BrahMos Missile Export: સંરક્ષણ ક્ષેત્રે દેશની મોટી સિદ્ધિ, વિયેતનામ ખરીદશે ભારતની બ્રહ્મોસ મિસાઇલ!
BrahMos Missile Export : ભારતના સંરક્ષણ ક્ષેત્રે એક ઐતિહાસિક સિદ્ધિ હાંસલ કરી છે. ભારતની અત્યાધુનિક સુપરસોનિક ક્રુઝ મિસાઇલ 'બ્રહ્મોસ' [BrahMos Missile] ને ખરીદવા માટે વિયેતનામે સત્તાવાર મંજૂરી આપી દીધી છે. ભારતના સંરક્ષણ સચિવ આર.કે. સિંહ [R.K. Singh] એ આ વાતની પુષ્ટિ કરતા જણાવ્યું કે આ સોદો ભારતીય સંરક્ષણ ઉદ્યોગ અને સ્વદેશી ટેકનોલોજી પર વિશ્વભરના દેશોના વધતા વિશ્વાસનું પ્રતીક છે. વિયેતનામ ટૂંક સમયમાં જ આ શક્તિશાળી મિસાઇલને પોતાની સેનામાં સામેલ કરશે.હવે ઇન્ડોનેશિયા પણ ભારતની મિસાઇલ ખરીદવા આતુર છે.
BrahMos Missile Export : ઇન્ડોનેશિયા પણ ખરીદશે
વિયેતનામ પછી હવે ઇન્ડોનેશિયા [Indonesia] પણ બ્રહ્મોસ મિસાઇલ ખરીદવાની તૈયારીમાં છે. સંરક્ષણ સચિવના જણાવ્યા અનુસાર, ઇન્ડોનેશિયા સાથેની વાટાઘાટો હવે અંતિમ તબક્કે છે. અહેવાલો મુજબ, ઇન્ડોનેશિયા વર્ષ 2028 સુધીમાં આ મિસાઇલની ત્રણ બેટરીઓ મેળવી શકે છે. આ પહેલા વર્ષ 2024 માં ફિલિપાઈન્સ [Philippines] ભારત પાસેથી બ્રહ્મોસ ખરીદનાર પ્રથમ દેશ બન્યો હતો, જે ભારતની વધતી જતી વ્યૂહાત્મક શક્તિ દર્શાવે છે.
બ્રહ્મોસની અદભૂત ક્ષમતા અને ઝડપ
બ્રહ્મોસ વિશ્વની સૌથી ઝડપી સુપરસોનિક ક્રુઝ મિસાઇલોમાંની એક છે. તેની રેન્જ આશરે 290 કિલોમીટર છે અને તે મેક 2.8 ની ઝડપે, એટલે કે અવાજની ગતિ કરતા ત્રણ ગણી ઝડપે (આશરે 3,000 કિમી પ્રતિ કલાક) ઉડાન ભરી શકે છે. ભારત અને રશિયાના સહયોગથી તૈયાર થયેલી આ મિસાઇલ દુશ્મનના જહાજો અને મહત્વપૂર્ણ અડ્ડાઓને સચોટ રીતે તોડી પાડવામાં સક્ષમ છે. ત્રણેય પાંખમાં તૈનાત આ મિસાઇલ હવે આંતરરાષ્ટ્રીય સંરક્ષણ બજારમાં પણ ભારતની વિશ્વસનીયતા વધારી રહી છે.
નોંધનીય છે કે ભારતીય સંરક્ષણ ક્ષેત્રે વધુ એક ઐતિહાસિક સિદ્ધિ હાંસલ કરતા વિશ્વની સૌથી ઝડપી સુપરસોનિક ક્રુઝ મિસાઇલ 'બ્રહ્મોસ'ની નિકાસમાં મોટી સફળતા મેળવી છે. વિયેતનામ બાદ હવે ઇન્ડોનેશિયા પણ ભારતની આ ઘાતક મિસાઇલ સિસ્ટમ પોતાની સેનામાં સામેલ કરવા માટે સજ્જ બન્યું છે, જેના માટેની વાટાઘાટો હવે અંતિમ તબક્કામાં છે. આ સોદો માત્ર ભારતની વધતી જતી સૈન્ય શક્તિનું જ નહીં, પરંતુ વૈશ્વિક સ્તરે સ્વદેશી સંરક્ષણ ટેકનોલોજી પર વધેલા અટલ વિશ્વાસનું પણ સ્પષ્ટ પ્રમાણ છે.