Badrinath temple donation fraud: અયોધ્યા બાદ હવે બદરીનાથમાં પણ ચંદા ચોરીનો ખેલ? મંદિર સમિતિએ તપાસના આપ્યા આદેશ

Badrinath temple donation fraud: બદરીનાથમાં ચઢાવા મામલે તપાસના આદેશ

બદરીનાથ ધામમાં દાનમાં ગેરરીતિના અહેવાલો સામે આવ્યા બાદ ભક્તોમાં ભારે રોષ જોવા મળી રહ્યો છે. તો બીજી બાજું બદરીનાથ-કેદારનાથ મંદિર સમિતિના અધ્યક્ષ હેમંત દ્વિવેદીએ આ આક્ષેપોને નકારી કાઢ્યા છે. અને તેમણે તપાસ પર ભાર મુકીને ખાતરી આપી છે કે આ મામલે કોઈ પણ પ્રકારની ઢીલ રાખવામાં આવશે નહીં. સમગ્ર ઘટનાની નિષ્પક્ષ તપાસ કરવા માટે સમિતિ દ્વારા આદેશ આપી દેવામાં આવ્યા છે.

Badrinath temple donation fraud: કર્મચારીઓ સામે કાર્યવાહીની તૈયારી

સોશિયલ મીડિયા પર એક કર્મચારીને સમિતિના અધ્યક્ષના અંગત સચિવ તરીકે ગણાવવામાં આવ્યા હતા. હેમંત દ્વિવેદીએ આ દાવાને ખોટો ગણાવતા કહ્યું છે કે, તે વ્યક્તિ સમિતિનો સામાન્ય સરકારી કર્મચારી છે. જે પણ કર્મચારી દોષિત જણાશે, તેની સામે કાયદાકીય અને વિભાગીય પગલાં લેવામાં આવશે. સમિતિ પોતાના કર્મચારીઓના આચરણ અંગે સતર્ક બની છે.

સીસીટીવી ફૂટેજની તપાસ

સમિતિના મુખ્ય કાર્યાધિકારી સોહન સિંહ રાંગડે જણાવ્યું કે 2 જુલાઈથી આ બાબતે ફરિયાદો મળી હતી. મંદિરના સીસીટીવી ફૂટેજની તપાસ કરવામાં આવી રહી છે, જોકે ફૂટેજ સ્પષ્ટ નથી. તેમ છતાં તપાસ ટીમ બનાવવામાં આવી છે. જે તમામ પુરાવા અને નિવેદનોના આધારે અંતિમ રિપોર્ટ તૈયાર કરશે. તપાસ પૂરી ન થાય ત્યાં સુધી ભ્રામક વાતો ન ફેલાવવાની અપીલ તંત્રએ અપીલ કરી છે.

કાયદાકીય તપાસ અને ભવિષ્યના પગલાં

બદરીનાથ-કેદારનાથ મંદિર સમિતિ અધિનિયમ 1939 અને કર્મચારી આચરણ નિયમાવલી હેઠળ આ કાર્યવાહી કરવામાં આવી રહી છે. કોઈ પણ પ્રકારની નાણાકીય અનિયમિતતા સામે આવશે તો કડક શિક્ષાત્મક કાર્યવાહી કરવામાં આવશે. મંદિરની પવિત્રતા જાળવવા અને ભક્તોનો વિશ્વાસ અકબંધ રાખવા માટે તંત્ર સક્રિય થયું છે. આ મામલે સતત મોનિટરિંગ કરવામાં આવી રહ્યું છે જેથી ભવિષ્યમાં આવી ઘટનાઓ ન બને.

આ પણ વાંચો--- Kashi Vishwanath Temple firing: કાશી વિશ્વનાથ મંદિર પરિસરમાં ફાયરિંગ, સુરક્ષાકર્મીની બંદૂકમાંથી ગોળી છૂટતા 3 લોકો ઈજાગ્રસ્ત!