India-US Trade Deal: ટેરિફ મામલે NSA અજિત ડોભાલે અમેરિકી વિદેશ મંત્રીને સાફ શબ્દોમાં આપ્યો હતો ખાસ સંદેશ

India-US Trade Deal:  ડોભાલની અમેરિકાને સીધી ચેતવણી

બ્લૂમબર્ગ (Bloomberg) ના અહેવાલ મુજબ, સપ્ટેમ્બરમાં અજિત ડોવલે અમેરિકી વિદેશ મંત્રી માર્ક રુબિયો[Marco Rubio) ને સ્પષ્ટ શબ્દોમાં જણાવી દીધું હતું કે ભારત કોઈપણ દબાણ હેઠળ આવશે નહીં. ડોભાલે મક્કમતાથી કહ્યું હતું કે જો ટ્રમ્પ પ્રશાસન દબાણની નીતિ ચાલુ રાખશે, તો ભારત તેમના કાર્યકાળના અંત સુધી રાહ જોવા તૈયાર છે, પરંતુ પોતાની સ્વાયત્તતા સાથે સમાધાન કરશે નહીં. તેમણે અમેરિકાને ભારતની જાહેરમાં ટીકા કરવાનું બંધ કરવા પણ તાકીદ કરી હતી. બ્લૂમબર્ગ (Bloomberg) ના અહેવાલ મુજબ, સપ્ટેમ્બર 2025 માં ભારતના રાષ્ટ્રીય સુરક્ષા સલાહકાર (NSA) અજિત ડોભાલ (Ajit Doval) અને યુએસ વિદેશ સચિવ માર્કો રુબિયો( [Marco Rubio)વચ્ચે એક અત્યંત ખાનગી બેઠક યોજાઈ હતી. આ બેઠકમાં ડોવલે સ્પષ્ટ કર્યું હતું કે ભારત ટ્રમ્પ પ્રશાસનની ધમકીઓથી ડરવાનું નથી. તેમણે રૂબિયોને બેટૂક શબ્દોમાં કહ્યું હતું કે જો અમેરિકા તેની હઠ નહીં છોડે, તો ભારત 2029 માં ટ્રમ્પનો કાર્યકાળ પૂરો થાય ત્યાં સુધી રાહ જોવા તૈયાર છે.

ટેરિફમાં મોટો ઘટાડો અને રશિયન તેલ પરની રાહત

આ મક્કમ વલણ બાદ સ્થિતિ બદલાઈ અને ટ્રમ્પે વડાપ્રધાન નરેન્દ્રભાઇ મોદી ( Narendra Modi)સાથે ફોન પર વાતચીત વધારી દીધી. તાજેતરના કરાર મુજબ, ભારતીય માલ પરનો ટેરિફ ઘટાડીને 18 ટકા કરવામાં આવ્યો છે. સૌથી મહત્વની વાત એ છે કે, રશિયન તેલ (Russian Oil) ખરીદવા બદલ ભારત પર લાદવામાં આવેલો 25 ટકા વધારાનો ટેરિફ પણ હટાવી લેવામાં આવ્યો છે. ભારત 500 અબજ ડોલરની અમેરિકન વસ્તુઓ અને વેનેઝુએલાનું તેલ (Venezuela Oil) ખરીદવા સંમત થયું છે. આ સાથે ભારત અમેરિકન આયાત પરના ટેરિફ પણ શૂન્ય કરશે, જે બંને દેશો માટે વિન-વિન પરિસ્થિતિ સમાન છે.

આ પણ વાંચો:  India US Trade Deal: ખેડૂતોએ ચિંતા કરવાની જરૂર નથી, ડેરી અને કૃષિ ક્ષેત્રને રક્ષણ અપાયું હોવાની સરકારની સ્પષ્ટતા