LPG Booking Rule : LPG ગેસ બુકિંગના નિયમોમાં થયો ફેરફાર, સરકારે ગ્રામજનોને મોટી રાહત આપી

શહેર અને ગામડાં માટે હવે એકસરખો નિયમ

કેન્દ્રીય પેટ્રોલિયમ અને કુદરતી ગેસ રાજ્યમંત્રી સુરેશ ગોપી (Suresh Gopi)એ આ ફેરફારની માહિતી આપી છે. મળતી માહિતી મુજબ, LPG સપ્લાયની સ્થિતિમાં સુધારો અને રિફિલ બેકલોગમાં નોંધપાત્ર ઘટાડો થયા બાદ સરકારે બુકિંગ અંતર અંગેની પાબંદીમાં રાહત આપવાનો નિર્ણય કર્યો છે.અગાઉ મધ્ય-પૂર્વમાં ચાલી રહેલા સંઘર્ષની અસરને કારણે LPG સપ્લાય પર દબાણ વધ્યું હતું. તે સમયે શહેરી વિસ્તારો માટે 25 દિવસ અને ગ્રામ્ય વિસ્તારો માટે 45 દિવસનું બુકિંગ અંતર નક્કી કરવામાં આવ્યું હતું. હવે ગ્રામ્ય ગ્રાહકો માટે પણ આ સમયગાળો 25 દિવસ કરી દેવામાં આવ્યો છે.

LPG Supply સુધરતા સરકારે લીધો નિર્ણય

સરકારના જણાવ્યા અનુસાર હાલમાં LPG સપ્લાયની સ્થિતિમાં સુધારો થયો છે અને પેન્ડિંગ રિફિલ બેકલોગમાં પણ મોટો ઘટાડો થયો છે. આ સ્થિતિને ધ્યાનમાં રાખીને તમામ ઘરેલુ LPG ગ્રાહકો માટે 25 દિવસનું સમાન બુકિંગ અંતર લાગુ કરવામાં આવ્યું છે.

OMCsને તાત્કાલિક અમલના આદેશ

આ ફેરફાર લાગુ કરવા માટે પેટ્રોલિયમ મંત્રાલયે ઓઇલ માર્કેટિંગ કંપનીઓ (OMCs)ને તાત્કાલિક સૂચના આપી છે. મંત્રી સુરેશ ગોપીએ સોશિયલ મીડિયા પોસ્ટમાં સંબંધિત પત્રની નકલ પણ શેર કરી હોવાનું જણાવાયું છે. નવા નિયમનો તાત્કાલિક અમલ કરવાનો નિર્દેશ આપવામાં આવ્યો છે.આ નિર્ણયથી ખાસ કરીને ગ્રામ્ય વિસ્તારોના પરિવારોને રાહત મળશે. અગાઉ આગામી LPG રિફિલ માટે 45 દિવસ રાહ જોવી પડતી હતી, જ્યારે હવે 25 દિવસ બાદ બુકિંગ કરી શકાશે.

આ પણ વાંચો:  Surat Hera Dalal Chori : ચાલુ સિટી બસમાં હીરા દલાલનું ખિસ્સું કાપી 50 હજારના હીરા ચોરી લીધા!