AndhraPradesh ના કોનસીમામાં ONGC ગેસ લીકેજ બાદ ભીષણ આગ,સ્થાનિકોમાં ભારે દહેશત!
આંધ્રપ્રદેશના આંબેડકર કોનસીમા જિલ્લામાં ONGCની પાઇપલાઇનમાં ગેસ લીકેજ થતાં ભારે અફરાતફરી મચી છે. રાજોલુ શહેરના ઈરુસુમંડા અને મલિકીપુરમમાં લીકેજ બાદ અનેક સ્થળોએ ભીષણ આગ લાગી છે. સુરક્ષાના કારણોસર ત્રણ ગામોનો વીજ પુરવઠો કાપી નાખવામાં આવ્યો છે અને ગ્રામજનોને સુરક્ષિત સ્થળે ખસી જવા આદેશ અપાયા છે. હાલ ONGCની ટીમ, પોલીસ અને ફાયર બ્રિગેડ સંયુક્ત રીતે આગ પર કાબૂ મેળવવા અને લીકેજ બંધ કરવા પ્રયાસ કરી રહ્યા છે.
Advertisement
- આંધ્રપ્રદેશના કોનસીમામાં ગેસ લીકેજની મોટી ઘટના (Andhra Pradesh Gas Leakage)
- ONGC ગેસ લીકેજથી સ્થાનિકોમાં ભયનો માહોલ
- ગેસ લીકેજથી અનેક સ્થળો પર આગની ઘટના
આંધ્રપ્રદેશમાં ગેસ લીકેજની ઘટનાના મોટા સમાચાર સામે આવ્યા છે. આ ગેસ લીકેજના લીધે સ્થાનિક લોકોમાં ભયનો માહોલ જોવા મળી રહ્યો છે. પ્રાપ્ત માહિતી અનુસાર આંધ્રપ્રદેશના આંબેડકર કોનસીમાજિલ્લાના રાજોલુ શહેરના ઇરુસુમંડા અને મલિકીપુરમ વિભાગમાં ONGC ગેસ લીકેજથી લોકોમાં ભયનો માહોલ છે. મોટા પ્રમાણમાં ગેસ લીકેજ થવાથી સ્થાનિક લોકોમાં ભય ફેલાયો છે. અનેક સ્થળોએ આગ પણ લાગી છે, જેમાં આગની જ્વાળાઓ જોવા મળી રહી છે.