Bihar Budget 2025-26 : નાણામંત્રીએ રજુ કર્યુ 3.17 લાખ કરોડનું બજેટ, મહિલાઓ માટે ખાસ જાહેરાતો

• બિહાર વિધાનસભામાં કુલ 3.17 લાખ કરોડનું બજેટ રજૂ
• આ વર્ષનું બજેટ ગત વર્ષના બજેટ કરતા 38,169 કરોડ રૂપિયા વધુ
• બજેટમાં મહિલાઓ માટે ખાસ જાહેરાતો

Bihar Budget 2025-26 : બિહાર વિધાનસભામાં આજે કુલ 3 લાખ 17 હજાર કરોડ રૂપિયાનું બજેટ રજૂ કરવામાં આવ્યું. નાણામંત્રી સમ્રાટ ચૌધરીએ આ બજેટ રજુ કર્યું. આ દરમિયાન ઘણી મોટી જાહેરાતો કરવામાં આવી હતી. આ વર્ષનું બજેટ ગયા વર્ષ કરતા 38 હજાર 167 કરોડ રૂપિયા વધુ છે. બજેટ રજૂ કરતી વખતે નાણાપ્રધાન સમ્રાટ ચૌધરીએ કહ્યું કે આ વર્ષનું બજેટ 3.17 લાખ કરોડ રૂપિયા છે, જ્યારે 2005 પહેલા બજેટ માત્ર 23 હજાર કરોડ રૂપિયા હતું.

બજેટથી બિહારના વિકાસને વેગ મળશે

નાણામંત્રીએ કહ્યું કે બજેટનું કદ સતત વધી રહ્યું છે અને બિહાર પણ વધી રહ્યું છે. આ વર્ષે જ બિહારની ચૂંટણી યોજાવાની છે તેને ધ્યાનમાં રાખીને આ બજેટમાં 13.69 ટકાનો વધારો કરવામાં આવ્યો છે. આનાથી બિહારના વિકાસને વેગ મળશે. તેમણે કહ્યું કે આ વર્ષનું બજેટ ગત વર્ષના બજેટ કરતા 38,169 કરોડ રૂપિયા વધુ છે. આ બજેટ બિહારના તમામ ગરીબો, યુવાનો, મહિલાઓ, ખેડૂતો અને વૃદ્ધોની આકાંક્ષાઓનું બજેટ છે. બજેટમાં મહિલાઓ માટે પણ ખાસ જાહેરાતો કરવામાં આવી છે.

મહિલાઓ માટે ઘણી મોટી જાહેરાતો

નાણામંત્રી સમ્રાટ ચૌધરીએ જણાવ્યું કે મહિલા સૈનિકો માટે રહેણાંક સુવિધાઓ અને ગરીબ કન્યાઓ માટે લગ્ન મંડપ સાથે, બિહારમાં વિકાસ અને સન્માનનો એક નવો અધ્યાય લખાઈ રહ્યો છે. રાજ્યની તમામ પંચાયતોમાં, રાજ્ય સરકાર ગરીબ કન્યાઓના લગ્ન માટે કન્યા લગ્ન મંડપ બનાવશે. આ સાથે, મહિલા હાટ અને પિંક શૌચાલય જેવી યોજનાઓ મહિલાઓની ઓળખ અને સલામતી માટે મહત્વપૂર્ણ સાબિત થશે. બિહારના મોટા શહેરોમાં મહિલા વાહન સંચાલન તાલીમ કેન્દ્રો સ્થાપિત કરવામાં આવશે, જેમાં ટ્રેનર પણ મહિલાઓ હશે.

આ પણ વાંચો :  Himani Narwal Murder Case : 'કિલર' ની ધરપકડ સાથે આવ્યો કેસમાં નવો વળાંક

બજેટમાં કયા વિભાગને કેટલા પૈસા?

• આરોગ્ય વિભાગ - 20,335 કરોડ રૂપિયા
• શહેરી અને ગ્રામીણ રસ્તાઓ - 17,908 કરોડ રૂપિયા
• ગૃહ વિભાગ - 17,837 કરોડ રૂપિયા
• ગ્રામીણ વિકાસ વિભાગ - 16,093 કરોડ રૂપિયા
• ઉર્જા વિભાગ - 13,483 કરોડ રૂપિયા

2004-05માં બજેટ 23 હજાર 88 કરોડ રૂપિયા હતું

નાણાપ્રધાન સમ્રાટ ચૌધરીએ કહ્યું કે 2004-05માં બજેટ 23 હજાર 88 કરોડ રૂપિયા હતું, આ વર્ષે તે વધીને 2025માં 3 લાખ 17 હજાર કરોડ રૂપિયા થઈ ગયું છે. સમ્રાટ ચૌધરીએ જણાવ્યું હતું કે, રાજ્યના 21 કૃષિ પેદાશોના માર્કેટ યાર્ડના આધુનિકીકરણ અને યોગ્ય વિકાસ માટે કુલ રૂ. 1.289 કરોડના ખર્ચે આ યોજના અમલમાં મુકવામાં આવી રહી છે. અન્ય તમામ બજાર સમિતિના પરિસર કાર્યરત કરવામાં આવશે.

તેમણે જણાવ્યું હતું કે રાજ્યના તમામ જિલ્લાઓમાં બસ સ્ટેન્ડને તબક્કાવાર રીતે આધુનિક રીતે વિકસાવવામાં આવશે અને રાજ્ય સરકાર દ્વારા લઘુત્તમ ટેકાના ભાવ (MSP) નક્કી કરીને રાષ્ટ્રીય સહકારી ગ્રાહક સંઘ (NCCF), NAFED વગેરે સાથે સંકલન કરવામાં આવશે. રાજ્યના તમામ સબ-ડિવિઝન અને બ્લોકમાં તબક્કાવાર કોલ્ડ સ્ટોરેજ સ્થાપિત કરવામાં આવશે.

આ પણ વાંચો :  કોંગ્રેસ પ્રવક્તાની જીભ લપસી! ટીમ ઈન્ડિયાના કેપ્ટન Rohit Sharma ને કહ્યો 'જાડો'