West Bengal માં બાગડોગરા એરપોર્ટ પર વાયુસેનાનું વધુ એક વિમાન ક્રેશ, ક્રૂ મેમ્બર્સ સુરક્ષિત

• બાગડોગરા એરપોર્ટ પર AN-32 ટ્રાન્સપોર્ટ એરક્રાફ્ટ ક્રેશ થયું
• વિમાનના તમામ ક્રૂ મેમ્બર સંપૂર્ણપણે સુરક્ષિત
• ભારતીય વાયુસેનાના અધિકારીએ દુર્ઘટના અંગે માહિતી આપી

West Bengal IAF Plane Crash : પશ્ચિમ બંગાળથી એક મોટા સમાચાર સામે આવ્યા છે, જ્યાં ભારતીય સેનાનું વધુ એક વિમાન ક્રેશ થયું છે. શુક્રવારે બાગડોગરા એરપોર્ટ પર AN-32 ટ્રાન્સપોર્ટ એરક્રાફ્ટ ક્રેશ થયું હતું. વિમાનના તમામ ક્રૂ મેમ્બર સંપૂર્ણપણે સુરક્ષિત છે. ભારતીય વાયુસેનાના અધિકારીએ આ દુર્ઘટના અંગે માહિતી આપી છે.

AN-32 ટ્રાન્સપોર્ટ એરક્રાફ્ટ ક્રેશ

ભારતીય વાયુસેનાના એક અધિકારીએ જણાવ્યું કે પશ્ચિમ બંગાળના સિલિગુડીના બાગડોગરા એરપોર્ટ પર શુક્રવારે AN-32 ટ્રાન્સપોર્ટ એરક્રાફ્ટ ક્રેશ થયું છે. વિમાનને ઘટનાસ્થળેથી બહાર કાઢવામાં આવ્યું છે. જોકે, આ અકસ્માતમાં કોઈ જાનહાનિ કે સંપત્તિનું નુકસાન થયું નથી. વિમાનના તમામ ક્રૂ સભ્યો સુરક્ષિત છે.

આ પણ વાંચો :  2020 દિલ્હી રમખાણોના આરોપી શાહરૂખ પઠાણને મળ્યા 15 દિવસના વચગાળાના જામીન

ઇમરજન્સી લેન્ડિંગ દરમિયાન અકસ્માત થયો

ભારતીય વાયુસેનાનું વિમાન ક્રેશ થયાની માહિતી મળતા જ એરપોર્ટ પ્રશાસનમાં ખળભળાટ મચી ગયો છે. સુરક્ષા દળોની ટીમ તાત્કાલિક ઘટનાસ્થળે પહોંચી છે અને મામલાની તપાસ કરી રહી છે. આ ઘટનાને લઈને એક તસવીર સામે આવી છે, જેમાં પ્લેન જમીન પર પડતું જોવા મળી રહ્યું છે. કહેવામાં આવી રહ્યું છે કે AN-32 ટ્રાન્સપોર્ટ એરક્રાફ્ટ ઈમરજન્સી લેન્ડિંગ કરતી વખતે ક્રેશ થયું હતું.

પંચકુલામાં જગુઆર ફાઈટર પ્લેન ક્રેશ

તમને જણાવી દઈએ કે આ પહેલા હરિયાણાના પંચકુલામાં એરફોર્સનું જગુઆર ફાઈટર પ્લેન ક્રેશ થયું હતું. વિમાન જમીન પર પડતાની સાથે જ તેમાં આગ લાગી ગઈ, જોકે પાયલટે પેરાશૂટની મદદથી પોતાનો જીવ બચાવી લીધો. આ અકસ્માત વિમાનની સિસ્ટમમાં ખામીને કારણે થયો હતો. ભારતીય વાયુસેનાએ આ મામલે તપાસના આદેશ આપ્યા છે.

આ પણ વાંચો :  Delhi મહોલ્લા ક્લિનિક બંધ કરવાની જાહેરાત પર ભડક્યા સત્યેન્દ્ર જૈન, સરકાર પર લગાવ્યા મોટા આરોપ