Hardeep Singh Puri Statement on Epstein : હરદીપ સિંહ પુરીએ સંસદમાં રાહુલે લગાવેલા આરોપોનો આપ્યો જડબાતોડ જવાબ

• 'એપસ્ટેઇન ફાઇલ્સ' અને અદાણી મુદ્દે પાયાવિહોણા આરોપોનો ભાજપનો દાવો (Hardeep Singh Puri Statement on Epstein)
• હરદીપ સિંહ પુરીએ રાહુલના આરોપોને ફગાવ્યા, મુલાકાત મુદ્દે કરી સ્પષ્ટતા
• કિરેન રિજિજુએ કહ્યું - ગૃહમાં ખોટું બોલવા બદલ પુરાવા રજૂ કરવા પડશે

લોકસભામાં (Lok Sabha) બજેટ સત્ર દરમિયાન વિપક્ષના નેતા રાહુલ ગાંધી (Rahul Gandhi) ના એક આક્રમક ભાષણે નવો વિવાદ છેડ્યો છે. કેન્દ્ર સરકાર હવે રાહુલ ગાંધી વિરુદ્ધ વિશેષાધિકાર ભંગનો પ્રસ્તાવ (Privilege Motion) લાવવાની તૈયારી કરી રહી છે. આ સંદર્ભમાં તેમને નોટિસ ફટકારવામાં આવી છે અને સાંજે 5 વાગ્યા સુધીમાં લેખિત જવાબ રજૂ કરવા આદેશ અપાયો છે. શાસક પક્ષે રાહુલ ગાંધીના નિવેદનોને સંસદીય ગરિમા વિરુદ્ધ ગણાવ્યા છે.એપસ્ટેઇન ફાઇલ્સ મામલે રાહુલ ગાંધીના આરોપ પર કેન્દ્રીય મંત્રી હરદીપસિંહ પુરીએ જડબાતોડ જવાબ આપ્યો હતો.

#WATCH | On Lok Sabha LoP Rahul Gandhi's speech in the House, Union Minister Hardeep Singh Puri says, "...Epstein Files, the Yuva Neta should know, are about wrongdoing, criminal offences. The Epstein Files are about charges that he had an island where he used to take people to… pic.twitter.com/v8jnqpR6kA

— ANI (@ANI) February 11, 2026

Hardeep Singh Puri Statement on Epstein :  એપસ્ટેઇન ફાઇલ્સ અને અદાણી પર આકરા પ્રહાર

રાહુલ ગાંધીએ પોતાના સંબોધન દરમિયાન વિવાદાસ્પદ "એપસ્ટેઇન ફાઇલ્સ" (Epstein Files) નો ઉલ્લેખ કરીને સનસનાટી મચાવી દીધી હતી. જોકે, પીઠ પર બિરાજમાન જગદંબિકા પાલે (Jagdambika Pal) તેમને અટકાવતા રાહુલે આડકતરી રીતે પોતાની વાત ચાલુ રાખી હતી. તેમણે સીધો ગૌતમ અદાણી (Gautam Adani) નો ઉલ્લેખ કરતા દાવો કર્યો કે બજેટ પર ઉદ્યોગપતિઓનો પ્રભાવ છે. તેમણે વધુમાં આરોપ લગાવ્યો કે અમેરિકામાં અદાણી વિરુદ્ધ થયેલો કેસ વાસ્તવમાં ભાજપના નાણાકીય નેટવર્ક અને વડાપ્રધાનને નિશાન બનાવવા માટે છે.

હરદીપ સિંહ પુરીનો વળતો જવાબ

કેન્દ્રીય મંત્રી હરદીપ સિંહ પુરીએ (Hardeep Singh Puri) રાહુલ ગાંધીના આરોપોને સદંતર પાયાવિહોણા ગણાવ્યા છે. તેમણે સ્પષ્ટતા કરી કે જેફરી એપસ્ટેઇન (Jeffrey Epstein) સાથે તેમની મુલાકાત માત્ર એક પ્રતિનિધિમંડળના ભાગરૂપે હતી અને તેમાં કોઈ પણ પ્રકારની ખોટી પ્રવૃત્તિ સામેલ નહોતી. પુરીએ જણાવ્યું કે તેમનો મુખ્ય સંપર્ક રીડ હોફમેન (Reid Hoffman) સાથે હતો અને જે પણ ઈમેઈલની આપ-લે થઈ હતી તે 'મેક ઇન ઇન્ડિયા' (Make in India) જેવા વિષયો પર હતી.

સરકારની કડક કાર્યવાહીના સંકેત

સંસદીય બાબતોના મંત્રી કિરેન રિજિજુએ (Kiren Rijiju) પુષ્ટિ કરી છે કે રાહુલ ગાંધી વિરુદ્ધ નોટિસ જારી કરવામાં આવી છે. સરકારનું કહેવું છે કે રાહુલ ગાંધીએ ગૃહમાં જે પણ ગંભીર આરોપો લગાવ્યા છે, તેના પુરાવા (Evidence) રજૂ કરવા પડશે. ભાજપ પ્રવક્તા ડૉ. સુધાંશુ ત્રિવેદીએ (Sudhanshu Trivedi) પણ આક્ષેપ કર્યો કે આવા પાયાવિહોણા નિવેદનો લોકશાહીની સર્વોચ્ચ સંસ્થાને નબળી પાડે છે.

આ પણ વાંચો: ભાજપ સરકાર લાવશે વિપક્ષના નેતા રાહુલ ગાંધી વિરુદ્ધ વિશેષાધિકાર પ્રસ્તાવ