Accident : ગાયને બચાવવા જતા બે બસો વચ્ચે થયો અકસ્માત, બે લોકોના મોત, 8 થી વધુ ઘાયલ...

Rajasthan : બારાન શહેર નજીક નેશનલ હાઇવે 27 પર સ્થિત ઝાલાવાડ રોડ ઓવર બ્રિજના પુલ પર ગાયને બચાવવાનો પ્રયાસ કરતી વખતે મંગળવારે મોટો અકસ્માત (Accident) થયો હતો. જ્યારે બસના ચાલકે રોડ પર બેઠેલી ગાયને બચાવવા માટે બ્રેક લગાવી ત્યારે પાછળથી પુરપાટ આવતી બસે તેને જોરદાર ટક્કર મારી હતી. જેના કારણે બસ ચાલક સહિત બે લોકોના ઘટનાસ્થળે જ મોત થયા હતા અને એક ડઝન લોકો ઘાયલ થયા હતા. જેમાંથી 8 ઘાયલોને જિલ્લા હોસ્પિટલમાં દાખલ કરવામાં આવ્યા છે. ઘટના બાદ સ્થળ પર હોબાળો મચી ગયો હતો. રાહદારીઓએ કેટલાક ઘાયલોને બચાવવામાં મદદ કરી અને પોલીસને જાણ કરી. ક્રેનની મદદથી એક મૃતદેહને બસમાંથી બહાર કાઢવામાં આવ્યો હતો.

અકસ્માત (Accident)માં રોડ પર બેઠેલી ગાયનું પણ ઘટનાસ્થળે જ મોત થયું હતું. માહિતી મળતા પોલીસ પહોંચી અને મૃતદેહ અને ઘાયલોને જિલ્લા હોસ્પિટલમાં લઈ ગયા. માહિતી મળતાં જિલ્લા કલેક્ટર રોહિતાશ્વ સિંહ તોમર, પોલીસ અધિક્ષક રાજકુમાર ચૌધરી, કોતવાલી પ્રભારી રામ બિલાસ મીણા વગેરે ઘટનાસ્થળે પહોંચી ગયા હતા. પોલીસે કેસ નોંધીને તપાસ શરૂ કરી છે.

આ રીતે સર્જાયો હતો અકસ્માત...

પોલીસ અધિક્ષક ચૌધરી અને પોલીસ સ્ટેશન ઈન્ચાર્જ મીણાએ જણાવ્યું કે ખાનગી ટ્રાવેલ્સ કંપનીની પેસેન્જર બસ છાબરાથી બારાન તરફ આવી રહી હતી . તેની પાછળ આ જ ટ્રાવેલ્સ કંપનીની અન્ય એક પેસેન્જર બસ નાહરગઢથી બારાન તરફ આવી રહી હતી. જીલ્લા જેલ અને અમાપુરા ગામ પાસે કોટા રોડ ફોર લેન હાઈવેના પુલ પર બંને બસો તેજ ગતિએ જઈ રહી હતી. સંભવતઃ પાછળ આવેલી બસ ઓવરટેક કરવાનો પ્રયાસ કરી રહી હતી. તે દરમિયાન પૂલ પર બેઠેલી ગાયને બચાવવા બસ ચાલકે બ્રેક લગાવી પરંતુ પાછળ આવતી બસે જોરદાર ટક્કર મારી અને અકસ્માત (Accident) સર્જાયો હતો. આનાથી આગળ, છાબરાથી કોટા થઈને બારાન જઈ રહેલી બસ ડિવાઈડર સાથે અથડાઈને પલટી ગઈ. ટોંક જિલ્લાના ગઢ પોલીસ સ્ટેશન વિસ્તારના રહેવાસી બસ ઓપરેટર નરેશ બૈરવા (35) અને છાજવા પોલીસ સ્ટેશન અત્રુના રહેવાસી મુસાફર મુકેશ પ્રજાપત (34)નું મૃત્યુ થયું છે અને એક ડઝન મુસાફરો ઘાયલ થયા છે.

આ પણ વાંચો : Budget થી ખુશ નથી રાકેશ ટિકૈત, કહ્યું- આ ફક્ત કાગળ પર, ખેડૂતોને કોઈ ફાયદો નહીં...

આ પણ વાંચો : Jammu-Kashmir: કુપવાડામાં અંધાધૂંધ ફાયરિંગ, સુરક્ષા દળોએ 3 આતંકવાદીને ઘેરી લીધા

આ પણ વાંચો : 'Andhra Pradesh માં ખુશીની લહેર, PM મોદીનો આભાર...', જાણો ચંદ્રબાબુ નાયડુએ શું કહ્યું...