DELHI GOVT :દિલ્હી સરકારનો મોટો નિર્ણય, ઓલમ્પિકમાં જીતનાર ખેલાડીઓને મળશે અધધ..રૂપિયા

• દિલ્હી સરકારે ઓલિમ્પિક લઈ લીધો મોટો નિર્ણય 
• ખેલાડીઓના ઈનામની રકમમાં કર્યો વધારો 
• ગોલ્ડ મેડલ માટે 7 કરોડ,સિલ્વર મેડલ માટે 5 કરોડ

DELHI GOVT : દિલ્હી સરકાર 10 મા ધોરણની બોર્ડ પરીક્ષામાં સારા માર્ક્સ (CLASS 10 RESULT)મેળવનારા સરકારી શાળાઓના 1200 વિદ્યાર્થીઓને લેપટોપ આપશે. દિલ્હી સરકારે ઓલિમ્પિક(Olympics),એશિયાડ અને કોમનવેલ્થ ગેમ્સ જેવા આંતરરાષ્ટ્રીય કાર્યક્રમોમાં મેડલ જીતનારા ખેલાડીઓના ઈનામની રકમ વધારવાનો પણ નિર્ણય લીધો છે. અત્યાર સુધી ઇનામની રકમ હરિયાણા અને ઉત્તર પ્રદેશ જેવા રાજ્યો કરતા ઓછી હતી, હવે સરકારે તેને આ રાજ્યો જેટલી અથવા તેનાથી વધુ કરવાનો નિર્ણય લીધો છે. શિક્ષણ વિભાગને લગતા નિર્ણયોમાં, મુખ્યમંત્રી રમતગમત પ્રોત્સાહન યોજના હેઠળ દિલ્હી માટે ઘણા નિર્ણયો લેવામાં આવ્યા છે.

ઇનામમાં રકમમાં વધારો કર્યો

પહેલા ઓલિમ્પિક જીતવા પર 3 કરોડ, 2 કરોડ અને 1 કરોડ મળતા જેમાં હવે વધારો કરવામાં આવ્યો છે. ગોલ્ડ મેડલ માટે 7 કરોડ, સિલ્વર મેડલ માટે 5 કરોડ અને બ્રોન્ઝ મેડલ માટે 3 કરોડ અપાશે. આ સાથે જ ઓલિમ્પિકમાં ગોલ્ડ, સિલ્વપ જીતનારને ગ્રુપ એની નોકરી અને ઓલિમ્પિકમાં બ્રોન્ઝ જીતનારને ગ્રુપ બીની નોકરી અપાશે. અન્ય રમતોમાં પણ જીતનારને એ, બી અને સી કેટેગરીમાં નોકરી અપાશે.તેવી જ રીતે, અન્ય રમતોમાં મેડલ જીતનારાઓને પણ A, B અને C શ્રેણીની નોકરીઓ આપવામાં આવશે. શાળા શિક્ષણમાં, દિલ્હી સરકાર દરેક રાષ્ટ્રીય અને રાજ્ય ખેલાડીને 5 લાખ રૂપિયાનું પ્રોત્સાહન આપશે. ઉચ્ચ કક્ષાના રમતવીરોને દર વર્ષે 30 લાખ રૂપિયા આપવામાં આવશે. સારા ગુણ સાથે ધોરણ 10 પાસ કર્યા પછી, 1200 મેરિટોરીયસ વિદ્યાર્થીઓને I-7 લેપટોપ આપવામાં આવશે જેથી વિદ્યાર્થીઓનો અભ્યાસ સુગમ રહે.

આ પણ  વાંચો -Mig-21: 62 વર્ષ બાદ થશે રિટાયર,ભારતીય વાયુસેના માટે એક યુગનો આવશે અંત

લેપટોપ અપાશે- કોમ્પ્યુટર લેબ સ્થપાશે

આ ઉપરાંત જેઓ ધોરણ 10માં સારા માર્કસથી પાસ થશે તેને લેપટોપ અપાશે. દિલ્હી સરકાર 175 સરકારી શાળાઓમાં કમ્પ્યુટર લેબ પણ બનાવશે. તેઓ ICT લેબ્સ સ્થાપશે જે CBSE દ્વારા માન્ય પરિમાણો પર હશે. આ લેબમાં 40 કોમ્પ્યુટર્સ હશે. મહત્વનું છે કે દિલ્હીમાં 1074 સરકારી શાળાઓ છે જેમાં ક્યાંય પણ કોમ્પ્યુટર લેબ નથી. સીએસઆર દ્વારા 100 આઇસીટી લેબ્સ બનાવી જ્યારે કેન્દ્ર સરકારે 907 લેબ્સ માટે પૈસા આપ્યા પરંતુ પાછલી સરકારે તેનું કાર્ય પૂર્ણ ન કર્યું.