Bihar : ઝાડ પર લટકતી હતી પુત્રની લાશ, જોઈને પરિજનો ચોંકી ગયા, પોલીસને કહ્યું- સાહેબ, આ હત્યા છે

• ખેતરમાંથી એક યુવાનનો મૃતદેહ મળી આવ્યો
• યુવકના પરિવારે હત્યાની આશંકા વ્યક્ત કરી
• દિકરાનું મોત થતા પરિવારના સભ્યોની હાલત ખરાબ

 Bihar News : બિહારના પટનામાં એક સનસનીખેજ ઘટના સામે આવી છે. અહીં પાનસુહી ગામ પાસેના ખેતરમાંથી એક યુવાનનો મૃતદેહ મળી આવ્યો હતો. ઘટનાની માહિતી મળતાં સ્થાનિક પોલીસ ઘટનાસ્થળે પહોંચી ગઈ હતી. પોલીસે મૃતદેહનો કબજો લઈ પોસ્ટમોર્ટમ માટે મોકલી આપ્યો છે. મૃતક યુવકની ઓળખ સિહી ગામના રહેવાસી યોગેન્દ્ર મોચીના પુત્ર અમન કુમાર તરીકે થઈ છે.

યુવક ઘરેથી અચાનક ગુમ થઈ ગયો

યુવકના પરિવારે હત્યાની આશંકા વ્યક્ત કરી છે. પરિવારજનોએ જણાવ્યું કે, યુવક અભ્યાસ કરતો હતો અને ઘરેથી અચાનક ગુમ થઈ ગયો. સાંજે, ગામલોકોએ જાણ કરી કે તેનો મૃતદેહ ગામની નજીકના ઉજ્જડ વિસ્તારમાં એક ઝાડ પર લટકી રહ્યો છે. આ પછી, પરિવારના સભ્યો તેમના ઘરેથી ઘટનાસ્થળે દોડી ગયા. તેમણે પોલીસને જાણ કરી હતી. માહિતી મળતા પોલીસ પણ પહોંચી અને મૃતદેહને પોસ્ટમોર્ટમ માટે મોકલી આપ્યો. પોલીસ ઉપરાંત ફોરેન્સિક ટીમ પણ ઘટનાસ્થળે પહોંચી હતી.

આ પણ વાંચો :  ગેંગસ્ટર અમન સાહુના એન્કાઉન્ટર પર લોરેન્સના ભાઈ અનમોલે કરી પોસ્ટ, લખ્યું, 'બધાનો હિસાબ જલ્દી જ થશે'

પરિવારના સભ્યોની હાલત ખરાબ

દિકરાનું મોત થતા પરિવારના સભ્યોની હાલત ખરાબ છે અને તેઓ ખુબ જ રડી રહ્યા છે. તેમણે પોલીસને કહ્યું કે, આ હત્યા છે. કોઈએ અમારા પુત્રને મારીને ઝાડ પર લટકાવી દીધો છે. આની તપાસ થવી જ જોઈએ. સાથે જ પોલીસ અધિકારીઓ પણ પરિવારને સમજાવતા જોવા મળ્યા. પોલીસે પરિવારને કહ્યું કે, જો કોઈએ તમારા પુત્રની હત્યા કરી હશે, તો તેને ટૂંક સમયમાં પકડી પાડવામાં આવશે. જો કે, આ મામલો હાલ તો આત્મહત્યાનો લાગે છે. આખો મામલો શું છે તે ટૂંક સમયમાં બહાર આવશે.

આ પણ વાંચો : લદ્દાખના કારગિલમાં 5.2ની તીવ્રતાનો ભૂકંપ, જમ્મુ-કાશ્મીરમાં પણ અનુભવાયા આંચકા