• ધર્માંતરણ કેસમાં છાંગુર બાબા પર EDનો સકંજો
• છાંગુર બાબા સાથે જોડાયેલા 14 સ્થળે EDના દરોડા
• મુંબઈ અને બલરામપુરમાં EDની મોટી કાર્યવાહી
• 2 કરોડની સંદિગ્ધ લેવડદેવડ અંગે તપાસ કરી તેજ
• હવાલા મારફતે નાણાંકીય હેરાફેરી સંદર્ભે તપાસ

Changur Baba Locations ED Raid : ઉત્તર પ્રદેશના બલરામપુર જિલ્લામાંથી ઉદ્ભવેલા ધર્માંતરણ કેસના મુખ્ય આરોપી જલાલુદ્દીન ઉર્ફે છાંગુર બાબા સામે એન્ફોર્સમેન્ટ ડિરેક્ટોરેટ (ED)એ સખત પગલાં લીધાં છે. આ કેસમાં મની લોન્ડરિંગ અને હવાલા મારફતે નાણાંકીય હેરફેરની શંકાને ધ્યાનમાં રાખીને EDએ ગુરુવારે સવારે 5 વાગ્યે 14 સ્થળોએ દરોડા પાડ્યા. આ દરોડામાં બલરામપુરના ઉતરૌલા વિસ્તારમાં 12 સ્થળો અને મુંબઈમાં 2 સ્થળોનો સમાવેશ થાય છે. આ કાર્યવાહી ધર્માંતરણના આરોપો, વિદેશી ફંડિંગ અને રાષ્ટ્રીય સુરક્ષા માટે જોખમ ઊભું કરતી પ્રવૃત્તિઓની તપાસનો ભાગ છે.

મુંબઈ અને બલરામપુરમાં દરોડા

EDની ટીમે બલરામપુરના ઉતરૌલા વિસ્તારમાં 12 સ્થળો પર અને મુંબઈમાં 2 સ્થળો પર સવારે 5 વાગ્યે દરોડા પાડ્યા. આ દરોડા પ્રિવેન્શન ઓફ મની લોન્ડરિંગ એક્ટ (PMLA) હેઠળ હાથ ધરવામાં આવ્યા હતા, જેમાં સેન્ટ્રલ રિઝર્વ પોલીસ ફોર્સ (CRPF)ની ટીમે સુરક્ષા પૂરી પાડી. મુંબઈમાં ખાસ કરીને શહજાદ શેખના બે નિવાસસ્થાનો પર દરોડા પાડવામાં આવ્યા, જેમાં બાંદ્રા પૂર્વના કનકિયા પેરિસના 20મા માળે આવેલા એફ વિંગના ફ્લેટ અને માહિમ પશ્ચિમના ગેબ્રિયલ બિલ્ડિંગ, પિતામ્બર લેન, એલજે રોડ નજીકના રિઝવી હાઇટ્સ CHSના ફ્લેટ નંબર 502નો સમાવેશ થાય છે. શહજાદ શેખ દરોડા દરમિયાન બાંદ્રાના નિવાસસ્થાને હાજર હતો અને ED ટીમ તેની પૂછપરછ કરી રહી છે. તપાસમાં જાણવા મળ્યું છે કે છાંગુર બાબાના સહયોગી નવીનના બેંક ખાતામાંથી શહજાદ શેખના ખાતામાં લગભગ 2 કરોડ રૂપિયાની સંદિગ્ધ લેવડદેવડ થઈ હતી, જે ધર્માંતરણની પ્રવૃત્તિઓને નાણાં પૂરા પાડવા માટે ઉપયોગમાં લેવાઈ હોવાની શંકા છે.

હવાલા અને નાણાંકીય હેરફેરની તપાસ

ED ની તપાસનું મુખ્ય ધ્યાન હવાલા મારફતે થયેલી નાણાંકીય હેરફેર અને ધર્માંતરણની પ્રવૃત્તિઓને નાણાં પૂરા પાડવા માટે વિદેશી ફંડિંગના ઉદ્ભવ પર છે. તપાસ દરમિયાન, ED ને જાણવા મળ્યું છે કે છાંગુર બાબા અને તેના સહયોગીઓએ 40 બેંક ખાતાઓમાં 106 કરોડ રૂપિયાની રકમ એકઠી કરી હતી, જેમાંનું મોટા ભાગનું નાણાં મધ્ય પૂર્વના દેશોમાંથી આવ્યું હતું. આ ઉપરાંત, શંકાસ્પદ નાણાંકીય વ્યવહારોમાં હવાલા ચેનલોનો ઉપયોગ થયો હોવાનું પણ સામે આવ્યું છે.

Update...

આ પણ વાંચો :  Changur Baba: પોતાના સ્નાયુઓને મજબૂત રાખવા માટે ખાસ તેલ મંગાવતા, બોટલમાંથી રહસ્ય ખુલ્યું