Election Results 2026 Trends: બંગાળમાં મોટો ઉલટફેર, ભાજપ 193 સીટ પર આગળ; 2 બેઠકો પર જીત

Election Results 2026 Trends : ભારતના પાંચ રાજ્યો - પશ્ચિમ બંગાળ, અસમ, તમિલનાડુ, કેરળ અને પુડુચેરીની વિધાનસભા ચૂંટણીના પરિણામો આજે જાહેર થઈ રહ્યા છે. શરૂઆતી વલણોમાં બંગાળમાં ભાજપ 193 બેઠકો પર આગળ છે, જ્યારે અસમમાં ભાજપની સરસાઈ છે. દક્ષિણના રાજ્યોમાં ડીએમકે અને યુડીએફ મજબૂત દેખાઈ રહ્યા છે. ભારે મતદાન બાદ હવે સત્તાનું સિંહાસન કોને મળશે તે જોવું રસપ્રદ રહેશે.

પશ્ચિમ બંગાળમાં રસાકસી

ભારતના લોકશાહીના પર્વ સમાન પાંચ રાજ્યોની વિધાનસભા ચૂંટણીના પરિણામોની ઘડી આવી ગઈ છે. પશ્ચિમ બંગાળ (West Bengal) માં શરૂઆતી વલણોમાં મોટો ઉલટફેર જોવા મળી રહ્યો છે. ભાજપ (BJP) એ અહીં 6 બેઠકો પર જીત મેળવી લીધી છે, જ્યારે 193 બેઠકો પર આગળ છે અને સત્તારૂઢ તૃણમૂલ કોંગ્રેસ (TMC) પર સરસાઈ મેળવી લીધી છે. મુખ્યમંત્રી મમતા બેનર્જી (Mamata Banerjee) ની આગેવાનીમાં TMC જીતનો ચોગ્ગો લગાવવા મથામણ કરી રહી છે, જ્યારે ભાજપ કમળ ખીલવવા માટે પૂરી તાકાત લગાવી રહ્યું છે. ખાસ કરીને ભવાનીપુર (Bhawanipur) બેઠક પર મમતા બેનર્જી અને વિપક્ષી નેતા શુભેન્દુ અધિકારી (Suvendu Adhikari) વચ્ચેની ટક્કર પર સૌની નજર છે.

પશ્ચિમ બંગાળ (કુલ બેઠકો: 293 | બહુમતી: 147)

તમિલનાડુ (કુલ બેઠકો: 234 | બહુમતી: 118)

કેરળ (કુલ બેઠકો: 140 | બહુમતી: 71)

પુડુચેરી (કુલ બેઠકો: 30 | બહુમતી: 16)

આસામ (કુલ બેઠકો: 126 | બહુમતી: 64)

મતદાનના આંકડા અને મહત્વ

આ વખતે પશ્ચિમ બંગાળમાં આઝાદી પછીનું સૌથી વધુ 92% મતદાન નોંધાયું છે, જે કોઈ મોટા પરિવર્તનનો સંકેત હોઈ શકે છે. અસમમાં 85% અને તમિલનાડુમાં પણ રેકોર્ડબ્રેક 85.14% મતદાન થયું છે. પુડુચેરી (Puducherry) માં પણ એનડીએ (NDA) અને વિપક્ષ વચ્ચે જોરદાર જંગ જામ્યો છે. આગામી થોડા કલાકોમાં ચિત્ર સ્પષ્ટ થશે કે જનતાએ કોના પર વિશ્વાસ મૂક્યો છે.