TV Ads Time Limit Removed: ટીવી ચેનલોને મોટી રાહત, સરકારે 12 મિનિટની જાહેરાત સમય મર્યાદા દૂર કરી

શું હતો જૂનો નિયમ અને કેમ લેવાયો આ નિર્ણય?

સરકાર દ્વારા ટેલિવિઝન ચેનલો માટે જાહેરાતની આ સમય મર્યાદા વર્ષ 2006માં કેબલ ટેલિવિઝન નેટવર્ક નિયમ 1994 અંતર્ગત લાગુ કરવામાં આવી હતી. તે સમયના સંજોગો અને આજની સ્થિતિમાં ઘણો મોટો તફાવત આવી ચૂક્યો છે. વર્ષ 2006માં દેશમાં માત્ર 62 ટીવી ચેનલો ઉપલબ્ધ હતી અને તે સમયનું કેબલ ટીવી માધ્યમ એનાલોગ હતું, જેની મર્યાદિત ક્ષમતાને કારણે ગ્રાહકો પાસે ઓછા વિકલ્પો હતા. પરંતુ, સમયની સાથે હવે કેબલ ટીવી સેક્ટર સંપૂર્ણપણે ડિજિટલ થઈ ચૂક્યું છે.

દેશમાં ટીવી ચેનલોની કુલ સંખ્યા વધીને આશરે 900 જેટલી થઈ

આજે ડીટીએચ (DTH), કેબલ ટીવી, HITS અને IPTV જેવા આધુનિક પ્લેટફોર્મ દ્વારા ગ્રાહકોને 300 થી 500 કે તેથી વધુ ચેનલોના વિકલ્પો મળી રહ્યા છે. આ સાથે જ દેશમાં ટીવી ચેનલોની કુલ સંખ્યા વધીને આશરે 900 જેટલી થઈ ગઈ છે. માર્કેટમાં વધતી જતી હરીફાઈ (Competition) અને ડિજિટલ મીડિયા સાથેની સમાન સ્પર્ધાને ધ્યાનમાં રાખીને સરકાર દ્વારા આ નિયમ પર પુનર્વિચાર કરવાની જરૂરિયાત અનુભવાઈ હતી.

TV Ads Time Limit Removed: ડિજિટલ મીડિયા અને ટીવી વચ્ચે સમાન તક અને સરળ વેપાર

ભારતમાં પે ચેનલ હોય કે ફ્રી-ટુ-એર ચેનલ, મોટાભાગનું ટીવી બ્રોડકાસ્ટિંગ સેક્ટર જાહેરાતોની આવક પર જ નિર્ભર છે. બીજી તરફ ડિજિટલ મીડિયા પ્લેટફોર્મ્સ પર જાહેરાતો માટે કોઈ મર્યાદા ન હોવાના કારણે ટ્રેડિશનલ ટીવી ચેનલો માટે અસમાન માહોલ સર્જાતો હતો.

માહિતી અને પ્રસારણ મંત્રાલયના જણાવ્યા અનુસાર, બજારમાં ન્યાયી સ્પર્ધાને પ્રોત્સાહન આપવા અને 'ઇઝ ઓફ ડૂઇંગ બિઝનેસ' (Ease Of Doing Business) ને સુનિશ્ચિત કરવા માટે આ સમય મર્યાદા હટાવાઈ છે. કેબલ ટેલિવિઝન નેટવર્ક નિયમ 1994માં કરવામાં આવેલા આ સંશોધનની અધિસૂચના ગેઝેટમાં પ્રકાશિત થવાની સાથે જ આ નવો આદેશ અમલમાં આવી જશે.

આ પણ વાંચો:  PM મોદીનું મોટું નિવેદન: "સોમનાથની ગાથા વિનાશની નહીં, અડગ આસ્થા અને પુનર્નિર્માણની છે!"