Ayodhya Donation: રામ મંદિર દાન ચોરી અંગે SIT એ CM યોગીને સોંપ્યો રિપોર્ટ, ટૂંક સમયમાં થઈ શકે છે મોટી કાર્યવાહી

Ayodhya Donation: CM યોગીનું કડક વલણ

મુખ્યમંત્રી યોગી આદિત્યનાથે આ મામલે અગાઉ સ્પષ્ટ કર્યું હતું કે અયોધ્યાને બદનામ કરવાનું ષડયંત્ર રચવામાં આવી રહ્યું છે. મહંત નૃત્ય ગોપાલ દાસ (Mahant Nritya Gopal Das) ની જન્મજયંતી પ્રસંગે આયોજિત કાર્યક્રમમાં તેમણે કહ્યું હતું કે, "જ્યારે પણ ભારત સકારાત્મક દિશામાં આગળ વધે છે, ત્યારે કાવતરાખોરોની ઊંઘ ઉડી જાય છે. જે લોકોએ અગાઉ ભગવાન રામના અસ્તિત્વ પર જ સવાલ ઉઠાવ્યા હતા, તેઓ આજે રામ ભક્તિની વાતો કરી રહ્યા છે."

"15 દિવસ રાહ જુઓ, સત્ય બહાર આવશે"

CM યોગી આદિત્યનાથે લોકોને 15 દિવસ સુધી ધીરજ રાખવાની અપીલ કરી હતી. તેમણે કહ્યું કે, "અમે 500 વર્ષ રાહ જોઈ છે, તો શું આપણે 15 દિવસ રાહ ન જોઈ શકીએ? SIT ની તપાસ 'દૂધનું દૂધ અને પાણીનું પાણી' કરી દેશે. જે કોઈ પણ આક્ષેપ કરે છે, તેણે SIT સમક્ષ પુરાવા રજૂ કરવા પડશે." મુખ્યમંત્રીએ ભારપૂર્વક કહ્યું કે જો કોઈની પાસે પુરાવા હોય તો તે સાર્વજનિક કરવાને બદલે SIT ને સોંપવા જોઈએ.

આ પણ વાંચો: Ayodhya Donation Controversy: અયોધ્યા રામ મંદિર દાનનો વિવાદ વધુ વકર્યો, સિન્ધી સમાજનો ગંભીર આરોપ, '200 કિલો ચાંદી આપી પણ રસીદ ન મળી!'