ધનબાદમાં ગેરકાયદેસર ખાણકામે જીવ લીધો, બે લોકોના મોત, 10-12 ગુમ

ઝારખંડના કોલસા શહેર ધનબાદમાં ગેરકાયદેસર ખાણકામે બે મજૂરોના જીવ લીધા જ્યારે 10-12 લોકો દટાયા હોવાની આશંકા છે.વહીવટીતંત્રે અંદર ફસાયેલા લોકોને બહાર કાઢવા માટે રાહત કાર્ય શરૂ કરી દીધું છે. ધરાશાયી થવાના કારણે આ ઘટના બની છે. સ્થાનિક લોકોએ આ માટે કંપની અને વહીવટીતંત્રને જવાબદાર ઠેરવ્યા છે.

ગેરકાયદે કોલસાનું ખનન 

ઝારખંડના ધનબાદમાં ગેરકાયદે કોલસાનું ખનન અટકી રહ્યું નથી. જિલ્લા વહીવટીતંત્ર, પોલીસ, ECL મેનેજમેન્ટ, CISF ભલે લાખો દાવા કરે પરંતુ ગેરકાયદે કોલસાનું ખનન ચાલુ છે અને તેના કારણે અત્યાર સુધીની ઘટનાઓમાં ઘણા લોકોના મોત થયા છે.તાજેતરનો કિસ્સો ECL કપાસરા આઉટસોર્સિંગનો છે, જ્યાં ગેરકાયદે કોલસાના ખોદકામ દરમિયાન ખાણ ધરાશાયી થવાને કારણે બે લોકો મૃત્યુ પામ્યા હતા જ્યારે દસ-બાર લોકો દટાયા હોવાની આશંકા છે.

ઘટનામાં બે લોકોના મોત

ફસાયેલા લોકોને સુરક્ષિત બહાર કાઢવા માટે નજીકના તળાવમાં ખાડો બનાવવામાં આવ્યો છે. આ ઘટનાને લઈને ગ્રામજનોમાં રોષ છે અને તેઓએ તેના માટે સ્થાનિક મેનેજમેન્ટ અને આગેવાનોને જવાબદાર ઠેરવ્યા છે. સ્થાનિક નાગરિક પ્રદીપ બૌરીએ જણાવ્યું હતું કે આ વિસ્તારમાં ગેરકાયદેસર ખનન ચાલી રહ્યું છે અને તેને જોનાર કોઈ નથી. આ ઘટનામાં બે લોકોના મોત થયા છે જ્યારે ઘણા લોકો દટાયા હોવાની આશંકા છે. અન્ય એક સ્થાનિક વ્યક્તિએ જણાવ્યું હતું.કે, ઘટનાઓ દરરોજ બનતી રહે છે પરંતુ ન તો જિલ્લા વહીવટીતંત્ર તેના વિશે કંઈ કરે છે કે ન તો કંપની તેના પર ધ્યાન આપે છે.

આ પણ વાંચો -   આજે વર્ષનું છેલ્લું સૂર્ય ગ્રહણ, જાણો પછી શું કરશો કામ