ED Raid: મુંબઈ-હૈદરાબાદમાં 13 સ્થળ પર EDના દરોડા, 9 કરોડ રોકડા જપ્ત

• મુંબઈ-હૈદરાબાદમાં 13 સ્થળ પર EDના દરોડા
• 23.25 કરોડના સોનાના ઘરેણાં જપ્ત
• છેતરપિંડી દ્વારા સામાન્ય જનતા છેતરાઈ ગઈ

ED Raid: EDએ 15 મે 2025ને ગુરુવારે મુંબઈ અને હૈદરાબાદમાં 13 અલગ અલગ સ્થળોએ પ્રિવેન્શન ઓફ મની લોન્ડરિંગ એક્ટ (PMLA)ની જોગવાઈઓ હેઠળ દરોડા પાડ્યા છે. આ દરોડામાં લગભગ 9.04 કરોડ રૂપિયા રોકડા, 23.25 કરોડ રૂપિયાના હીરાના દાગીના અને સોના-ચાંદી સહિત મોટી સંખ્યામાં ગુનાહિત દસ્તાવેજો જપ્ત કરવામાં આવ્યા છે. મીરા ભાઈંદર પોલીસ કમિશનરેટ દ્વારા બિલ્ડરો, સ્થાનિક ગુંડાઓ અને અન્ય લોકો સામે નોંધાયેલી અનેક એફઆઈઆરના આધારે EDના મુંબઈ ઝોનલ ઓફિસ-IIએ તપાસ શરૂ કરી છે.

છેતરપિંડી દ્વારા સામાન્ય જનતા છેતરાઈ ગઈ

આ કેસ 2009થી વસઈ વિરાર મ્યુનિસિપલ કોર્પોરેશન (VVMC)ના અધિકારક્ષેત્ર હેઠળ સરકારી અને ખાનગી જમીન પર રહેણાંક કમ કોમર્શિયલ ઈમારતોના ગેરકાયદેસર બાંધકામ સાથે સંબંધિત છે. બિલ્ડરો પર અનધિકૃત ઈમારતોમાં રૂમ વેચીને લોકોને ગેરમાર્ગે દોરવાનો આરોપ છે. વસઈ વિરાર શહેરના મંજૂર વિકાસ યોજના મુજબ “ગટર શુદ્ધિકરણ પ્લાન્ટ” અને “ડમ્પિંગ ગ્રાઉન્ડ” માટે અનામત રાખેલી જમીન પર સમયાંતરે 41 ગેરકાયદેસર ઇમારતો બનાવવામાં આવી હતી. આરોપી બિલ્ડરો અને ડેવલપર્સે આવી જમીનો પર ગેરકાયદેસર ઇમારતો બનાવીને અને ત્યારબાદ મંજૂરીના દસ્તાવેજો સાથે ચેડા કરીને સામાન્ય જનતા સાથે છેતરપિંડી કરી છે. આ ઇમારતો અનધિકૃત છે અને તેને તોડી પાડવામાં આવશે તે અગાઉથી જ ખબર હતી. ડેવલપર્સે આ ઇમારતોમાં રૂમ વેચીને લોકોને ગેરમાર્ગે દોર્યા. બોમ્બે હાઈકોર્ટે 08.07.2024 ના રોજના તેના આદેશ દ્વારા તમામ 41 ઇમારતોને તોડી પાડવાનો આદેશ આપ્યો હતો. આ પછી, ગેરકાયદેસર ઇમારતોમાં રહેતા 41 પરિવારોએ કોર્ટ સમક્ષ SLP દાખલ કરી હતી જે ફગાવી દેવામાં આવી હતી. આ પછી, 2 ફેબ્રુઆરી 2025 ના રોજ, VVMCC દ્વારા તમામ 41 ઇમારતોને તોડી પાડવાનું કામ પૂર્ણ કરવામાં આવ્યું.

આ પણ વાંચો -India Pakistan War : પાક.ની સિંધુ જળ સંધિ પર પુનઃવિચાર કરવા અપીલઃ વિદેશમંત્રી

VWMCના ડેપ્યુટી ડિરેક્ટરના ઘરેથી કરોડો રૂપિયા જપ્ત

ED ની તપાસમાં જાણવા મળ્યું છે કે 2009 થી આ વિસ્તારમાં મોટા પાયે ગેરકાયદેસર બાંધકામ ચાલી રહ્યું છે. એવું જાણવા મળ્યું છે કે વસઈ વિરાર મ્યુનિસિપલ કોર્પોરેશનના અધિકારક્ષેત્રમાં થયેલા મોટા કૌભાંડના મુખ્ય ગુનેગારો સીતારામ ગુપ્તા, અરુણ ગુપ્તા અને અન્ય છે. તપાસ દરમિયાન, એવું પણ જાણવા મળ્યું કે આ અનધિકૃત/ગેરકાયદેસર ઇમારતો વિવિધ VVMC અધિકારીઓ સાથે મળીને બનાવવામાં આવી હતી. VWMC ના ડેપ્યુટી ડિરેક્ટર ટાઉન પ્લાનિંગ વાય એસ રેડ્ડીના પરિસરમાં સર્ચ ઓપરેશન દરમિયાન, 8.6 કરોડ રૂપિયાની રોકડ અને 23.25 કરોડ રૂપિયાના હીરાના દાગીના અને સોનું જપ્ત કરવામાં આવ્યું હતું. આ ઉપરાંત, વિવિધ ગુનાહિત દસ્તાવેજો જપ્ત કરવામાં આવ્યા છે જે VWMC અધિકારીઓ સાથે મળીને વસઈ વિરાર વિસ્તારમાં ગેરકાયદેસર બાંધકામના મોટા કૌભાંડનો પર્દાફાશ કરે છે.