Delhi Women Safety : મહિલા સુરક્ષા માટે સરકારનો માસ્ટર પ્લાન, 300 નવી પોલીસ ચોકીઓથી બદલાશે દિલ્હીના સબવેની સુરત
- Delhi Women Safety : દિલ્હીના સબવે અને ફ્લાયઓવર પર બનશે 300 નવી પોલીસ ચોકીઓ.
- મહિલાઓની સુરક્ષા માટે PWD વિભાગ ખર્ચશે ₹10 કરોડ.
- AIIMS, ધૌલા કુઆન અને ITO જેવા સંવેદનશીલ વિસ્તારોમાં વધશે પોલીસ પહેરો.
- સબવે અને અંડરપાસમાં અંધકાર દૂર કરી સુરક્ષા વ્યવસ્થા કરાશે મજબૂત.
- ગુનાખોરી અને તોડફોડ રોકવા હવે સબવેમાં થશે બીટ કોન્સ્ટેબલનું પેટ્રોલિંગ.
Delhi Women Safety: દેશની રાજધાની દિલ્હીમાં મહિલાઓ અને રાહદારીઓની સલામતીને વધુ સુદ્રઢ બનાવવા માટે સરકાર દ્વારા એક મહત્વપૂર્ણ માસ્ટર પ્લાન તૈયાર કરવામાં આવ્યો છે. જાહેર બાંધકામ વિભાગ (Public Works Department - PWD) દ્વારા શહેરના સબવે (Subways), ફ્લાયઓવર અને ફૂટ ઓવરબ્રિજ (Foot Overbridges - FOB) ખાતે આશરે 300 નવા પોલીસ ચેકપોઇન્ટ સ્થાપિત કરવામાં આવશે. મંત્રી પરવેશ સાહેબ વર્માના માર્ગદર્શન હેઠળ આ પ્રોજેક્ટને આખરી ઓપ આપવામાં આવ્યો છે.
Delhi Women Safety : સુરક્ષા વ્યવસ્થાનું નવું માળખું
આ યોજના અંતર્ગત, PWD આધુનિક ચેકપોઇન્ટ્સનું નિર્માણ કરાશે અને ત્યારબાદ તેની જવાબદારી દિલ્હી પોલીસ (Delhi Police)ને સોંપવામાં આવશે. આ પગલાનો મુખ્ય ઉદ્દેશ્ય અંધકારમય અને નિર્જન ગણાતા વિસ્તારોમાં પોલીસની કાયમી હાજરી (Police Presence) સુનિશ્ચિત કરવાનો છે. અંદાજે ₹8 થી 10 કરોડના ખર્ચે તૈયાર થનારા આ પ્રોજેક્ટનું સંપૂર્ણ આર્થિક ભારણ PWD વિભાગ ઉઠાવશે.
કયા વિસ્તારોને પ્રાધાન્ય આપવામાં આવ્યું છે?
પ્રથમ તબક્કામાં દિલ્હીના સૌથી વ્યસ્ત અને સંવેદનશીલ ગણાતા વિસ્તારોને આવરી લેવામાં આવ્યા છે. જેમાં AIIMS ફ્લાયઓવર અને ધૌલા કુઆનમાં (Dhaula Kuan)પોલીસ ચોકી બનાવવામાં આવશે. ITO અને રિંગ રોડ (Ring Road), લાજપત નગર (Lajpat Nagar) અને ભૈરોન માર્ગ તેમજ લાલા લાજપત રાય માર્ગ પાસે પોલીસ ચોકી બનાવવામાં આવશે.
વિવિધ સર્વેક્ષણો મુજબ, નબળી લાઇટિંગ (Poor Lighting), ગંદકી અને અસુરક્ષિત વાતાવરણને કારણે લગભગ 30% લોકો બહાર આવવાનું ટાળે છે. ખાસ કરીને રાત્રિના સમયે મહિલાઓ માટે આ વિસ્તારો જોખમી સાબિત થતા હોય છે. નવી પોલીસ ચોકીઓ કાર્યરત થવાથી માત્ર ગુનાખોરી પર લગામ નહીં આવે, પરંતુ જાહેર સંપત્તિની તોડફોડ અને ગેરકાયદેસર પાર્કિંગ (Illegal Parking) જેવી સમસ્યાઓ પણ હલ થશે.
બીટ કોન્સ્ટેબલ (Beat Constable) ના પેટ્રોલિંગમાં વધારો થવાથી નાગરિકોમાં સુરક્ષાનો વિશ્વાસ જાગશે, જે અંતે રાહદારીઓને સબવે અને ફૂટ ઓવરબ્રિજનો નિર્ભયપણે ઉપયોગ કરવા માટે પ્રોત્સાહિત કરશે.