સાવધાન! શક્તિશાળી ચક્રવાત 'સેન-યાર'આ 4 રાજ્યોમાં મચાવશે તબાહી

• 'સેન-યાર' વાવાઝોડું સક્રિય; 4 રાજ્યોમાં હાઈ એલર્ટ (Cyclone Senyar alert)
• બંગાળની ખાડીમાં શક્તિશાળી 'સેન-યાર' ચક્રવાત સક્રિય
• અંદામાન-નિકોબાર અને આંધ્રમાં ઓરેન્જ એલર્ટ જાહેર
• તમિલનાડુમાં 26 નવેમ્બર સુધી ભારે વરસાદનું યલો એલર્ટ
• લેન્ડફોલ 27 થી 30 નવેમ્બર વચ્ચે થવાની સંભાવના

Cyclone Senyar alert : કેરળ અને તમિલનાડુના દરિયાકાંઠાના વિસ્તારોમાં છેલ્લા ત્રણ-ચાર દિવસથી ભારે વરસાદ પડી રહ્યો છે, ત્યારે હવે આવનારા 24 કલાક દક્ષિણ ભારતના રાજ્યો માટે વધુ મુશ્કેલી ઊભી કરી શકે છે. બંગાળની ખાડીના ઉપરના ભાગમાં એક શક્તિશાળી ચક્રવાતીય પરિભ્રમણ (Cyclonic Circulation) સક્રિય થઈ રહ્યું છે, જે ટૂંક સમયમાં જ શક્તિશાળી ચક્રવાત સેન-યાર (Cyclone Senyar) માં ફેરવાઈ શકે છે. આ વાવાઝોડાના કારણે અંદામાન અને નિકોબાર, તમિલનાડુ, તેલંગાણા અને આંધ્ર પ્રદેશમાં ભારે વરસાદની આશંકા છે, જેના પગલે IMD દ્વારા એલર્ટ જારી કરવામાં આવ્યું છે.

'સેન-યાર' ચક્રવાત: નામ અને આગાહી – Cyclone Senyar Prediction

હવામાન વિભાગ (IMD)ના અનુમાન મુજબ, આ લો-પ્રેશર એરિયા 24 નવેમ્બર સુધીમાં ડિપ્રેશનમાં ફેરવાઈ જશે. બંગાળની ખાડીમાં આ સિસ્ટમ સમુદ્ર સપાટીથી 5.8 કિમીની ઊંચાઈ સુધી ફેલાયેલી છે. નોંધનીય છે કે આ ચક્રવાતનું નામ સંયુક્ત આરબ અમીરાત (UAE) દ્વારા સૂચવવામાં આવ્યું છે, જેનો અરબી ભાષામાં અર્થ 'શેર' (Lion) થાય છે.

ક્યારે થશે લેન્ડફોલ? અસરગ્રસ્ત વિસ્તારો – Cyclone Landfall India

IMD ના અંદાજ મુજબ, આ ચક્રવાત27  થી 30  નવેમ્બરની વચ્ચે લેન્ડફોલ કરશે. જોકે, લેન્ડફોલ પહેલાં પણ તે દક્ષિણના રાજ્યોમાં નોંધપાત્ર તબાહી મચાવી શકે છે.

• અંદામાન-નિકોબાર: અહીં ભારે વરસાદની આશંકા છે. આ સમય દરમિયાન 40-50 કિમી/કલાકની ઝડપે પવન ફૂંકાશે અને સમુદ્રમાં ઊંચા મોજા ઉછળશે.
• તટીય રાજ્યો: તમિલનાડુ, આંધ્ર પ્રદેશ, તેલંગાણા અને તટીય કર્ણાટક પર પણ તેની ગંભીર અસર જોવા મળશે.

#WATCH | Puducherry: Rain lashes parts of the city due to the low-pressure area formed in the Bay of Bengal. pic.twitter.com/A953PERxjZ

— ANI (@ANI) November 23, 2025

ચેતવણી: માછીમારો અને નાગરિકો માટે સૂચના – Fishermen Advisory

સુરક્ષાના કારણોસર, તમામ માછીમારો અને નાવિકોને સમુદ્રમાં ન જવાની સખત સલાહ આપવામાં આવી છે. અંદામાન-નિકોબારના બંદરો પર ખાસ એલર્ટ જાહેર કરાયું છે. વહીવટીતંત્ર દ્વારા તમામ જહાજ સંચાલન, ફેરી સેવાઓ અને અન્ય દરિયાઈ પ્રવૃત્તિઓ અસ્થાયી રૂપે બંધ કરવામાં આવી છે. સ્થાનિક પ્રશાસને સામાન્ય નાગરિકો અને પ્રવાસીઓને દરિયાકિનારાની નજીક જવાથી સખત રીતે રોક્યા છે.

ઓરેન્જ અને યલો એલર્ટ: કયા રાજ્યોમાં? – Orange Yellow Alert India

ચક્રવાતની ગંભીરતાને ધ્યાનમાં રાખીને હવામાન વિભાગે નીચે મુજબ એલર્ટ જાહેર કર્યા છે:.

બંગાળની ખાડીમાં સર્જાયેલા શક્તિશાળી ચક્રવાત 'સેન-યાર'ની ગંભીરતાને ધ્યાનમાં રાખીને ભારતીય હવામાન વિભાગ (IMD) દ્વારા વિવિધ રાજ્યોમાં એલર્ટ જાહેર કરવામાં આવ્યા છે. અંદામાન અને નિકોબાર ટાપુઓ પર તાત્કાલિક અસરથી ઓરેન્જ એલર્ટ જારી કરાયું છે, જ્યાં સૌથી પહેલા ભારે વરસાદ અને દરિયાઈ આંધી સામનો કરવો પડશે.

દક્ષિણ ભારતના મુખ્ય રાજ્યોમાં, તમિલનાડુ માટે 23 થી 26 નવેમ્બર સુધી યલો એલર્ટ આપવામાં આવ્યું છે, જેમાં ભારે વરસાદ, આંધી અને દરિયાકાંઠાના વિસ્તારોમાં ખતરાની સંભાવના છે. જ્યારે આંધ્ર પ્રદેશ અને તેલંગાણામાં ૨૩ થી ૨૫ નવેમ્બર દરમિયાન ઓરેન્જ એલર્ટ લાગુ કરાયું છે. અહીં ગુન્ટુર, કર્નૂલ, તિરુપતિ સહિતના વિસ્તારોમાં વીજળી સાથે તોફાની વરસાદની સંભાવના વ્યક્ત કરવામાં આવી છે.

ચક્રવાતની રચના- Cyclone Formation Process

ચક્રવાત ત્યારે બને છે જ્યારે સમુદ્રની સપાટીનું તાપમાન વધવાથી હવા ઉપરની તરફ ગતિ કરે છે અને નીચા દબાણનું ક્ષેત્ર બને છે. આ નીચું દબાણ થોડા કલાકોમાં ભયંકર ચક્રવાતનું સ્વરૂપ ધારણ કરી લે છે. 'સેન-યાર' પણ આ જ પ્રક્રિયાનું પરિણામ છે. સરકારે તૈયારીઓ તેજ કરી છે, પરંતુ કોઈપણ મોટા નુકસાનથી બચવા માટે લોકોએ પણ સતર્ક રહેવું જરૂરી છે.

આ પણ વાંચો : દિલ્હીની હવા વધુ ઝેરીલી બનતા સરકારે જાહેર કરી એડવાઇઝરી, CAQM એ GRAP-3 નિયમો કડક બનાવ્યા