School Holiday: વિદ્યાર્થીઓ માટે ખુશ ખબર,આ રાજ્યમાં 30 એપ્રિલથી શાળાઓ રહેશે બંધ

• મમતા બેનર્જીએ એક મહત્વપૂર્ણ નિર્ણય
• રાજ્યની તમામમાં એપ્રિલથી ઉનાળુ વેકેશન
• ૩૦ એપ્રિલથી શાળાઓમાં ઉનાળુ રજાઓ

School Holiday :પશ્ચિમ બંગાળમાં (WestBengal)સતત વધી રહેલી ગરમી અને તડકાથી (heatwave )લોકો ખાસ કરીને નાના બાળકો પરેશાન છે. શાળાએ જતી વખતે ગરમી અને હીટસ્ટ્રોકનું જોખમ બાળકોના સ્વાસ્થ્ય પર નકારાત્મક અસર કરી શકે છે. આ વાતને ધ્યાનમાં રાખીને મુખ્યમંત્રી મમતા બેનર્જીએ (MamataBanerjee) એક મહત્વપૂર્ણ નિર્ણય લીધો છે. હવે રાજ્યની તમામ પ્રાથમિક અને ઉચ્ચ શાળાઓમાં એપ્રિલથી ઉનાળુ (summer)વેકેશન શરૂ થશે. સામાન્ય રીતે આ રજાઓ મે મહિનાના અંતમાં અથવા જૂનમાં આપવામાં આવતી હતી, પરંતુ આ વર્ષે અસહ્ય ગરમીને ધ્યાનમાં રાખીને સરકારે વિદ્યાર્થીઓને વહેલી રાહત આપવાનો નિર્ણય લીધો છે.

આ પણ  વાંચો -Lok Sabha: તમે ચીન સાથે કેક કાપશો,તો Trump Tariff તેને બરબાદ કરી દેશે...રાહુલ ગાંધીનો લોકસભામાં પ્રહાર

૩૦ એપ્રિલથી શાળાઓમાં ઉનાળુ રજાઓ

પશ્ચિમ બંગાળમાં ભીષણ ગરમીને ધ્યાનમાં રાખીને, મુખ્યમંત્રી મમતા બેનર્જીએ પ્રાથમિક અને ઉચ્ચ શાળાઓ માટે ઉનાળાની રજાઓની જાહેરાત કરી છે. તેમણે કહ્યું કે રાજ્યની તમામ શાળાઓ 30 એપ્રિલથી બંધ રહેશે જેથી બાળકોને ભારે ગરમીથી બચાવી શકાય. રાજ્યમાં સતત વધી રહેલા તાપમાનને કારણે વિદ્યાર્થીઓના સ્વાસ્થ્યની ચિંતા વધી ગઈ હતી, જેને ધ્યાનમાં રાખીને આ નિર્ણય લેવામાં આવ્યો છે. મુખ્યમંત્રીએ શાળા પ્રશાસનને બાળકોની સુરક્ષાને પ્રાથમિકતા આપવા અને તેમના માટે યોગ્ય વ્યવસ્થા કરવા અપીલ પણ કરી છે.

આ પણ  વાંચો -મેં ઝુકુંગા નહીં....અનુરાગ ઠાકુરના આરોપ પર ભડક્યા મલ્લિકાર્જુન ખડગે

વધતી ગરમીને કારણે સરકારનો મોટો નિર્ણય

મુખ્યમંત્રી મમતા બેનર્જીએ એમ પણ કહ્યું કે હવામાન વિભાગના મતે, આગામી દિવસોમાં તાપમાન વધુ વધી શકે છે, જેના કારણે ગરમીનું મોજું આવવાની શક્યતા છે. આ સ્થિતિમાં,બાળકોને રાહત આપવા માટે, સરકારે રજાઓ વહેલી શરૂ કરવાનો નિર્ણય લીધો છે. સામાન્ય રીતે શાળાઓમાં ઉનાળુ વેકેશન મે મહિનાના અંતમાં અથવા જૂનની શરૂઆતમાં આપવામાં આવે છે, પરંતુ આ વખતે રાજ્ય સરકારે વિદ્યાર્થીઓ અને શિક્ષકોના સ્વાસ્થ્યને ધ્યાનમાં રાખીને રજાઓની જાહેરાત કરી દીધી છે.