Bihar Cabinet: બિહારમાં 7 મેના રોજ થશે મંત્રીમંડળનું વિસ્તરણ, PM મોદી આપશે ખાસ હાજરી
- પીએમ મોદી અને અમિત શાહની હાજરીમાં 27 મંત્રીઓ પદના શપથ લેશે (Bihar Cabinet)
- ભાજપના 12 અને જેડીયુના 11 મંત્રીઓનો મંત્રીમંડળમાં થશે સમાવેશ
- એલજેપી(આર), એચએએમ અને આરએએલએમને પણ કેબિનેટમાં પ્રતિનિધિત્વ
- જેડીયુના ક્વોટામાંથી 5 નવા ચહેરાઓને મંત્રી બનવાની તક મળી
બિહારની રાજનીતિમાં (Bihar Politics) લાંબા સમયથી જેની રાહ જોવાઈ રહી હતી તે ઘડી હવે આવી ગઈ છે. બિહારમાં એનડીએ (NDA Government) સરકારના મંત્રીમંડળનું વિસ્તરણ (Cabinet Expansion) આગામી 7 મેના રોજ થવા જઈ રહ્યું છે. પટનાના ઐતિહાસિક ગાંધી મેદાનમાં (Gandhi Maidan, Patna) આયોજિત એક ભવ્ય સમારોહમાં કુલ 27 મંત્રીઓ પદ અને ગોપનીયતાના શપથ લેશે. આ કાર્યક્રમમાં વડાપ્રધાન નરેન્દ્ર મોદી (Narendra Modi), કેન્દ્રીય ગૃહમંત્રી અમિત શાહ (Amit Shah) અને ભાજપના અનેક દિગ્ગજ નેતાઓ ખાસ હાજરી આપશે.
Bihar Cabinet : ગાંધી મેદાનમાં પૂરજોશમાં તૈયારીઓ
મુખ્યમંત્રી સમ્રાટ ચૌધરીએ (Samrat Choudhary) ગત 15 એપ્રિલના રોજ માત્ર બે નાયબ મુખ્યમંત્રીઓ વિજય ચૌધરી અને વિજેન્દ્ર યાદવ સાથે શપથ લીધા હતા. બંગાળમાં ભાજપના શાનદાર વિજય બાદ હવે બિહારમાં પણ ભવ્ય શપથ ગ્રહણ સમારોહ (Oath-taking Ceremony) યોજીને શક્તિ પ્રદર્શન કરવાની યોજના છે. ગાંધી મેદાનમાં વિશાળ પંડાલો અને વડાપ્રધાનના આગમન માટે ખાસ હેલિપેડ તૈયાર કરવામાં આવ્યા છે.
ભાજપ અને જેડીયુ વચ્ચે સત્તાની સમાન વહેંચણી
નવા મંત્રીમંડળમાં ભાજપ (BJP) અને જેડીયુ (JDU) વચ્ચે મંત્રી પદોની સમાન વહેંચણી કરવામાં આવી છે. 7 મેના રોજ યોજાનારા વિસ્તરણમાં ભાજપના 12, જેડીયુના 11, એલજેપી-આર (LJP-R) ના 2, તેમજ એચએએમ (HAM) અને આરએએલએમ (RLM) ના એક-એક મંત્રી શપથ લે તેવી શક્યતા છે. બિહારમાં મહત્તમ 36 મંત્રીઓ હોઈ શકે છે, જેમાંથી હાલ 6 પદ ખાલી રાખવામાં આવશે.
જેડીયુના સંભવિત મંત્રીઓના નામ
જેડીયુ ક્વોટામાંથી જૂના અને જાણીતા ચહેરાઓને ફરી સ્થાન મળ્યું છે. આ યાદીમાં શ્રવણ કુમાર (Shravan Kumar), અશોક ચૌધરી (Ashok Choudhary), લેસી સિંહ, મદન સાહની, સુનીલ કુમાર અને મોહમ્મદ જામા ખાનનો સમાવેશ થાય છે. આ ઉપરાંત શ્વેતા ગુપ્તા, ભગવાન કુશવાહા, રત્નેશ સદા, શીલા મંડલ અને બુલો મંડલ જેવા 5 નવા ચહેરાઓ પણ મંત્રી પદના શપથ લેશે.
આ પણ વાંચો: ચંદીગઢ એરપોર્ટ પર મોટી દુર્ઘટના,IndiGo ફ્લાઇટમાં પાવર બેંક ફાટતાં વિસ્ફોટ, 5 મુસાફરો ઘાયલ