India Action Against X : સરકારની લાલ આંખ બાદ X સીધું દોર, 3500 પોસ્ટ પર ફેરવ્યું પાણી!

 India Action Against X :  X એ સરકાર સામે ભૂલ સ્વીકારી

કેન્દ્ર સરકાર અને X ના ઉચ્ચ અધિકારીઓ વચ્ચે તાજેતરમાં એક મહત્વપૂર્ણ બેઠક યોજાઈ હતી. આ બેઠકમાં પ્લેટફોર્મ પર પ્રસારિત થતી વાંધાજનક સામગ્રીને લઈને સરકારે ગંભીર ચિંતા વ્યક્ત કરી હતી. દબાણને વશ થઈને X એ સ્વીકાર્યું છે કે કન્ટેન્ટ મોડરેશનમાં ચૂક થઈ છે. પ્લેટફોર્મે હવે સરકારને ભરોસો આપ્યો છે કે ભવિષ્યમાં આવી અશ્લીલ અને વાંધાજનક સામગ્રીને પ્લેટફોર્મ પર સ્થાન આપવામાં આવશે નહીં અને ભારતીય કાયદાઓનું ચુસ્તપણે પાલન કરવામાં આવશે.

🚨🚨🇮🇳 X Blocks 3,500 Posts, Deletes 600 Accounts in India After Government Crackdown on Grok AI Explicit Content. pic.twitter.com/W6uYyHEQvT

— Global Log (@TheGlobalLog) January 11, 2026

 India Action Against X :  3500 પોસ્ટ અને 600 એકાઉન્ટ પર તવાઈ

સરકાર સાથેની બેઠક બાદ X એ ત્વરિત અસરથી એક્શન મોડમાં આવીને મોટી સફાઈ ઝુંબેશ હાથ ધરી છે. પ્રાપ્ત માહિતી મુજબ, અત્યાર સુધીમાં પ્લેટફોર્મ પરથી આશરે 3,500 જેટલા વાંધાજનક કન્ટેન્ટ (પોસ્ટ, ફોટા અને વીડિયો) હટાવી દેવામાં આવ્યા છે. એટલું જ નહીં, આવા કન્ટેન્ટ ફેલાવનારા 600થી વધુ એકાઉન્ટ્સને કાયમી ધોરણે ડિલીટ અથવા સસ્પેન્ડ કરી દેવામાં આવ્યા છે. આ કાર્યવાહી દર્શાવે છે કે સરકારના કડક વલણની સીધી અસર કંપનીની નીતિઓ પર પડી છે.

AI ટૂલ ‘ગ્રોક’ બન્યું મુસીબતનું કારણ

આ સમગ્ર વિવાદનું મૂળ X ના પોતાના જ AI ટૂલ ‘ગ્રોક’ (Grok) સાથે જોડાયેલું છે. છેલ્લા થોડા સમયથી આ ટૂલનો દુરુપયોગ કરીને ભારતીય રાજનેતાઓ અને નામી હસ્તીઓની ‘ડીપફેક’ (Deepfake) અને અશ્લીલ તસવીરો બનાવવામાં આવી રહી હતી. આર્ટિફિશિયલ ઈન્ટેલિજન્સનો આવો દુરુપયોગ લોકશાહી અને વ્યક્તિગત ગરિમા માટે મોટો ખતરો બની રહ્યો હતો, જેને ધ્યાનમાં રાખીને આઈટી મંત્રાલયે તાત્કાલિક હસ્તક્ષેપ કર્યો હતો.

‘સેફ હાર્બર’ સુરક્ષા હટાવવાની ચેતવણી

સરકારે આ મામલે સ્પષ્ટ ચેતવણી આપી હતી કે જો પ્લેટફોર્મ પોતાની નીતિઓમાં સુધારો નહીં કરે અને અશ્લીલ સામગ્રી પર લગામ નહીં લગાવે, તો તેની સામે કડક કાનૂની કાર્યX India, IT Ministry action, obscene content removal, Grok AI controversy, deepfake photos India, social media safe harbour, X accounts banned, Indian IT rules compliance, political deepfakes, Elon Musk X India
વાહી કરવામાં આવશે. સૌથી મોટી ચીમકી એ હતી કે સરકાર X પાસેથી ‘સેફ હાર્બર’ (Safe Harbour) નું સુરક્ષા કવચ પાછું ખેંચી શકે છે. જો આ સુરક્ષા હટી જાય, તો પ્લેટફોર્મ પર મુકવામાં આવતા કોઈપણ કન્ટેન્ટ માટે કંપની સીધી રીતે કાયદાકીય રીતે જવાબદાર બની જાય છે. આ ડરને કારણે કંપનીએ તાત્કાલિક સુધારાત્મક પગલાં ભરવાની ફરજ પડી હતી.

આ પણ વાંચો : Operation Hawkeye Strike : અમેરિકાનો સીરિયા પર મોટો હુમલો, ISISના અનેક અડ્ડાઓ પર કરી એરસ્ટ્રાઈક