75 વર્ષનો લાંબો વનવાસ ખતમ: શ્યામા પ્રસાદ મુખર્જીના જન્મસ્થળ બંગાળમાં પહેલીવાર ખીલ્યું ‘કમળ’

• ડૉ. શ્યામા પ્રસાદ મુખર્જીના જન્મસ્થળ બંગાળમાં ખીલ્યું ‘કમળ’ (BJP Victory West Bengal)
• 15 વર્ષ જૂની મમતા બેનર્જી સરકારની સત્તા પરથી થઈ વિદાય
• કાશ્મીર બાદ બંગાળ જીતવું એ ભાજપનો મોટો વૈચારિક વિજય

પશ્ચિમ બંગાળની રાજનીતિમાં (West Bengal Politics) આજે એક નવો સૂર્યોદય થયો છે. જે ભૂમિ પર ભારતીય જનસંઘનો (Bharatiya Jana Sangh) પાયો નંખાયો હતો, તે જ ભૂમિ પર અંદાજે સાડા સાત દાયકા બાદ ભારતીય જનતા પાર્ટીએ (BJP) પૂર્ણ બહુમતી સાથે સત્તાના દ્વાર ખોલ્યા છે. આ વિજય માત્ર આંકડાઓની રમત નથી, પરંતુ ભાજપ માટે તેના પિતૃપુરૂષ ડૉ. શ્યામા પ્રસાદ મુખર્જીના (Dr. Shyama Prasad Mukherjee) આદર્શો અને સપનાઓને સાકાર કરવાની એક ભાવનાત્મક ક્ષણ છે.

પશ્ચિમ બંગાળની રાજનીતિએ આજે એક નવો ઈતિહાસ લખ્યો છે. હુગલીના મોજાંથી લઈને દાર્જિલિંગની ટેકરીઓ સુધી આજે ‘જય શ્રી રામ’ ના નારા ગુંજી રહ્યા છે, જે બંગાળના રાજકીય મિજાજમાં આવેલા વ્યાપક પરિવર્તનનો સંકેત છે. જે ભૂમિ પર ભારતીય જનસંઘનો પાયો નંખાયો હતો, તે જ ભૂમિ પર અંદાજે સાડા સાત દાયકાના લાંબા સંઘર્ષ બાદ ભારતીય જનતા પાર્ટીએ (BJP) પૂર્ણ બહુમતી સાથે સત્તાના દ્વાર ખોલ્યા છે. ભાજપ માટે તેના પિતૃપુરૂષ ડૉ. શ્યામા પ્રસાદ મુખર્જીના (Dr. Shyama Prasad Mukherjee) આદર્શોને સાકાર કરવાની એક અત્યંત ભાવુક ક્ષણ છે.

BJP Victory West Bengal : વૈચારિક વિજય અને ‘સાંસ્કૃતિક રાષ્ટ્રવાદ’ નો ઉદય

ભાજપ માટે બંગાળમાં મળેલો આ વિજય માત્ર સત્તા પરિવર્તન નથી, પરંતુ ભારતીય જનસંઘના સ્થાપક ડૉ. શ્યામા પ્રસાદ મુખર્જી પ્રત્યે દરેક કાર્યકર્તા દ્વારા લેવામાં આવેલા ‘પિતૃસત્તાક ઋણ’ નું ચુકવણું છે. ભાજપના સ્થાપકોમાંના એક એવા પંડિત દીન દયાળ ઉપાધ્યાયના ‘કર્મ માર્ગ’ દ્વારા પક્ષે ઉત્તર પ્રદેશ અને ઉત્તરાખંડમાં તો અગાઉ સરકારો બનાવી હતી, પરંતુ ડૉ. મુખર્જીના જન્મસ્થળ બંગાળમાં આ સ્વપ્ન સાકાર થતા 75 વર્ષ લાગ્યા છે. વર્ષ 2026 ના આ પરિણામોએ સાબિત કર્યું છે કે બંગાળના લોકોએ હવે તે ‘સાંસ્કૃતિક રાષ્ટ્રવાદ’ ને સ્વીકાર્યો છે, જેનો પાયો દાયકાઓ પહેલા ડૉ. મુખર્જીએ નાખ્યો હતો.

મમતા બેનર્જીના 15 વર્ષના શાસનનો અંત

પશ્ચિમ બંગાળમાં તૃણમૂલ કોંગ્રેસની (TMC) 15 વર્ષ જૂની મમતા બેનર્જી સરકારનો સૂર્ય અસ્ત થયો છે. ‘મા, માટી, માનુષ’ ના નારા સામે ભાજપે ‘સબકા સાથ, સબકા વિકાસ’ અને ‘બંગ સંસ્કૃતિનું રક્ષણ’ ની જે કથા રજૂ કરી, તેણે બંગાળના મધ્યમ વર્ગ અને ગ્રામીણ વસ્તીના મોટા ભાગને સ્પર્શી લીધો છે. કાશ્મીરમાંથી કલમ 370 નાબૂદ કર્યા બાદ, બંગાળ જીતવું એ ભાજપ માટે એક વૈચારિક ચક્ર પૂર્ણ કરવા સમાન છે, કારણ કે ડૉ. મુખર્જીએ જ સૂત્ર આપ્યું હતું કે, "એક દેશમાં બે વિધાન, બે પ્રધાન અને બે નિશાન નહીં ચાલે."

 

View this post on Instagram

 

A post shared by Gujarat First (@gujaratfirst)

શ્યામા પ્રસાદ મુખર્જી ની સફર

1901 માં કોલકાતામાં જન્મેલા ડૉ. શ્યામા પ્રસાદ મુખર્જીએ 1929 માં કોંગ્રેસથી રાજકીય કારકિર્દી શરૂ કરી હતી, પરંતુ પંડિત નેહરુ સાથેના વૈચારિક મતભેદોને કારણે તેમણે મંત્રીમંડળમાંથી રાજીનામું આપી 1951 માં ‘ભારતીય જનસંઘ’ ની રચના કરી હતી. વિડંબના એ હતી કે જે બંગાળમાં આ વિચારધારાનો જન્મ થયો, ત્યાં જ પક્ષને દાયકાઓ સુધી ‘બહારનો પક્ષ’ કહીને હાંસિયામાં રાખવામાં આવ્યો હતો. ડાબેરીઓના 34 વર્ષ અને તૃણમૂલના 15 વર્ષના શાસન બાદ, હવે આખરે ભાજપે પોતાના વતનમાં મજબૂત પકડ જમાવી છે.

ઘૂસણખોરી મુક્ત બંગાળનો મક્કમ નિર્ધાર

ચૂંટણી પ્રચાર દરમિયાન કેન્દ્રીય ગૃહમંત્રી અમિત શાહે (Amit Shah) વચન આપ્યું હતું કે ભાજપ સરકાર બનતાની સાથે જ બંગાળમાં ‘બંગ ગૌરવ’ પુનઃસ્થાપિત કરાશે. તેમણે કડક ચેતવણી આપતા કહ્યું હતું કે, "અમે બંગાળમાંથી ઘૂસણખોરીને જડમૂળથી ઉખેડી ફેંકીશું. માણસોની વાત તો દૂર, એક પક્ષી પણ પરવાનગી વગર સરહદ ઓળંગી શકશે નહીં." વડાપ્રધાન મોદીએ પણ આ વિજયને ડૉ. મુખર્જીના સપનાના નવનિર્માણની શરૂઆત ગણાવી છે.

આ પણ વાંચો:  રાજનીતિના 'સુપર કોમ્બો'નો કરિશ્મા: મોદી-શાહની જોડીએ પરિણામોમાં રચ્યો ઈતિહાસ, વિરોધીઓના ગઢ ધરાશાયી