મમતા બેનર્જી જૂથને શરતી રાહત: Calcutta High Court TMC ના ખાતા ખોલવા આદેશ
કલકત્તા હાઈકોર્ટના જસ્ટિસ સૌગત ભટ્ટાચાર્યની સિંગલ બેન્ચે નિવૃત્ત જજ જસ્ટિસ સુબ્રત તાલુકદારને આગામી 30 સપ્ટેમ્બર સુધી પક્ષના વિશેષ અધિકારી (Special Officer Subrata Talukdar) તરીકે નિયુક્ત કર્યા છે. અદાલતના આદેશ અનુસાર, આ વિશેષ અધિકારીની સીધી દેખરેખ અને ચકાસણી હેઠળ જ તૃણમૂલ કોંગ્રેસ પોતાના ફ્રીઝ થયેલા બેંક ખાતાઓનો મર્યાદિત ઉપયોગ કરી શકશે (Mamata Banerjee bank accounts).
અદાલતે સ્પષ્ટ કર્યું છે કે આ ખાતાઓમાંથી માત્ર પક્ષના રોજબરોજના વહીવટી કાર્યો અને કાનૂની બાબતો સાથે જોડાયેલા અનિવાર્ય ખર્ચાઓ જ કરી શકાશે. વિશેષ અધિકારી પક્ષના અન્ય કોઈ પણ મોટા કે નાના બિનજરૂરી ખર્ચની પરવાનગી આપશે નહીં. જો કે રાજ્ય સરકારે પક્ષના કાનૂની ખર્ચ માટે નાણાં ઉપાડવાનો વિરોધ કર્યો હતો, પરંતુ કોર્ટે બંને પક્ષોના હિતોને ધ્યાનમાં રાખીને આ વ્યવસ્થા સૌથી સંતુલિત ગણાવી મંજૂરી આપી દીધી છે.
24 કલાકમાં બેંક ખાતા ફ્રીઝ કરવાની પોલીસની ઉતાવળ પર કોર્ટના વેધક સવાલો
બળવાખોર ધારાસભ્ય વિશ્વનાથ દાસની ફરિયાદ બાદ બિધાનનગર પોલીસે પક્ષના ફંડના કથિત દુરુપયોગના આરોપસર આ ત્રણેય બેંક ખાતાઓને ડેબિટ-ફ્રીઝ કરી દીધા હતા (Bidhannagar police TMC FIR). સુનાવણી દરમિયાન હાઈકોર્ટે પ્રથમ દ્રષ્ટિએ આ પોલીસ કાર્યવાહી સામે ભારે આશ્ચર્ય વ્યક્ત કર્યું હતું. અદાલતે નોંધ્યું કે 18 જૂનના રોજ સાંજે 6 વાગ્યે એફઆઈઆર નોંધાઈ અને તેના બીજા જ દિવસે 19 જૂને વહેલી સવારે ખાતાઓ ફ્રીઝ કરી દેવાયા.
"જ્યારે કોઈ ગરીબ નાગરિક પોલીસ સ્ટેશન જાય છે ત્યારે પોલીસ આટલી સક્રિયતા દાખવતી નથી. પરંતુ અહીં સાંજે ફરિયાદ થઈ અને બીજા જ દિવસે કરોડોના ખાતા ફ્રીઝ થઈ ગયા! આટલી ઉતાવળ કેમ કરવામાં આવી?" - જસ્ટિસ સૌગત ભટ્ટાચાર્ય
રાજ્ય વતી હાજર રહેલા સોલિસિટર જનરલ તુષાર મહેતાએ દલીલ કરી હતી કે પક્ષની સંપત્તિની સુરક્ષા માટે આ પગલું જરૂરી હતું, કારણ કે હાલમાં કયું જૂથ અસલી TMC છે તેનો વિવાદ ભારત નિર્વાચન આયોગ (Election Commission TMC dispute) સમક્ષ પેન્ડિંગ છે. આ મુદ્દે કોર્ટે જણાવ્યું કે પક્ષની આંતરિક લડાઈ ચૂંટણી પંચ નક્કી કરશે, ત્યાં સુધી વહીવટ રોકી શકાય નહીં.
કોર્ટ પરિસરમાં પૂર્વ રમતગમત મંત્રી પર ઈંડાબાજીની ઘટના અંગે કડક આદેશ
બેંક ખાતાના વિવાદ ઉપરાંત કલકત્તા હાઈકોર્ટે પશ્ચિમ બંગાળના પૂર્વ રમતગમત મંત્રી અરૂપ વિશ્વાસને મોટી અંતરિમ રાહત આપી છે. અદાલતે અદાલત પરિસરમાં કથિત રીતે આરોપીઓ પર ઈંડા ફેંકવાની ઘટના પર સખત નારાજગી વ્યક્ત કરી હતી (Arup Biswas egg throwing).
જસ્ટિસ સૌગત ભટ્ટાચાર્યે મૌખિક ટિપ્પણી કરતા કહ્યું કે, સમાજમાં આરોપીઓની જાહેર જનતા વચ્ચે બેઇજ્જતી કરવી કે તેમના પર કોર્ટ કેમ્પસની અંદર ઈંડા ફેંકવા જેવી હિંસક પ્રવૃત્તિઓ ક્યારેય સ્વીકારી શકાય નહીં. આવી નકારાત્મક પ્રવૃત્તિઓ પર તાત્કાલિક રોક લગાડવી અનિવાર્ય છે. હાઈકોર્ટે આ આખી ઘટના સાથે જોડાયેલા તમામ સીસીટીવી (CCTV) ફૂટેજ સુરક્ષિત રાખવાનો સ્થાનિક સુરક્ષા એજન્સીઓને કડક આદેશ આપ્યો છે.
આ પણ વાંચો : Maharashtra Politics : "ગદ્દારોને આટલી ઈજ્જત કેમ?" શરદ પવારની કઈ હરકતથી શિવસેના નારાજ? રાજ્યમાં નવા સમીકરણોના એંધાણ!
