બંગાળમાં TMC નું આંતરિક સંકટ ચરમસીમાએ, બળવાખોર ધારાસભ્યો સામે મમતાનો મોટો દાવ!

Tmc Internal Crisis : બંગાળ વિધાનસભા ચૂંટણી (West Bengal Assembly Election) ના પરિણામો બાદ તૃણમૂલ કોંગ્રેસ (Trinamool Congress - TMC) માં સર્જાયેલી ડામાડોળ સ્થિતિ હવે ચરમસીમાએ પહોંચી છે. પક્ષના આંતરિક કલહને ડામવા માટે પાર્ટી નેતૃત્વએ બુધવારે રાજ્યની તમામ મુખ્ય સમિતિઓ અને સંલગ્ન સંગઠનોને તત્કાળ અસરથી વિખેરી નાખવાનો સનસનાટીભર્યો નિર્ણય લીધો છે.

Tmc Internal Crisis : સંગઠનાત્મક માળખામાં મોટા ફેરફારની તૈયારી

પક્ષના સૂત્રોના જણાવ્યા અનુસાર, આ નિર્ણય પાછળનો મુખ્ય ઉદ્દેશ્ય સંગઠનના દરેક સ્તરે કડક આત્મનિરીક્ષણ અને કામગીરીનું મૂલ્યાંકન કરવાનો છે. મમતા બેનર્જી (Mamata Banerjee) ના નેતૃત્વ હેઠળ હવે એક નવું અને મજબૂત સંગઠનાત્મક માળખું તૈયાર કરવામાં આવશે, જેથી પક્ષની ખોવાયેલી વિશ્વસનીયતા ફરી મેળવી શકાય.

બળવાખોર ધારાસભ્યો અને સત્તાનો સંઘર્ષ

રાજકીય ગલીઓમાં ચર્ચાઓ ત્યારે તેજ બની જ્યારે હાંકી કાઢવામાં આવેલા ધારાસભ્ય ઋતાબ્રત બેનર્જી (Ritabrata Banerjee) એ વિધાનસભા અધ્યક્ષ રથેન્દ્ર બોઝ (Rathendra Bose) સાથે મુલાકાત કરી. આ દરમિયાન તેમની સાથે 58 ધારાસભ્યોના સમર્થનવાળો પત્ર હતો, જે પક્ષમાં સંભવિત મોટા વિભાજન (Political Split) ના એંધાણ આપે છે. અસંતુષ્ટ ધારાસભ્યોનો વિરોધ સીધો મમતા બેનર્જી સામે નહીં, પરંતુ પક્ષના વર્તમાન નેતૃત્વ અને અભિષેક બેનર્જી (Abhishek Banerjee) ની વધતી ભૂમિકા સામે હોવાનું મનાઈ રહ્યું છે.

વિધાનસભામાં વિપક્ષના નેતા પદની ખેંચતાણ

વિવાદનું કેન્દ્રબિંદુ વિધાનસભામાં વિપક્ષના નેતા (Leader of Opposition) અને અન્ય હોદ્દેદારોની નિમણૂક છે. બળવાખોર જૂથનો આક્ષેપ છે કે તેમની સહીઓનો દુરુપયોગ કરવામાં આવ્યો છે, જેને હાઈકમાન્ડે સદંતર નકારી કાઢ્યો છે. જાવેદ ખાન (Javed Khan) જેવા વરિષ્ઠ નેતાઓની હાજરીએ આ બળવાને વધુ વેગ આપ્યો છે, જેના કારણે હવે આ માત્ર આંતરિક ડખો ન રહેતા સત્તાના કેન્દ્ર પર કબજો મેળવવાની કાયદેસરની લડાઈ બની ગઈ છે.

આ પણ વાંચો: ખાન સરના કોચિંગ સેન્ટર પર હુમલામાં મોટી કાર્યવાહી, જ્ઞાન બિંદુ કોચિંગના ડિરેક્ટર સહિત 3 લોકોની ધરપકડ