મસૂરી ગોળીકાંડના શહીદોને CM ધામીએ આપી શ્રદ્ધાંજલિ: આંદોલનકારીઓને 10% અનામતની ભેટ

આંદોલનકારીઓ અને શહીદ પરિવારો માટે કલ્યાણકારી નિર્ણયો

મુખ્યમંત્રી ધામીએ આંદોલનકારીઓના સંઘર્ષને સલામ કરતાં રાજ્ય સરકાર દ્વારા તેમના હિતમાં લેવાયેલા મહત્વપૂર્ણ નિર્ણયોની વિગતો આપી હતી. તેમણે જણાવ્યું કે, રાજ્ય નિર્માણ આંદોલનકારીઓનું સન્માન જાળવવા માટે તેમને સરકારી સેવાઓમાં 10 ટકા અનામત આપવાની ઐતિહાસિક વ્યવસ્થા લાગુ કરવામાં આવી છે. આ વ્યવસ્થા હેઠળ અત્યાર સુધીમાં 98 આંદોલનકારીઓને સરકારી નોકરી ફાળવવામાં આવી છે. આ ઉપરાંત, શહીદોના આશ્રિત પરિવારોને આર્થિક ટેકો આપવાના ઉદ્દેશથી પેન્શનની રકમમાં પણ માતબર વધારો કરવામાં આવ્યો છે.

મહિલા અનામત, રોજગાર અને પલાયન રોકવા પર ભાર

રાજ્યના સર્વાંગી વિકાસ અને નાગરિક સશક્તિકરણ અંગે વાત કરતાં CM ધામીએ સ્પષ્ટ કર્યું કે ઉત્તરાખંડની મહિલાઓએ રાજ્ય નિર્માણમાં અગ્રેસર ભૂમિકા ભજવી હતી. તેમના યોગદાનને માન આપીને રાજ્યની સરકારી ભરતીઓમાં મહિલાઓને 30 ટકા ક્ષિતિજ અનામત સુનિશ્ચિત કરવામાં આવ્યું છે. આ સાથે જ યુવાનોને રોજગારી આપવા માટે સરકાર પારદર્શક રીતે કામ કરી રહી છે, જેના ભાગરૂપે અત્યાર સુધીમાં 34 હજાર જેટલા યુવાનોને સરકારી નોકરી આપવામાં સફળતા મળી છે.

રાજ્યની અસ્મિતાની રક્ષા અને વિકાસનો સંકલ્પ

મુખ્યમંત્રીએ ઉમેર્યું કે પર્વતીય વિસ્તારોમાંથી થતું પલાયન અટકાવવુંએ સરકારની સર્વોચ્ચ પ્રાથમિકતા છે. સ્થાનિક સ્તરે રોજગાર, શિક્ષણ, આરોગ્ય અને પર્યટન ક્ષેત્રે માળખાકીય સુવિધાઓ સુદ્રઢ કરીને યુવાનોને વતનમાં જ અવસર પૂરા પાડવામાં આવી રહ્યા છે. ઉત્તરાખંડની સંસ્કૃતિ, પરંપરા અને અસ્મિતાની રક્ષા કરવાના દ્રઢ સંકલ્પ સાથે શહીદોના બલિદાનને વ્યર્થ જવા દેવામાં નહીં આવે તેવી ખાતરી તેમણે આપી હતી.