શિક્ષણ વ્યવસ્થા પર ઉઠાવ્યા સવાલ

બાબા રામદેવે કહ્યું કે, નાના શહેરો અને ગામડાંની ઘણી શાળાઓ-કોલેજોમાં આજે પણ મૂળભૂત સુવિધાઓ (Basic Facilities)નો અભાવ છે. વિદ્યાર્થીઓને પૂરતા શિક્ષકો (Teachers), વીજળી (Electricity), પાણી (Water) અને શૌચાલય (Toilets) જેવી જરૂરી સુવિધાઓ મળતી નથી. બીજી તરફ જ્યાં પૂરતી સુવિધાઓ ઉપલબ્ધ છે, ત્યાં પણ પરીક્ષામાં નકલ (Cheating) અને પેપર લીક (Paper Leak) જેવી સમસ્યાઓ સામે આવે છે. તેમણે શિક્ષણ વ્યવસ્થામાં રહેલી ખામીઓ દૂર કરવાની જરૂરિયાત પર ભાર મૂક્યો અને કહ્યું કે વિદ્યાર્થીઓમાં વધતો અસંતોષ અવગણવો યોગ્ય નથી.

સરકારી ભરતીમાં ગેરરીતિનો આરોપ

બાબા રામદેવે સરકારી નોકરીઓની ભરતી પ્રક્રિયા (Government Recruitment Process) પર પણ ગંભીર આક્ષેપો કર્યા. તેમણે દાવો કર્યો કે સરકારી નોકરીઓના ઇન્ટરવ્યૂ (Government Job Interviews)માં મોટા પાયે ગેરરીતિ થતી હોવાનો આક્ષેપ લોકોમાં છે. તેમના કહેવા મુજબ, કેટલાક કિસ્સામાં જાતિ, વર્ગ, સમુદાય અથવા વિચારધારા સાથે જોડાયેલા લોકોને પ્રાથમિકતા આપવામાં આવે છે, જ્યારે અન્ય ઉમેદવારો સાથે અન્યાય થાય છે. તેમણે આ પ્રકારની વ્યવસ્થાને અપમાનજનક અને લોકશાહી (Democracy)ની ભાવનાની વિરુદ્ધ ગણાવી. સાથે જ તેમણે એવો પણ આરોપ મૂક્યો કે કેટલાક સ્થળોએ સરકારી નોકરી માટે 50 લાખથી 1 કરોડ રૂપિયા સુધીની રકમ લેવાના કિસ્સાઓ સામે આવી રહ્યા છે.

Let's at least speak the truth once, then Baba Ramdev said,
Otherwise, in this era, everyone knows, #SchoolThikKaro pic.twitter.com/wINr6aHBVY

— Raj Mahajan (@RajMahajan1) August 15, 2026

આંદોલન વધે તે પહેલાં સુધરી જાઓ : બાબા રામદેવ

બાબા રામદેવે કહ્યું કે, એક તરફ દેશ ‘સત્યમેવ જયતે’ (Satyamev Jayate)ની વાત કરે છે અને બીજી તરફ જો નોકરીઓ અને અન્ય વ્યવસ્થાઓમાં ગેરરીતિ ચાલતી હોય તો આ ગંભીર વિરોધાભાસ છે. તેમણે સવાલ કર્યો કે જો દેશમાં સતત આંદોલનો (Protests) થતા રહેશે તો દેશ કેવી રીતે આગળ વધશે? તેમણે સ્પષ્ટ શબ્દોમાં ચેતવણી આપી કે હજુ સમય છે અને વ્યવસ્થામાં રહેલી ખામીઓ સુધારવી જોઈએ. જોકે તેમણે આંદોલનના નામે અંધાધૂંધી (Anarchy)ને સમર્થન આપવાનો ઇનકાર કર્યો હતો. તેમ છતાં, દેશમાં ભ્રષ્ટાચાર અને ગેરરીતિઓ (Corruption and Irregularities) હોવાની વાતને અવગણી શકાય નહીં તેમ તેમણે જણાવ્યું.

રાજકીય વાતાવરણ પર પણ ટિપ્પણી

બાબા રામદેવે દેશમાં વધતા નફરત અને ઘૃણાના વાતાવરણ અંગે પણ ચિંતા વ્યક્ત કરી. તેમણે કહ્યું કે સંસદ (Parliament)માં પણ પક્ષ અને વિપક્ષ ઘણી વખત એકબીજાની સામે એવી રીતે ઉભા જોવા મળે છે, જાણે તેઓ ભારત અને પાકિસ્તાન હોય. અંતમાં તેમણે વ્યવસ્થામાં જરૂરી સુધારા કરવાની અપીલ કરતાં કહ્યું કે જો ગેરરીતિઓ દૂર નહીં થાય તો ભવિષ્યમાં વધુ આંદોલનો થઈ શકે છે અને એવી સ્થિતિ ન સર્જાય કે તેમને ફરી આંદોલનના માર્ગે ઉતરવું પડે.

આ પણ વાંચો : Dhirendra Shastri News : બાબા બાગેશ્વરે આપ્યો નવો મંત્ર! AI નહીં, હવે ભારતને HI ની જરૂર...