Bengal માં ભાજપની ઐતિહાસિક જીત, Arvind Kejriwal નો પ્રચાર ક્યાં સફળ રહ્યો અને ક્યાં નિષ્ફળ?
- બંગાળમાં મમતાનો ગઢ તૂટ્યો, ભાજપનો ઐતિહાસિક વિજય!
- કેજરીવાલનો પ્રચાર બંગાળમાં સફળ પણ તમિલનાડુમાં નિષ્ફળ
- એક્ટર વિજયની પાર્ટી TVK એ તમિલનાડુમાં સર્જ્યો ઉલટફેર
- સ્ટાલિન પોતાના જ ગઢમાં હાર્યા, કેરળમાં UDF ની સરકાર
- અરવિંદ કેજરીવાલના રોડ શો છતાં DMK ને મોટો ઝટકો
પાંચ રાજ્યોના વિધાનસભા ચૂંટણી પરિણામોએ (Assembly Election Results 2026) ભારતીય રાજનીતિમાં મોટા ઉલટફેરના સંકેત આપ્યા છે. પશ્ચિમ બંગાળમાં દોઢ દાયકાથી શાસન કરતા મમતા બેનર્જીના ગઢમાં ગાબડું પાડીને ભાજપે ઐતિહાસિક વિજય મેળવ્યો છે. આ ચૂંટણીમાં સૌથી વધુ ચર્ચા આમ આદમી પાર્ટીના સંયોજક અરવિંદ કેજરીવાલના પ્રચારની થઈ રહી છે, કારણ કે તેમની અસર અલગ-અલગ રાજ્યોમાં મિશ્ર જોવા મળી છે.
બંગાળમાં કેજરીવાલ ફેક્ટર: કુણાલ ઘોષની જીત
પશ્ચિમ બંગાળ ચૂંટણી (Bengal Election Result 2026) દરમિયાન અરવિંદ કેજરીવાલે તૃણમૂલ કોંગ્રેસ (TMC) ના સમર્થનમાં જોરદાર પ્રચાર કર્યો હતો. ખાસ કરીને પૂર્વ કોલકાતાની બેલેઘાટા બેઠક પર તેમણે કુણાલ ઘોષ માટે રેલી કરી હતી, જ્યાં કુણાલ ઘોષ 66 હજારથી વધુ મતો સાથે વિજેતા બન્યા છે. તેવી જ રીતે બાલીગંજ બેઠક પર પણ શોભનદેવ ચટ્ટોપાધ્યાયની જીત થઈ છે. જોકે, રાસબિહારી બેઠક પર કેજરીવાલના પ્રચાર છતાં ભાજપના સ્વપન દાસગુપ્તાએ જીત મેળવી છે.
તમિલનાડુમાં ઉલટફેર: સ્ટાલિનની હાર અને વિજયનો ઉદય
બંગાળની સરખામણીએ તમિલનાડુમાં સ્થિતિ તદ્દન અલગ રહી. અરવિંદ કેજરીવાલે ચેન્નાઈમાં એમ.કે. સ્ટાલિન સાથે ભવ્ય રોડ શો કર્યો હતો, પરંતુ પરિણામો ચોંકાવનારા આવ્યા છે. તમિલનાડુમાં એક્ટર વિજયની પાર્ટી (Actor Vijay TVK Party) એ ઐતિહાસિક પ્રદર્શન કરતા 109 બેઠકો પર લીડ મેળવી છે. સૌથી મોટો ઝટકો મુખ્યમંત્રી એમ.કે. સ્ટાલિનને લાગ્યો છે, જેઓ પોતાની જ કોલાથુર બેઠક પરથી ચૂંટણી હારી ગયા છે. કેરળમાં પણ સત્તા પરિવર્તન થયું છે અને કોંગ્રેસ પ્રેરિત UDF ગઠબંધન સરકાર બનાવવા જઈ રહ્યું છે.
આ પણ વાંચો : Bengal માં ભાજપના વિજય બાદ PM MODI ની સામે આવી પ્રથમ પ્રતિક્રિયા, જાણો કાર્યકર્તાઓને શું કહ્યું ?