Delhi Rains:દિલ્હી NCR માં ધોધમાર વરસાદ,IMD નું રેડ એલર્ટ જાહેર

Delhi Rains: દિલ્હી NCR માં ધોધમાર વરસાદ (Delhi Rains)પડ્યો છે જેના કારણે લોકોને ગરમી અને ભેજથી રાહત મળી છે.પરંતુ કેટલાક વિસ્તારોમાં પાણી ભરાઈ જવાથી પણ મુશ્કેલીઓનો સામનો કરવો પડી રહ્યો છે.વરસાદ પછી તાપમાનમાં પણ ઘટાડો થયો છે. હવામાન વિભાગે આજે રાત્રે રેડ એલર્ટ જારી કર્યું છે. તે જ સમયે, આવતીકાલે પણ વરસાદની શક્યતા છે. રાજધાની દિલ્હીની સાથે, ગુરુગ્રામ, ગાઝિયાબાદ અને ફરીદાબાદમાં પણ ભારે પવન અને હળવા ગાજવીજ સાથે વરસાદ પડી રહ્યો છે.

ચોમાસાએ દસ્તક આપી

લાંબી રાહ જોયા પછી, રાજધાની દિલ્હીમાં ચોમાસાએ દસ્તક આપી છે, જોકે ગયા વર્ષના આંકડાઓ પર નજર કરીએ તો, આ વર્ષે 1 જૂનથી 9 જુલાઈ સુધી વરસાદમાં 23 ટકાનો ઘટાડો થયો છે. હવામાન વિભાગના જણાવ્યા અનુસાર, રાજધાની દિલ્હીમાં ચોમાસાએ સત્તાવાર રીતે દસ્તક આપી છે. આગામી થોડા દિવસોમાં દિલ્હી સહિત ગાઝિયાબાદ, ગુરુગ્રામ, ફરીદાબાદ, નોઈડામાં હળવો વરસાદ પડશે, જેના કારણે દિલ્હીના લોકોને ભેજવાળી ગરમીથી રાહત મળશે અને દિલ્હીનું તાપમાન પણ ઘટશે.

આ પણ  વાંચો -Amit Shah on Retirement : રાજનીતિમાંથી રિટાયર્ડમેન્ટ બાદ શું કરશે અમિત શાહ? કર્યો મોટો ખુલાસો

દિલ્હીમાં વરસાદ માટે યલો એલર્ટ જારી

હવામાન વિભાગે દિલ્હી-એનસીઆરના કેટલાક વિસ્તારો માટે પહેલાથી જ ઓરેન્જ એલર્ટ જારી કર્યું હતું, હવે વિભાગે આજે રેડ એલર્ટ જારી કર્યું છે. વિભાગના જણાવ્યા અનુસાર, આવતીકાલથી થોડા દિવસો સુધી દિલ્હી અને આસપાસના ઘણા વિસ્તારોમાં મધ્યમથી ભારે વરસાદની શક્યતા છે. હવામાન વિભાગના જણાવ્યા અનુસાર, દિલ્હી એનસીઆર સામાન્ય રીતે વાદળછાયું રહેશે અને આગામી બે દિવસમાં ગાજવીજ સાથે વરસાદ પડી શકે છે.