રાહુલ ગાંધીને મોટી રાહત, માનહાનિના કેસમાં મળ્યા જામીન, સાવરકર સાથે સંબંધિત છે મામલો

• સાવરકર વિરુદ્ધ અપમાનજનક ટિપ્પણીનો મામલો
• પુણે કોર્ટે રાહુલ ગાંધીને માનહાનિના કેસમાં જામીન આપ્યા
• રાહુલ ગાંધી કોર્ટમાં વીડિયો કોન્ફરન્સિંગ દ્વારા હાજર રહ્યાં

Rahul Gandhi Bail : કોંગ્રેસના સાંસદ અને લોકસભામાં વિપક્ષના નેતા રાહુલ ગાંધીને માનહાનિના કેસમાં મોટી રાહત મળી છે. આ કેસમાં પુણેની એક કોર્ટે તેમને જામીન આપી દીધા છે. વી.ડી. સાવરકરના પૌત્રએ રાહુલ ગાંધી વિરુદ્ધ માનહાનિનો કેસ દાખલ કર્યો છે. ચાલો જાણીએ શું છે આખો મામલો?

સાવરકર વિરુદ્ધ અપમાનજનક ટિપ્પણી કરવાનો આરોપ

વી.ડી. સાવરકરના પૌત્રએ પુણેની ખાસ એમપી એમએલએ કોર્ટમાં કોંગ્રેસ નેતા રાહુલ ગાંધી વિરુદ્ધ માનહાનિની ​​અરજી દાખલ કરી છે. એવો આરોપ છે કે, રાહુલ ગાંધીએ માર્ચ 2023 માં લંડનમાં વી.ડી સાવરકર વિરુદ્ધ અપમાનજનક ટિપ્પણી કરી હતી. તેમણે સાવરકરના હિન્દુત્વ પર પ્રશ્નો ઉઠાવ્યા હતા.

આ પણ વાંચો : 90 Hour Work ના વિવાદ વચ્ચે જાણો વિશ્વના કયા દેશોમાં સૌથી વધારે થાય છે કામ?

25,000 રૂપિયાના વ્યક્તિગત બોન્ડ પર જામીન મંજૂર

શુક્રવારે માનહાનિના કેસની સુનાવણી કરતી વખતે, ખાસ MP-MLA કોર્ટે રાહુલ ગાંધીને 25,000 રૂપિયાના વ્યક્તિગત બોન્ડ પર જામીન આપ્યા છે. કોર્ટે એમ પણ કહ્યું કે, જ્યાં સુધી કોર્ટમાં કેસની સુનાવણી ન થાય ત્યાં સુધી તેઓ સાવરકર અંગે કોઈ ટિપ્પણી કરશે નહીં. હવે આ કેસની આગામી સુનાવણી 18 ફેબ્રુઆરીએ થશે.

વીડિયો કોન્ફરન્સિંગ દ્વારા કોર્ટમાં હાજર થયા

તમને જણાવી દઈએ કે, રાહુલ ગાંધીના વકીલે વીડિયો કોન્ફરન્સિંગ દ્વારા કોર્ટમાં હાજર રહેવાની પરવાનગી માંગી હતી, જેને કોર્ટે સ્વીકારી હતી. આ ક્રમમાં, રાહુલ ગાંધી પુણે કોર્ટમાં શારીરિક રીતે નહીં પરંતુ વીડિયો કોન્ફરન્સિંગ દ્વારા હાજર થયા.

આ પણ વાંચો : મોદી સરકારે રાજ્યોને 1.73 લાખ કરોડનું વિતરણ કર્યું, હવે તેમણે આ કામ કરવું પડશે