Earthquake : જમ્મુ અને કાશ્મીરમાં ભૂકંપના આંચકા, રિક્ટર સ્કેલ પર 4.6 ની તીવ્રતા
- Earthquake : જમ્મુ અને કાશ્મીરમાં ભૂકંપના આંચકા અનુભવાયા
- આજે વહેલી સવારે અનેક વિસ્તારમાં 4.6ની તીવ્રતનો આંચકો અનુભવાયો
- બારામુલ્લામાં ભૂકંપના આંચકા અનુભવાતા લોકો ઘરની બહાર દોડી આવ્યા
Earthquake : છેલ્લા કેટલાક દિવસોમાં દેશના વિવિધ ભાગોમાં ભૂકંપના આંચકા અનુભવાયા છે. જેના કારણે ભૂકંપ અંગે ભય વધી રહ્યો છે. હવે જમ્મુ અને કાશ્મીરમાંથી ભૂકંપની ઘટના સામે આવી છે. સોમવારે વહેલી સવારે ભૂકંપના આંચકા અનુભવાયા હતા. જો કે ભૂકંપ ખીણ પ્રદેશમાં સામે આવ્યો હતો.
કાશ્મીરમાં ખીણમાં ભૂકંપના આંચકા અનુભવાતા જ બારામુલ્લાના લોકો તેમના ઘરની બહાર દોડી આવ્યા હતા. જોકે, અત્યાર સુધી કોઈ નુકસાન થયું નથી.
Earthquake : ભૂકંપની તીવ્રતા કેટલી હતી?
સોમવારે વહેલી સવારે જમ્મુ અને કાશ્મીરમાં આવેલા ભૂકંપની તીવ્રતા રિક્ટર સ્કેલ પર 4.8 માપવામાં આવી હતી. 2 ફેબ્રુઆરી, 2026 ના રોજ સવારે 5:35 વાગ્યે ભૂકંપ આવ્યો હતો. ભૂકંપનું કેન્દ્ર જમીનથી 10 કિલોમીટર નીચે આવેલા હંજીવેરામાં હતું. અત્યાર સુધી જાનમાલના નુકસાનના કોઈ અહેવાલ નથી. વહીવટીતંત્ર પરિસ્થિતિ પર નજર રાખી રહ્યું છે.
કાશ્મીરમાં ભારે ઠંડીનો માહોલ
જમ્મુ અને કાશ્મીરમાં હાલમાં ભારે ઠંડી પડી રહી છે. આ ઉપરાંત, ઘણા વિસ્તારોમાં ભારે હિમવર્ષા થઈ રહી છે. આ ભૂકંપના કારણે રહેવાસીઓમાં ભારે તકલીફ પડી છે, ઠંડીને કારણે તેમને વહેલી સવારે ઘર છોડવાની ફરજ પડી છે.
EQ of M: 4.7, On: 02/02/2026 05:35:54 IST, Lat: 34.14 N, Long: 74.41 E, Depth: 10 Km, Location: Baramulla, Jammu & Kashmir.
For more information Download the BhooKamp App https://t.co/5gCOtjdtw0 @DrJitendraSingh @OfficeOfDrJS @Ravi_MoES @Dr_Mishra1966 @ndmaindia pic.twitter.com/hLBLkAf2DS— National Center for Seismology (@NCS_Earthquake) February 2, 2026
બાંગ્લાદેશમાં એક દિવસ પહેલા જ ભૂકંપ આવ્યો હતો
ભારતનો પાડોશી દેશ બાંગ્લાદેશમાં પણ એક દિવસ અગાઉ ભૂકંપનો આંચકો આવ્યો હતો. રવિવારે સવારે 4 વાગ્યાની આસપાસ ભૂકંપથી જમીન હલી ગઈ હતી.નેશનલ સેન્ટર ફોર સિસ્મોલોજી (NCS) અનુસાર, ભૂકંપ 20 કિલોમીટરની ઊંડાઈએ આવ્યો હતો અને રિક્ટર સ્કેલ પર તેની તીવ્રતા 3.0 હતી. ફિલિપાઇન્સના મિંડાનાઓ ટાપુ પર બુધવારે એક શક્તિશાળી ભૂકંપ આવ્યો હતો, જેની તીવ્રતા રિક્ટર સ્કેલ પર 6.0 હતી.
આ પણ વાંચો ------ Budget 2026 : શું સસ્તું થયું અને શું મોંઘું? નાણા મંત્રીએ કરી મોટી જાહેરાતો