Holi 2025: પૂછ્યા વિના રંગ નાંખ્યો છેને તો..આ શહેરમાં હોળી રમવાની ગાઇડલાઇન

• હૈદરાબાદ પોલીસે હોળીને લઈ માર્ગદર્શિકા જાહેર કરી
• અનુસાર સંમતિ રંગ કે પાણી ફેંકવું પર પ્રતિબંધ મૂક્યો
• વાહનોની અવરજવર પર સખત પ્રતિબંધ

Holi 2025: હોળીના તહેવારને (Holi festival)ધ્યાનમાં રાખીને હૈદરાબાદ પોલીસે (Hyderabad Police)શહેરમાં હોળીની ઉજવણી માટે માર્ગદર્શિકા ( Guidelines)જાહેર કરી છે જેથી લોકોની સલામતી સુનિશ્ચિત થાય અને કોઈ પણ પ્રકારની અવ્યવસ્થા ન થાય. માર્ગદર્શિકા અનુસાર સંમતિ વિના કોઈપણ વ્યક્તિ પર રંગ કે પાણી ફેંકવું સંપૂર્ણપણે પ્રતિબંધિત છે. 14 માર્ચે હોળીના તહેવાર પહેલા જાહેર સલામતી સુનિશ્ચિત કરવા માટે હૈદરાબાદ શહેર પોલીસે આ કડક માર્ગદર્શિકા જાહેર કરી છે.

રંગ કે પાણી ફેંકવાની મનાઈ

માર્ગદર્શિકા અનુસાર સંમતિ વિના કોઈ પર રંગ કે પાણી ફેંકવું, સંમતિ વિના વાહનો કે જાહેર સ્થળો પર રંગો લગાવવા અને જાહેર વ્યવસ્થાને ખલેલ પહોંચાડતા વાહનોની અવરજવર પર સખત પ્રતિબંધ છે.શહેરના પોલીસ કમિશનર સીવી આનંદ દ્વારા 11 માર્ચ, 2025ના રોજ જાહેર કરાયેલા આદેશમાં કહેવામાં આવ્યું છે કે આ આદેશ 13 માર્ચ, 2025 ના રોજ સાંજે 6 વાગ્યાથી 15 માર્ચ, 2025 ના રોજ

સવારે 6 વાગ્યા સુધી અમલમાં

આ માર્ગદર્શિકા હૈદરાબાદ શહેર પોલીસ અધિનિયમની કલમ 22 હેઠળ જાહેર કરવામાં આવી છે.આ અંતર્ગત પોલીસ કમિશનરને શાંતિ અને જાહેર સલામતી જાળવવા માટે સરઘસો અને સભાઓ રોકવા અને કાયદો અને વ્યવસ્થા જાળવવાના આદેશો જાહેર કરવાનો અધિકાર છે. ઉલ્લંઘન કરનારાઓ પર હૈદરાબાદ શહેર પોલીસ અધિનિયમ 1348 ની કલમ 76 હેઠળ કાર્યવાહી કરવામાં આવશે.જે વિરોધને પ્રોત્સાહન આપવા અથવા નિર્દેશોનું પાલન કરવાનો ઇનકાર કરવા અને કર્ફ્યુનું ઉલ્લંઘન કરવા જેવા ગુનાઓ માટે વિવિધ સજાઓની જોગવાઈ કરે છે.

Hyderabad Police and Cyberabad Police have issued a notification prohibiting throwing colours or coloured water on unwilling persons, places and vehicles or smearing unwilling people with colour, on public roads and public places in Hyderabad city and Cyberabad causing annoyance.… pic.twitter.com/X735PQX3md

— ANI (@ANI) March 13, 2025

આ પણ  વાંચો -Tamil Nadu: સ્ટાલિનને હિન્દીથી એટલી નફરત કે '₹'ના ચિહ્નને જ હટાવી દીધુ, જાણો તમિલમાં શું લખ્યું

ભાજપે તેને હિન્દુ વિરોધી નિર્ણય ગણાવ્યો

ગોશામહલના ભાજપના ધારાસભ્ય ટી રાજા સિંહે તેલંગાણામાં કોંગ્રેસની આગેવાની હેઠળની સરકાર પર નિશાન સાધ્યું. તેમણે કહ્યું કે તેલંગાણામાં કોંગ્રેસની સરકાર બની ત્યારથી હિન્દુ મંદિરો પર હુમલા થઈ રહ્યા છે અને હિન્દુ તહેવારો પર પ્રતિબંધ મૂકવાના પ્રયાસો થઈ રહ્યા છે. તેમણે હોળીની ઉજવણી પરના પ્રતિબંધની ટીકા કરી છે અને સરકારને હિન્દુઓ પ્રત્યે પક્ષપાતી ગણાવી છે.અગાઉ, તેલંગાણા સરકારે હૈદરાબાદ તળાવમાં ભગવાન ગણેશની મૂર્તિઓના વિસર્જન પર પ્રતિબંધ મૂક્યો હતો અને દિવાળીની ઉજવણી પર પ્રતિબંધ લાદતી માર્ગદર્શિકા પણ જારી કરી હતી. રાજા સિંહે દલીલ કરી હતી કે રમઝાન દરમિયાન લોકોના મોટા મેળાવડા અને મોડી રાતની પ્રવૃત્તિઓ હોવા છતાં, આવા કોઈ નિયંત્રણો લાદવામાં આવ્યા ન હતા.

આ પણ  વાંચો -Delhi : મહિપાલપુર હોટલમાં બ્રિટિશ મહિલાની સાથે દુષ્કર્મ

મુખ્યમંત્રીની સરખામણી નિઝામ સાથે કરી

રાજા સિંહે કોંગ્રેસની આગેવાની હેઠળની સરકાર અને મુખ્યમંત્રી રેવંત રેડ્ડી પર હિન્દુ વિરોધી હોવાનો આરોપ લગાવ્યો અને તેમની તુલના નિઝામ સાથે કરી. ભાજપના ધારાસભ્યએ કહ્યું કે કોંગ્રેસ આજે આ જ કહેવાનો પ્રયાસ કરી રહી છે અને આપણા તેલંગાણા રાજ્યના મુખ્યમંત્રી કહે છે કે હું આઠમો નહીં પણ નવમો નિઝામ છું કારણ કે આઠમો નિઝામ કેસીઆર (ભૂતપૂર્વ મુખ્યમંત્રી કે ચંદ્રશેખર રાવ) હતા. તેમણે કહ્યું કે નિઝામની આદત હિન્દુઓ પર અત્યાચાર કરવાની હતી, તેમનું કામ હિન્દુ તહેવારો પર પ્રતિબંધ મૂકવાનું હતું.