મધ્યપ્રદેશના આ 17 ધાર્મિક સ્થળોએ દારૂ પર પ્રતિબંધ, સીએમ યાદવે કરી જાહેરાત

• મધ્ય પ્રદેશમાં 17 ધાર્મિક સ્થળોએ દારૂબંધી
• નવી દારૂનીતિ પર કેબિનેટની બેઠકમાં મંજૂરી
• ઉજ્જૈન, મૈહર, દતિયા, પન્નામાં દારૂબંધી લાગુ

Alcohol banned in Madhya Pradesh: દેવી અહલ્યા બાઈની 300મી જન્મજયંતિ નિમિત્તે આજે (શુક્રવારે) ખરગોનના મહેશ્વરમાં મધ્ય પ્રદેશ સરકારની કેબિનેટ બેઠક યોજાઈ હતી. બેઠકમાં મધ્યપ્રદેશ સરકાર દ્વારા દારૂબંધી અંગે મોટો નિર્ણય લેવામાં આવ્યો છે. તેમાં ઉજ્જૈન મ્યુનિસિપલ કોર્પોરેશન, મેહર મ્યુનિસિપલ કાઉન્સિલ, દતિયા, પન્ના, મંડલા, મુલતાઈ, મંદસૌર, ઓરછા, ચિત્રકૂટ, અમરકંટક, મહેશ્વર, ઓમકારેશ્વર, સલ્કનપુર, બંદકપુર, કુંડલપુર, બર્મનકાલા, લિંગા અને બર્મનખુર્દ મંડલેશ્વર મ્યુનિસિપલ કાઉન્સિલ અને ગ્રામ પંચાયતો સામેલ છે.

17 ધાર્મિક નગરોમાં દારૂબંધીની જાહેરાત

ગુરુવારે નરસિંહપુર જિલ્લામાં આયોજિત એક કાર્યક્રમમાં મુખ્યમંત્રી મોહન યાદવે રાજ્યના 17 ધાર્મિક નગરોમાં દારૂબંધીની જાહેરાત કરી હતી. આ જાહેરાત પછી, કેબિનેટ બેઠકમાં આ અંગે અંતિમ નિર્ણય લેવામાં આવે તેવી શક્યતા છે. દારૂબંધીના નિર્ણયથી માત્ર ધાર્મિક શહેરી વિસ્તારોમાં સુધારો થવાની અપેક્ષા નથી, પરંતુ તે સામાજિક દૃષ્ટિકોણથી પણ સકારાત્મક પરિવર્તન સાબિત થઈ શકે છે.  b

આ પણ વાંચો :  Maharashtra : ભંડારામાં ઓર્ડિનન્સ ફેક્ટરીમાં વિસ્ફોટ, 5 કામદારોના થયા મોત

દારૂ પર પ્રતિબંધ કેમ ?

ઉજ્જૈન અને ઓમકારેશ્વર જ્યોતિર્લિંગ સ્થળો છે, જ્યારે મૈહર એક શક્તિપીઠ છે. ઓરછામાં રાજા રામ મંદિર છે, જ્યાં ભગવાન રામને રાજા તરીકે પૂજવામાં આવે છે. મહેશ્વર દેશના સૌથી પ્રખ્યાત ધાર્મિક સ્થળોમાંનું એક છે અને અમરકંટક એ સ્થળ છે, જ્યાંથી નર્મદા નદી ઉદ્ભવે છે. આજની કેબિનેટ બેઠકમાં મોહન યાદવ સરકારની નવી આબકારી નીતિને પણ મંજૂરી આપવામાં આવી હતી. આ નીતિ પર અનેક રાઉન્ડની ચર્ચા બાદ, મુખ્યમંત્રી મોહન યાદવે દારૂ પર પ્રતિબંધ મૂકવાનો નિર્ણય લીધો છે. આ બેઠકમાં 17 ધાર્મિક શહેરોમાં દારૂબંધીને કારણે થવાવાળા મહેસૂલ નુકસાનની ભરપાઈ કરવા અંગે ચર્ચા બાદ મંજૂરી આપવામાં આવશે. આ ઉપરાંત દારૂની દુકાનોની હરાજી સંબંધિત નવી શરતો પર પણ ચર્ચા કરવામાં આવશે.

મહેશ્વરમાં આ બેઠકનું આયોજન

દેવી અહલ્યા બાઈનું જીવન ભારતીય ઇતિહાસમાં પ્રેરણાસ્ત્રોત છે, તેથી તેમની 300મી જન્મજયંતિ નિમિત્તે, સરકાર તેમના કાર્યો અને તેમના યોગદાનને માન આપવા માટે વિવિધ યોજનાઓની જાહેરાત કરી શકે છે. આજે મહેશ્વરમાં યોજાનારી કેબિનેટ બેઠક ઐતિહાસિક રીતે ખૂબ જ મહત્વપૂર્ણ છે, કારણ કે તે 22 વર્ષ પછી થઈ રહી છે. અગાઉ 2003માં તત્કાલીન મુખ્યમંત્રી ઉમા ભારતીના કાર્યકાળ દરમિયાન મહેશ્વરમાં કેબિનેટની બેઠક યોજાઈ હતી. હવે 22 વર્ષ પછી મોહન યાદવ સરકારે મહેશ્વરમાં આ બેઠકનું આયોજન કર્યું છે.

આ પણ વાંચો :  Toll Tax Fraud: NHAI ટોલ પ્લાઝા પર ટેક્સ વસૂલાતમાં કૌભાંડનો પર્દાફાશ