કહેવામાં આવી રહ્યું છે કે, હનીપ્રીત રામ રહીમને કડક સુરક્ષાની વચ્ચે બે વાહનો સાથે ડેરા પ્રમુખને લેવા આવી હતી. જણાવી દઇએ કે, 2024ની શરૂઆતમાં પણ રામ રહીમે ઇમરજન્સી પેરોલ માટે અરજી કરી હતી, જેને ચૂંટણી પંચે 30 સપ્ટેમ્બરે 3 શરતો સાથે મંજૂરી આપી હતી. આ શરતો અનુસાર, રામ રહીમને હરિયાણાની મુલાકાત લેવાની પરમિશન ન હોતી અને તે સોશિયલ મીડિયા પર કોઈપણ પ્રકારની ચૂંટણી પ્રવૃત્તિમાં ભાગ લઇ શકશે નહીં. જણાવી દઈએ કે, વર્ષ 2017 થી અત્યાર સુધીમાં ગુરમીત રામ રહીમને 12 વખત પેરોલ મળી ચૂક્યો છે. રાજ્ય સરકાર દ્વારા વારંવાર પેરોલ આપવા બદલ ઘણી વખત પ્રશ્નો ઉઠાવવામાં આવ્યા છે.

ગુરમીત રામ રહીમના જેલમાંથી મુક્તિ અને પેરોલોની વિગતો

• ગુરમીત રામ રહીમને 24 ઓક્ટોબર 2020 ના રોજ 1 દિવસના પેરોલ પર જેલમાંથી મુક્તિ મળી હતી, જ્યારે તેણે તેના માતાને મળવા માટે પેરોલ માંગી હતી.
• 21 મે 2021 ના રોજ પણ રામ રહીમને માત્ર 12 કલાકના પેરોલ પર જેલમાંથી છૂટકારો મળ્યો, અને તે ફરીથી પોતાની માતાને મળવા માટે બહાર આવ્યો.
• 7 ફેબ્રુઆરી 2022 ના રોજ, ગુરમીત રામ રહીમને 21 દિવસની રજા આપવામાં આવી હતી, જેથી તે તેના પરિવાર સાથે સમય ગુજારવામાં મકબુલ રહે.
• જૂન 2022માં, ગુરમીત રામ રહીમ 30 દિવસના પેરોલ પર જેલમાંથી છૂટ્યો અને ઉત્તર પ્રદેશના બાગપત આશ્રમમાં રોકાયો.
• 14 ઓક્ટોબર 2022 ના રોજ, 40 દિવસના પેરોલ પર મ્યુઝિક વીડિયો બનાવવા માટે ગુરમીત રામ રહીમ જેલમાંથી બહાર આવ્યો.
• 21 જાન્યુઆરી 2023 ના રોજ, ગુરમીત રામ રહીમને શાહ સતનામ સિંહની જન્મજયંતિમાં હાજરી આપવા માટે 40 દિવસનો પેરોલ મળ્યો.
• 20 જુલાઈ 2023 ના રોજ, ગુરમીત રામ રહીમ ફરીથી 30 દિવસના પેરોલ પર જેલમાંથી મુક્ત થયો.
• 21 નવેમ્બર 2023 ના રોજ, તે 21 દિવસ માટે જેલમાંથી બહાર આવ્યો અને બાગપત આશ્રમમાં પરત ફર્યો.
• 19 જાન્યુઆરી 2024ના રોજ, રામ રહીમને 50 દિવસની રજા મળી હતી.
• 13 ઓગસ્ટ 2024ના રોજ, ગુરમીત રામ રહીમને ફરીથી 21 દિવસની રજા પર છોડવામાં આવ્યો અને તે બાગપત આશ્રમ પહોંચ્યો.
• 2 ઓક્ટોબર 2024ના રોજ, તે 20 દિવસના પેરોલ પર જેલમાંથી બહાર આવ્યો હતો અને તે ઉત્તર પ્રદેશના બર્નવા આશ્રમમાં રોકાયો હતો.
• સૌથી છેલ્લે, આજે એટલે કે 28 જાન્યુઆરી 2025ના રોજ, ગુરમીત રામ રહીમને 20 દિવસના પેરોલ પર મુક્ત કરવામાં આવ્યો અને તે સિરસા આશ્રમમાં રહેશે.