India Crude Oil Stock: શું ભારતમાં પેટ્રોલ-ડીઝલ ખૂટી જશે? જાણો શું છે સરકારનો 'પ્લાન-B'.

India Crude Oil Stock : ભારતની તેલ સુરક્ષા અને સ્ટોકની સ્થિતિ

સરકારી સૂત્રો પાસેથી મળેલી માહિતી મુજબ, ભારત પાસે અત્યારે ક્રૂડ ઓઈલ (Crude Oil) અને રિફાઈન્ડ ફ્યુઅલનો એટલો જથ્થો છે જે આશરે 25 દિવસ સુધી ચાલી શકે તેમ છે. આ સ્થિતિને જોતા પેટ્રોલિયમ મંત્રીએ મંગળવારે પુરવઠાની સ્થિતિની ઉચ્ચસ્તરીય સમીક્ષા કરી હતી. જોકે, સામાન્ય જનતા માટે રાહતની વાત એ છે કે સરકારે હાલમાં પેટ્રોલ અને ડીઝલની કિંમતો વધારવાની કોઈ તાત્કાલિક યોજના બનાવી નથી. પરંતુ, આંતરરાષ્ટ્રીય બજારમાં ઉથલપાથલને કારણે ગેસની કિંમતો (Gas Prices) પર તેની નકારાત્મક અસર પડી શકે છે.

હોર્મુઝ રૂટનું મહત્વ અને જોખમ

હોર્મુઝની સામુદ્રધુની એ ઈરાન અને ઓમાન વચ્ચે આવેલો એક સાંકડો દરિયાઈ માર્ગ છે, જે ફારસની ખાડીને ઓમાનની ખાડી અને અરબ સાગર સાથે જોડે છે. વિશ્વના તેલ પુરવઠા માટે આ સૌથી મહત્વનું 'ચેકપોઈન્ટ' છે, કારણ કે દરરોજ આશરે 15 મિલિયન બેરલ ક્રૂડ ઓઈલ અહીંથી પસાર થાય છે. વૈશ્વિક તેલ અને ગેસ વપરાશનો 20 ટકા ભાગ આ જ રસ્તા પર નિર્ભર છે.

ભારત સામેના વૈકલ્પિક રસ્તા અને પડકારો

ભારત ક્રૂડ ઓઈલ માટે આ રૂટ પર જેટલું નિર્ભર છે તેના કરતા પણ વધુ LPG અને LNG ગેસની આયાત માટે આ માર્ગ પર આધારિત છે. જો આ રૂટ લાંબો સમય બંધ રહે છે, તો સપ્લાય ચેઈન ખોરવાઈ શકે છે. જોકે, ખાડી દેશોમાં કેટલાક પાઈપલાઈન વિકલ્પો છે, પરંતુ તેમની ક્ષમતા મર્યાદિત છે. ભારત અત્યારે અન્ય વૈકલ્પિક દેશો પાસેથી તેલ અને ગેસ મંગાવવા માટે રાજદ્વારી સ્તરે પ્રયાસો તેજ કરી રહ્યું છે, જોકે યુદ્ધની સ્થિતિને કારણે ભારતને વધુ કિંમત (Higher Premium) ચૂકવવી પડી શકે છે.

આ પણ વાંચો : Israel Iran Conflict : ફ્લાઈટની એક ટિકિટમાં તો લક્ઝરી કાર આવી જાય! એરલાઈન્સના ભાડામાં આટલો વધારો