• ગ્વાલિયરમાં ભેંસના ગોબર માટે 9000નો દંડ!
• ભેંસ જપ્ત કરવાની ચોંકાવનારી ઘટના
• જાહેર સ્થળે ગંદકી, માલિક પર મ્યુનિસિપલનું કડક પગલું
• સફાઈ અભિયાન હેઠળ ભેંસના માલિકને દંડ
• મહાનગરપાલિકા દ્વારા ભેંસ જપ્ત અને દંડ

મધ્યપ્રદેશના ગ્વાલિયર (Gwalior) માંથી એક અદભૂત અને ચોંકાવનારો બનાવ (shocking incident) સામે આવ્યો છે, જ્યાં મહાનગરપાલિકા (Municipal Corporation) એ સ્વચ્છતા અભિયાન હેઠળ એક ભેંસના ગોબર (Buffalo dung) ના કારણે તેના માલિક પર રૂ. 9,000નો દંડ ફટકાર્યો છે. આ ઉપરાંત ભેંસ પણ જપ્ત કરવામાં આવી છે. આ ઘટના શહેરના તાનસેન નગર વિસ્તારના ન્યૂ સાકેત નગરમાં બની છે.

શું છે સમગ્ર મામલો?

ગ્વાલિયર મ્યુનિસિપલ કોર્પોરેશન દ્વારા શહેરમાં સ્વચ્છતા અભિયાન ચલાવવામાં આવી રહ્યું હતું. આ અભિયાન દરમિયાન, નંદકિશોર નામના વ્યક્તિએ જાહેર સ્થળે પોતાની ભેંસ બાંધેલી હતી. આ ભેંસના આસપાસ છાણ અને ગંદકી પડેલી જોવા મળતાં, મ્યુનિસિપલ ટીમે તરત કાર્યવાહી શરૂ કરી હતી. બાંધેલી ભેંસ અને આસપાસના ગંદકીના ઢગલાને ધ્યાનમાં રાખીને આ મામલામાં આદેશ જારી કરવામાં આવ્યો હતો. જ્યારે મ્યુનિસિપલ કોર્પોરેશને આ વિષય પર ભેંસના માલિક નંદકિશોરનો સંપર્ક કરવાનો પ્રયાસ કર્યો ત્યારે તે સ્થળ પર હાજર નહોતો. પરિણામે, મ્યુનિસિપલ અધિકારીઓએ ઘટનાને પગલે પંચનામું તૈયાર કર્યું અને રૂ. 9,000નો દંડ ફટકાર્યો. એટલું જ નહીં, ત્યાંથી ભેંસને જપ્ત કરીને કોર્પોરેશનના ઘેરામાં મોકલી દેવામાં આવી હતી.

સ્વચ્છતા અભિયાન અને સરકારનો કડક અભિગમ

હાલમાં, ભેંસના માલિકે ઘટનાસ્થળે પહોંચીને પોતાનો બચાવ કરવાનો પ્રયાસ કર્યો હતો અને પોતાની ભૂલ માન્ય કરી હતી. પરંતુ મહાનગરપાલિકાએ આ કેસમાં કોઈ છૂટ આપવાનો ઇનકાર કર્યો હતો અને આગળના નિયમો અનુસાર કાર્યવાહી પૂર્ણ કરી. આ કેસ PM નરેન્દ્ર મોદીના સ્વચ્છ ભારત અભિયાનને પ્રત્યક્ષ રૂપે દર્શાવે છે. દેશવ્યાપી આ અભિયાનને સફળ બનાવવામાં શહેર-શહેર સ્વચ્છતા માટેના કડક પગલાં લેવામાં આવી રહ્યા છે. PM એ પણ લોકોને સ્વચ્છતા તરફ આકર્ષવા માટે ઘણીવાર પોતે ઝાડુ લગાવવાની રીત અપનાવી છે. તેમ છતાં, આ કિસ્સો એ દર્શાવે છે કે ઘણી જગ્યાએ લોકો હજુ પણ સજાગ નથી અને જાહેર સ્થળોની સ્વચ્છતા પ્રત્યે ઉદાસીનતા દાખવે છે.

આ પણ વાંચો:  લો બોલો! પાંદડા ખાવાના ગુનામાં ભેંસોની કરાઈ ધરપકડ