DRDO એ VSHORADS મિસાઇલના સતત 3 સફળ પરીક્ષણ કર્યા, દુશ્મન વિમાનોનો થશે સફાયો
- ઓડિશાના ચાંદીપુર ખાતે VSHORADS મિસાઇલના સતત 3 સફળ પરીક્ષણ (DRDO VSHORADS Test)
- હાઇ-સ્પીડ હવાઈ જોખમોને સેકન્ડોમાં બેઅસર કરવામાં મળી સફળતા
- સંરક્ષણ મંત્રી રાજનાથ સિંહે સફળતા બદલ વૈજ્ઞાનિકોને પાઠવ્યા અભિનંદન
ભારતની સંરક્ષણ ક્ષમતામાં વધુ એક સુવર્ણ અધ્યાય ઉમેરાયો છે. ડિફેન્સ રિસર્ચ એન્ડ ડેવલપમેન્ટ ઓર્ગેનાઇઝેશન (DRDO) એ ઓડિશાના દરિયાકાંઠે આવેલા ચાંદીપુર ખાતેની ઇન્ટિગ્રેટેડ ટેસ્ટ રેન્જ (ITR) પરથી 'વેરી શોર્ટ રેન્જ એર ડિફેન્સ સિસ્ટમ' (VSHORADS) ના સતત ત્રણ સફળ ફ્લાઇટ પરીક્ષણો કરીને વિશ્વને ભારતની તાકાતનો પરિચય કરાવ્યો છે.
#DRDO has successfully conducted three successive flight-trials of Very Short-Range Air Defence System (#VSHORADS) from the Integrated Test Range (ITR), Chandipur off the coast of Odisha.
These tests were carried out to revalidate the capability of VSHORADS missile system in… pic.twitter.com/TkaIwcUNQ1
— Defence Production India (@DefProdnIndia) February 28, 2026
DRDO VSHORADS Test : શું છે VSHORADS સિસ્ટમની ખાસિયત?
VSHORADS એ અત્યંત ટૂંકા અંતરની હવાઈ સંરક્ષણ પ્રણાલી છે, જે ખાસ કરીને દુશ્મનના લો-એલ્ટિટ્યુડ હવાઈ હુમલાઓને નિષ્ફળ બનાવવા માટે બનાવવામાં આવી છે. આ પરીક્ષણોનો મુખ્ય ઉદ્દેશ્ય મિસાઇલ સિસ્ટમની વિવિધ ઝડપ, રેન્જ અને ઊંચાઈ પર ઉડતી હાઇ-સ્પીડ હવાઈ ધમકીઓને (High-speed Aerial Threats) તોડી પાડવાની ક્ષમતા ચકાસવાનો હતો. આ મિસાઇલ 'મેન-પોર્ટેબલ' (Man-Portable Air Defence System) છે, એટલે કે સૈનિકો તેને સરળતાથી ખભા પર રાખીને પણ દુશ્મન પર હુમલો કરી શકે છે.
સંરક્ષણ મંત્રી રાજનાથ સિંહે પાઠવ્યા અભિનંદન
કેન્દ્રીય સંરક્ષણ મંત્રી રાજનાથ સિંહે (Rajnath Singh) આ સફળતાને ઐતિહાસિક ગણાવી છે. તેમણે DRDO, ભારતીય સશસ્ત્ર દળો (Armed Forces) અને સંરક્ષણ ઉદ્યોગના વૈજ્ઞાનિકોને અભિનંદન પાઠવ્યા હતા. તેમણે આશા વ્યક્ત કરી હતી કે આ અદ્યતન મિસાઇલ સિસ્ટમ ટૂંક સમયમાં ભારતીય સેનાના ભાથામાં સામેલ થશે, જે સરહદો પર આકાશી સુરક્ષાને વધુ મજબૂત બનાવશે.આ ટેકનોલોજી ભારતને આત્મનિર્ભર (Atmanirbhar Bharat) બનાવવાની દિશામાં મોટું કદમ છે, કારણ કે આ સંપૂર્ણપણે સ્વદેશી રીતે વિકસિત છે. તે પહાડી અને દુર્ગમ વિસ્તારોમાં પણ દુશ્મન ડ્રોન અને વિમાનોનો પીછો કરી તેમને બેઅસર કરવામાં સક્ષમ છે.
આ પણ વાંચો: તમિલનાડુમાં માનવતા શર્મસાર: અઢી વર્ષની માસૂમ બાળકી પર દુષ્કર્મ બાદ હત્યા કરનાર DMKના નેતાની ધરપકડ