધ પ્રદર્શનો કર્યા હતા.
શું છે સમગ્ર ઘટના?
અભિષેક બેનર્જી સોનારપુરની મુલાકાતે હતા ત્યારે કેટલાક સ્થાનિક લોકોએ તેમની સાથે દુર્વ્યવહાર કર્યો હતો અને કથિત રીતે ઇંડા અને જૂતા ફેંક્યા હતા. આ ઘટના બાદ પોલીસ તંત્ર હરકતમાં આવ્યું હતું અને કેસ નોંધીને 5 આરોપીઓની ધરપકડ કરી હતી. અસિત મજુમદારના નેતૃત્વમાં ટીએમસી કાર્યકરોએ પીપુલપતિ ક્રોસિંગ પર ધરણા કરીને ટ્રાફિક જામ કર્યો હતો, જેના કારણે સામાન્ય જનજીવન પ્રભાવિત થયું હતું.
દિલીપ ઘોષે કર્યા પ્રહારો
આ સમગ્ર મામલે ભાજપ નેતા દિલીપ ઘોષે આકરા પ્રહારો કરતા જણાવ્યું હતું કે, "ચૂંટણી પરિણામો બાદ પરિસ્થિતિ સમજવી જરૂરી હતી. 22 વાહનોના કાફલા સાથે હીરો બનવા નીકળેલા વ્યક્તિને લોકોનો રોષ તો સહન કરવો જ પડે." તેમણે વધુમાં ઉમેર્યું કે જનતા છેલ્લા 15 વર્ષથી જે સહન કરી રહી છે, તેનો આ ગુસ્સો છે.
ભાજપનો બચાવ !
ભાજપના અન્ય નેતા સમિક ભટ્ટાચાર્યએ આ ઘટનાને અસ્વીકાર્ય ગણાવતા કહ્યું કે, ભાજપનો આની સાથે કોઈ સંબંધ નથી. તેમણે પલટવાર કરતા આરોપ લગાવ્યો કે ટીએમસી શાસનમાં ભાજપના કાર્યકરો પર અત્યાચાર થઈ રહ્યા છે અને જો ટીએમસી સંપૂર્ણ સત્તામાં હોત તો સ્થિતિ વધુ ખરાબ હોત.
આ પણ વાંચો : Surya Chauhan Murder Case : ગાઝિયાબાદ હત્યા કેસના મુખ્ય આરોપી અસદનું પોલીસ એન્કાઉન્ટરમાં મોત