કોર્ટની મોટી રાહત, Delhi રમખાણોનો કથિત માસ્ટરમાઇન્ડ ઉમર ખાલિદને મળ્યા જામીન

• ઉમર ખાલિદને 7 દિવસના વચગાળાના જામીન
• પરિવારના લગ્નમાં હાજરી માટે 7 દિવસના જામીન
• Delhi ની કરકરડૂમા કોર્ટમાંથી મળ્યા વચગાળાના જામીન

રાજધાની દિલ્હી (Delhi)ના રમખાણોમાં ષડયંત્રના આરોપમાં જેલમાં બંધ આરોપી ઉમર ખાલિદને કોર્ટે મોટી રાહત આપી છે. દિલ્હી (Delhi)ની કરકરડૂમા કોર્ટે ઉમર ખાલિદને 7 દિવસના વચગાળાના જામીન આપ્યા છે. મળતી માહિતી મુજબ, ઉમર ખાલિદે તેના પિતરાઈ ભાઈ અને બહેનના લગ્નમાં હાજરી આપવા માટે 10 દિવસ માટે વચગાળાના જામીન માંગ્યા હતા. જોકે, કરકરડૂમા કોર્ટે ઉમર ખાલિદને 28 ડિસેમ્બરથી 3 જાન્યુઆરી સુધી 7 દિવસ માટે વચગાળાના જામીન આપ્યા હતા.

કોણ છે ઉમર ખાલિદ?

ઉમર ખાલિદ જવાહરલાલ નેહરુ યુનિવર્સિટી (JNU), દિલ્હી (Delhi)નો ભૂતપૂર્વ વિદ્યાર્થી છે. ઉમર ખાલિદ પર ફેબ્રુઆરી 2020 માં દિલ્હી (Delhi)માં થયેલા રમખાણોનો માસ્ટરમાઇન્ડ હોવાનો આરોપ છે. તમને જણાવી દઈએ કે, 2020 માં દિલ્હીમાં નાગરિકતા સંશોધન અધિનિયમ (CAA) અને નેશનલ રજિસ્ટર ઓફ સિટિઝન (NRC)ના વિરોધ દરમિયાન રમખાણો ફાટી નીકળ્યા હતા. આ રમખાણોમાં 53 લોકો માર્યા ગયા અને 700 થી વધુ ઘાયલ થયા. દિલ્હી પોલીસે સપ્ટેમ્બર 2020 માં ખાલિદની ધરપકડ કરી હતી.

આ પણ વાંચો : Bikaner ફાયરિંગ રેન્જમાં ભયાનક દુર્ઘટના, બે જવાનો શહીદ, એક ઘાયલ

ઉમર ખાલિદ પર શું છે આરોપ?

જેએનયુના ભૂતપૂર્વ વિદ્યાર્થી નેતા ઉમર ખાલિદ પર દિલ્હી પોલીસે દિલ્હી (Delhi) રમખાણોમાં ષડયંત્રનો આરોપ લગાવ્યો છે. ઉમર ખાલિદની ગેરકાનૂની ગતિવિધિ નિવારણ અધિનિયમ (UAPA) હેઠળ ધરપકડ કરવામાં આવી હતી. દિલ્હી પોલીસે ઉમર ખાલિદ વિરુદ્ધ હત્યા, હત્યાનો પ્રયાસ, રમખાણો, ટોળાં ભેગા કરવા, રાજદ્રોહ, ગુનાહિત કાવતરું અને અન્ય ઘણી કલમો હેઠળ પૂરક ચાર્જશીટ પણ દાખલ કરી છે.

આ પણ વાંચો : Maharashtra : મહાયુતિમાં દિગ્ગજે વધાર્યું ટેન્શન!

પોલીસે તપાસ કરી હતી...

નાગરિકતા કાયદામાં સુધારાના સમર્થકો અને વિરોધીઓ વચ્ચે હિંસા બાદ 24 ફેબ્રુઆરી 2020 ના રોજ ઉત્તર-પૂર્વ દિલ્હીમાં સાંપ્રદાયિક અથડામણો ફાટી નીકળી હતી. આ પછી દિલ્હી  પોલીસની ક્રાઈમ બ્રાન્ચ અને સ્પેશિયલ બ્રાન્ચે રમખાણો પાછળ કથિત ષડયંત્રના કેસમાં ઉમરની પૂછપરછ પણ કરી હતી. પોલીસે તેનો મોબાઈલ ફોન પણ જપ્ત કર્યો હતો. 11 કલાકની પૂછપરછ બાદ ઉમર ખાલિદની ધરપકડ કરવામાં આવી હતી. આ પહેલા પણ ઉમર ખાલિદની ઘણી અરજીઓ ફગાવી દેવામાં આવી છે.

આ પણ વાંચો : PM મોદીએ બાબાસાહેબ આંબેડકર વિરુદ્ધ કૉંગ્રેસના 4 ‘પાપ’ ગણાવ્યા