CRPF Women Warriors : વર્દી પહેરીને દેશની રક્ષા કરવી, વિકટ પરિસ્થિતિઓમાં પણ ઓપરેશન (Operation) નો હિસ્સો બનવું, આતંકવાદ (Terrorism) અને નક્સલવાદ (Naxalism) સામે મોરચો સંભાળવો તેમજ જરૂર પડ્યે દેશ માટે બલિદાન આપવું - સેન્ટ્રલ રિઝર્વ પોલીસ ફોર્સ (Central Reserve Police Force) ની મહિલા જવાનોએ છેલ્લા 40 વર્ષોમાં આ તમામ ભૂમિકાઓ ઉત્તમ રીતે ભજવીને એક ઐતિહાસિક સફર ખેડી છે.
ચાર દાયકા પહેલાં શરૂ થઈ હતી ક્રાંતિકારી પહેલ
આજે જ્યારે સીઆરપીએફ (CRPF) ની મહિલા જવાનોને ફ્રન્ટલાઈન (Frontline) પર તૈનાત જોવામાં આવે છે, ત્યારે તેની પાછળ ચાર દાયકાની લાંબી કહાની રહેલી છે. આ સફરની શરૂઆત વર્ષ 1986માં થઈ હતી, જ્યારે સીઆરપીએફ (CRPF) એ દેશની પહેલી મહિલા કોમ્બેટન્ટ બટાલિયન (Combatant Battalion) ની સ્થાપના કરી હતી. હવે આ ઐતિહાસિક સફરના 40 વર્ષ પૂર્ણ થઈ રહ્યા છે. આ ખાસ અવસરે આગામી 25 સપ્ટેમ્બર 2026ના રોજ સીઆરપીએફ (CRPF) દ્વારા વિશેષ સમારોહનું આયોજન કરવામાં આવશે, જેમાં ઉત્કૃષ્ટ સેવાઓ આપનાર સેવારત અને પૂર્વ મહિલા કર્મીઓનું સન્માન (Award Ceremony) થશે.
ભીડ નિયંત્રણથી લઈને બસ્તરના જંગલો સુધી મજબૂત હાજરી
ચાર દાયકા અગાઉ જ્યારે સુરક્ષા દળોમાં મહિલાઓની ભાગીદારી વ્યાપક ન હતી, ત્યારે સીઆરપીએફ (CRPF) એ આ ક્રાંતિકારી પહેલ કરી હતી. એક બટાલિયનથી શરૂ થયેલો પ્રયોગ આજે સમગ્ર સંગઠનમાં વિસ્તર્યો છે. CRPF પાસે આજે છ પૂર્ણતઃ મહિલા બટાલિયનો છે.
રેપિડ એક્શન ફોર્સ (Rapid Action Force - RAF) ની દરેક યૂનિટમાં ચાર મહિલા ટીમો તૈનાત છે, જે ભીડ નિયંત્રણ (Crowd Control) અને રમખાણ વિરોધી ડ્યુટી (Anti-Riot Duty) સંભાળે છે. છત્તીસગઢના બીજાપુર (Bijapur) અને દાંતેવાડા (Dantewada) જેવા નક્સલ પ્રભાવિત (Naxal-affected areas) વિસ્તારોમાં પણ આ મહિલાઓએ ગાઢ જંગલો અને કઠિન પરિસ્થિતિઓ વચ્ચે ઓપરેશનલ એલર્ટ (Operational Alert) સાથે ફરજ બજાવીને સાબિત કરી દીધું છે કે સુરક્ષાના દરેક મોરચે નારી શક્તિ અગ્રેસર છે.
આ પણ વાંચો : Kullu Car Accident : કુલ્લુના અનીમાં ભયાનક અકસ્માત ! કાર 350 મીટર ઊંડી ખીણમાં પડી, 4 લોકોના મોત