![Arvind Kejriwal 01_GUJARAT_FIRST]()
તેમણે કહ્યું કે આમ આદમી પાર્ટીના પાંચ અગ્રણી નેતાઓને જેલમાં ધકેલી દેવામાં આવ્યા હતા. તે સમયે એક વર્તમાન મુખ્યમંત્રી (Current Chief Minister) ની પણ તેમના ઘરેથી ધરપકડ કરીને જેલમાં ધકેલી દેવામાં આવ્યા હતા, જે ભારતીય ઇતિહાસમાં ક્યારેય નહોતું. તેમણે દાવો કર્યો હતો કે, તેમને છ મહિના જેલમાં ધકેલી દેવામાં આવ્યા હતા, અને ભૂતપૂર્વ નાયબ મુખ્યમંત્રી મનીષ સિસોદિયાએ લગભગ બે વર્ષ જેલમાં વિતાવ્યા હતા.
કેજરીવાલે કહ્યું કે આ સમગ્ર મામલો બનાવટી (The whole matter is fake.) છે અને તેમની છબી ખરાબ કરવાના હેતુથી એક બદનક્ષીભર્યું (Defamatory) અભિયાન ચલાવવામાં આવી રહ્યું છે. તેમણે આરોપ લગાવ્યો કે ટીવી ચેનલો પર તેમને વારંવાર ભ્રષ્ટ તરીકે દર્શાવવામાં આવ્યા છે.
તેમણે કહ્યું કે સત્તા માટે દેશ અને બંધારણ સાથે સમાધાન ન કરવું જોઈએ. તેમણે કહ્યું કે જો તમારે સત્તા જોઈતી હોય, તો તમારે સારા કાર્ય કરીને તે પ્રાપ્ત કરવી જોઈએ. દેશના લોકો મોંઘવારી (Inflation), બેરોજગારી (Unemployment), તૂટેલા રસ્તાઓ (Broken roads) અને પ્રદૂષણ (Pollution) જેવી ગંભીર સમસ્યાઓનો સામનો કરી રહ્યો છે, જેનો ઉકેલ લાવવો જ જોઇએ.
નોંધનીય છે કે, રાઉઝ એવન્યુ કોર્ટે (Rouse Avenue Court) દિલ્હીના ભૂતપૂર્વ મુખ્યમંત્રી અને આમ આદમી પાર્ટી (AAP) ના રાષ્ટ્રીય સંયોજક અરવિંદ કેજરીવાલ અને તેમના સહયોગી મનીષ સિસોદિયા (Manish Sisodia)ને આરોપોમાંથી મુક્ત (Free from charges) કર્યા છે. કોર્ટે સ્પષ્ટ કર્યું કે નક્કર અને પુરાવાના અભાવે ફક્ત આરોપો પર વિશ્વાસ કરી શકાય નહીં.
કેજરીવાલે મોદી સરકાર સામે આરોપ કર્યો કે, વિપક્ષો સામે ખોટા કેસ દાખલ કરવા, અને તેમને જેલમાં ધકેલી દેવા એ કેટલું યોગ્ય તેવો તેમણે સવાલ કર્યો. દેશ ત્યારે જ પ્રગતિ કરશે જ્યારે જનતાની સમસ્યાઓનું નિરાકરણ આવશે. કેજરીવાલે ન્યાયને સત્યનો વિજય ગણાવ્યો, અને કહ્યું કે બાબાસાહેબ આંબેડકરે દેશને આપેલી બંધારણની ભાવના આખરે જીતી છે.
Arvind Kejriwal: સુનિતા કેજરીવાલે શું કહ્યું
સુનિતા કેજરીવાલે (Sunita Kejriwal) કહ્યું કે અરવિંદ કેજરીવાલે પોતાનું આખું જીવન પ્રામાણિકતા (Honesty) થી જીવ્યું છે અને તેમનું એકમાત્ર લક્ષ્ય દેશની પ્રગતિ રહ્યું છે. જોકે, છેલ્લા ઘણા વર્ષોથી સત્તાના લોભ (Greed for power) ને કારણે અમારી સામે ખોટા આરોપો લગાવવામાં આવ્યા છે. અમને હેરાન કરવામાં આવ્યા છે, અરવિંદજી અને તેમના સહયોગીઓને જેલમાં મોકલવામાં આવ્યા, અમે અપાર દુઃખ સહન કર્યા છે. મને હંમેશા વિશ્વાસ હતો કે, ભગવાન અમારી સાથે રહેશે. આજે મને કહો, ભ્રષ્ટાચાર કોનો હતો, આપણો કે સત્તાનો લોભ?
Arvind Kejriwal: દારૂ નીતિ કેસમાં કોર્ટ તરફથી મોટી રાહત
આ કેસમાં, કોર્ટે પહેલા ભૂતપૂર્વ એક્સાઇઝ કમિશનર કુલદીપ સિંહ (Former Excise Commissioner Kuldeep Singh) ને નિર્દોષ જાહેર કર્યા. ત્યારબાદ મનીષ સિસોદિયા અને અંતે અરવિંદ કેજરીવાલને નિર્દોષ જાહેર કર્યા. કોર્ટે નોંધ્યું કે સીબીઆઈ દ્વારા દાખલ કરાયેલ ચાર્જશીટમાં અસંખ્ય ખામીઓ હતી અને ઘણા પ્રશ્નોના જવાબ મળ્યા ન હતા. તપાસ એજન્સી (Investigation agency) ના પુરાવા નબળા અને અપૂરતા હોવાનું જણાયું હતું, અને તેથી રાહત આપવામાં આવી હતી.
આ પણ વાંચો--- Indian Railway New Rules : 1 માર્ચથી રેલવેના બદલાશે 7 નિયમો, મુસાફરી કરતા પહેલા આ જરૂર વાંચો
કોર્ટે કહ્યું કે જ્યારે કોઈ બંધારણીય કે, જાહેર હોદ્દો ધરાવતી વ્યક્તિ સામે ગંભીર આરોપો લગાવવામાં આવે છે, ત્યારે તેને સમર્થન આપવા માટે નોંધપાત્ર પુરાવા હોવા જોઈએ. માત્ર આરોપો કેસ બનાવી શકતા નથી. જોકે, તપાસ એજન્સી, સીબીઆઈ, આ નિર્ણયથી અસંતુષ્ટ છે અને તેણે સંકેત આપ્યો છે કે, કોર્ટના આ નિર્ણયને હાઇકોર્ટ (High Court) માં પડકારવામાં આવશે. સીબીઆઈ (CBI) ના વકીલો આદેશનો વિગતવાર અભ્યાસ કરશે અને અપીલ દાખલ કરશે.
Arvind Kejriwal: શું હતો મામલો
આ મામલો 2022-23 ની દિલ્હી એક્સાઇઝ પોલિસી સાથે સંબંધિત હતો, જેના આધારે સીબીઆઈએ કેસ દાખલ કર્યો હતો. બાદમાં, ED એ પણ મની લોન્ડરિંગ (Money laundering) ના આરોપસર કેસ દાખલ કર્યો હતો. આ કેસમાં આમ આદમી પાર્ટીના ઘણા નેતાઓને જેલમાં ધકેલી દેવામાં આવ્યા હતા, અને તેમના જામીન (Bail પણ ઘણી વખત નામંજૂર કરવામાં આવ્યા હતા.
આ નિર્ણયને અરવિંદ કેજરીવાલ અને મનીષ સિસોદિયા માટે મોટી રાહત માનવામાં આવી રહી છે અને તેનાથી તેઓ પાર્ટી પરના ઘણા કાનૂની દબાણમાંથી મુક્ત થયા છે.
આ પણ વાંચો--- JNUના વિદ્યાર્થીઓનો વધુ એક હોબાળો, વિરોધ પ્રદર્શન દરમિયાન પોલીસ પર કર્યો પથ્થરમારો
