India-Pakistan Conflict : શ્રીનગર એરપોર્ટ પર 6 દિવસ પછી ફ્લાઇટ લેન્ડ થઈ
07:11 AM May 13, 2025 IST
|
Hardik Shah
- ઓપરેશન સિંદૂર બાદ PM મોદીએ આપ્યું તેમનું પહેલુ ભાષણ
- ઓપરેશન સિંદૂર બાદ PM મોદીએ રાષ્ટ્રને સંદેશ આપ્યો
- પાકિસ્તાન સામે ભારતની કાર્યવાહી ફક્ત મુલતવી રાખવામાં આવી છે : PM
- PM મોદીએ ઓપરેશન સિંદૂરની દિશા નક્કી કરી
- ભાજપ આજથી દેશવ્યાપી તિરંગા યાત્રા કાઢશે
India-Pakistan Conflict : સોમવારે વડા પ્રધાન નરેન્દ્ર મોદીએ રાષ્ટ્રને સંબોધન કર્યું. ઓપરેશન સિંદૂર પછી આ તેમનું પહેલું ભાષણ હતું જેમાં તેમણે આતંકવાદ સામે ભારતીય સેનાની કાર્યવાહીની સિદ્ધિઓનો ઉલ્લેખ કર્યો અને પાકિસ્તાનને કડક શબ્દોમાં ચેતવણી આપી કે આતંકવાદ સામે ભારતની કાર્યવાહી ચાલુ રહેશે. PM મોદીએ કહ્યું, 'પાકિસ્તાન સામે ભારતની કાર્યવાહી ફક્ત મુલતવી રાખવામાં આવી છે.' PM એ કહ્યું, 'સૌ પ્રથમ, હું દરેક ભારતીય વતી ભારતીય સેના, સશસ્ત્ર દળો, આપણી ગુપ્તચર એજન્સીઓ, વૈજ્ઞાનિકોને સલામ કરું છું.' આપણા બહાદુર સૈનિકોએ ઓપરેશન સિંદૂરના લક્ષ્યોને પ્રાપ્ત કરવા માટે અપાર હિંમત દર્શાવી છે. આજે, હું તેમની હિંમત અને બહાદુરી આપણા દેશની દરેક માતા, બહેન અને પુત્રીને સમર્પિત કરું છું.
સોમવારે રાત્રે રાષ્ટ્રને સંબોધનમાં વડા પ્રધાન નરેન્દ્ર મોદીએ ઓપરેશન સિંદૂર પર સ્પષ્ટ અને મજબૂત સંદેશ આપ્યો. આનાથી ભારતીય જનતા પાર્ટી (ભાજપ) ના આગામી જનસંપર્ક અભિયાનની દિશા નક્કી થઈ. આ અભિયાન હેઠળ, ભાજપ આજે 13 મે થી 23 મે સુધી દેશવ્યાપી 'તિરંગા યાત્રા' શરૂ કરી રહી છે. આ યાત્રા દ્વારા, પાર્ટી સામાન્ય લોકોને ઓપરેશન સિંદૂરની સફળતા, સેનાની બહાદુરી અને "મજબૂત અને સુરક્ષિત ભારત" માટે મોદી સરકારના સંકલ્પથી વાકેફ કરશે.
શ્રીનગર એરપોર્ટ પર 6 દિવસ પછી ફ્લાઇટ લેન્ડ થઈ
May 13, 2025 2:26 pm
ઓપરેશન સિંદૂર અને હવાઈ હુમલા પછી, એરપોર્ટ અને ફ્લાઇટ્સ બંધ કરી દેવામાં આવી છે. 6 દિવસના સ્થગિતતા પછી દિલ્હીથી એર ઇન્ડિયાની ફ્લાઇટના લેન્ડ થવાની સાથે શ્રીનગર એરપોર્ટ પર ફ્લાઇટ કામગીરી ફરી શરૂ થઈ. હાલની પરિસ્થિતિને કારણે સ્થગિત કરવામાં આવ્યું હતું અને હવે કામગીરી સામાન્ય થઈ ગઈ છે.
રાજનાથ સિંહ ત્રણેય સેનાના વડાઓને મળ્યા
May 13, 2025 1:17 pm
ભારત-પાકિસ્તાન યુદ્ધવિરામ પછી, કટોકટી બેઠકોનો દોર ચાલુ છે. જ્યાં વડાપ્રધાન મોદી NSA અને વિદેશ મંત્રીને મળ્યા. દરમિયાન, રક્ષામંત્રી રાજનાથ સિંહે દિલ્હીમાં CDS જનરલ અનિલ ચૌહાણ, નૌકાદળના વડા દિનેશ ત્રિવેદી, આર્મી ચીફ જનરલ ઉપેન્દ્ર દ્વિવેદી અને રક્ષા સચિવ રાજેશ સિંહ સાથે ઉચ્ચ સ્તરીય બેઠક યોજી હતી.
PM મોદી આદમપુર એરબેઝ પહોંચ્યા, સૈનિકોનો ઉત્સાહ જોવા જેવો
May 13, 2025 12:37 pm
PM નરેન્દ્ર મોદી આજે સવારે પંજાબના આદમપુર એરબેઝ પહોંચ્યા. અહીં તેઓ વાયુસેનાના કર્મચારીઓને મળ્યા. PM મોદી આજે સવારે 7 વાગ્યે દિલ્હીના પાલમ એરપોર્ટથી ઉડાન ભરીને પંજાબના જલંધરમાં આદમપુર એરબેઝ પહોંચ્યા. PM મોદી અહીં 1 કલાક રોકાયા અને વાયુસેનાના કર્મચારીઓને મળ્યા. તસવીરોમાં PM મોદી વાયુસેનાના કર્મચારીઓ સાથે જોવા મળે છે.
દક્ષિણ કાશ્મીરના શોપિયામાં સુરક્ષા દળોએ 3 આતંકવાદીઓને ઘેરી લીધા, 1 ઠાર
May 13, 2025 12:01 pm
ભારત અને પાકિસ્તાન વચ્ચે યુદ્ધવિરામ થયા પછી, સેનાનું ઓપરેશન સિંદૂર હજુ પણ ચાલુ છે. દક્ષિણ કાશ્મીરના શોપિયાના શુક્રુ કેલર વિસ્તારમાં સુરક્ષા દળો અને આતંકવાદીઓ વચ્ચે એન્કાઉન્ટર શરૂ થયું હોવાના અહેવાલ છે. માહિતી અનુસાર, સેનાએ એક આતંકવાદીને ઠાર માર્યો છે. તો 2 આતંકવાદીઓ હજુ પણ આ વિસ્તારમાં ફસાયેલા છે. આ એન્કાઉન્ટર અંગે ઉચ્ચ પોલીસ અધિકારીઓ તરફથી પણ એક નિવેદન આવ્યું છે. અધિકારીઓએ જણાવ્યું હતું કે કેલરના જંગલોમાં ગોળીબારનો અવાજ સંભળાયો હતો.
પાકિસ્તાને ભારતના હવાઈ હુમલામાં પોતાના નુકસાન વિશે સત્ય સ્વીકારવાનું શરૂ કર્યું
May 13, 2025 11:54 am
પાકિસ્તાને પોતાના દેશમાં ઉજવણી કર્યા પછી, હવે સ્વીકાર્યું છે કે ભારતની જવાબી કાર્યવાહીમાં તેના 11 સૈનિકો માર્યા ગયા હતા અને 78 જવાનો ઘાયલ થયા હતા. આ ઉપરાંત, ગોળીબારમાં 40 નાગરિકોએ પણ જીવ ગુમાવ્યા છે. આ સાથે, પાકિસ્તાને એ પણ સ્વીકાર્યું છે કે ભારતીય મિસાઇલ હુમલામાં પાકિસ્તાની વાયુસેનાને પણ ભારે નુકસાન થયું છે.
જમીન બાદ ડિજિટલ જંગમાં પણ પાકિસ્તાનને પછડાટ
May 13, 2025 11:38 am
તાજેતરમાં ભારત અને પાકિસ્તાન વચ્ચે તણાવ ચરમસીમાએ પહોંચ્યો હતો. આ સમયગાળા દરમિયાન, પાકિસ્તાન તરફથી કાયરતાપૂર્ણ કૃત્યો ચાલુ રહ્યા છે. મહારાષ્ટ્ર સાયબરે અહેવાલ આપ્યો છે કે પહેલગામ આતંકવાદી હુમલા પછી પાકિસ્તાન દ્વારા 15 લાખથી વધુ સાયબર હુમલા કરવામાં આવ્યા હતા. સાયબર સેલે જણાવ્યું હતું કે આ સમય દરમિયાન, ઘણી મહત્વપૂર્ણ વેબસાઇટ્સને નિશાન બનાવીને સાયબર હુમલા કરવાનો પ્રયાસ કરવામાં આવ્યો હતો. અધિકારીઓએ આ હુમલાઓ માટે જવાબદાર સાત જૂથોની પણ ઓળખ કરી છે.
જમ્મુ કાશ્મીરમાં લાગ્યા આતંકવાદીઓના પોસ્ટરો
May 13, 2025 11:20 am
જમ્મુ અને કાશ્મીરના પહેલગામમાં આતંકવાદી હુમલા (terrorist attack) ના ગુનેગારો હજુ પણ ફરાર છે. આ હુમલામાં 26 પ્રવાસીઓ (26 tourists) એ જીવ ગુમાવ્યા હતા, જ્યારે 17 લોકો ઘાયલ (injured) થયા હતા. આ ઘટના બાદ ભારતીય સુરક્ષા દળો (Indian security forces) અને રાષ્ટ્રીય તપાસ એજન્સી (NIA) દ્વારા આતંકવાદીઓને પકડવા માટે સતત પ્રયાસો ચાલુ છે. ઓપરેશન સિંદૂરના ભાગરૂપે, સુરક્ષા દળોએ આતંકવાદીઓની શોધખોળને વધુ તેજ કરી દીધી છે. આ હુમલા માટે જવાબદાર 3 આતંકવાદીઓ, જે પાકિસ્તાનના છે, તેમના નામ આસિફ ફૌજી, સુલેમાન શાહ અને અબુ તલ્હા છે. આ ત્રણેયના કોડ નેમ અનુક્રમે મુસા, યુનુસ અને આસિફ હોવાનું એજન્સીઓએ જણાવ્યું છે.
શહીદ સૈનિકના પરિવારને વળતર મળશે
May 13, 2025 11:13 am
ઓપરેશન સિંદૂર દરમિયાન જમ્મુમાં શહીદ થયેલા શહીદ BSF જવાન મો ઇમ્તિયાઝના પરિવારને વળતર આપવામાં આવશે. આજે, સરકાર 50 લાખ રૂપિયાનું વળતર આપશે, જેમાંથી 29 લાખ રૂપિયા મુખ્યમંત્રી રાહત ભંડોળમાંથી આપવામાં આવશે. આજે સાંજે 4 વાગ્યે, મુખ્યમંત્રી નીતિશ કુમાર શહીદ મો ઇમ્તિયાઝના પરિવારના સભ્યોને મળવા માટે છપરાના નારાયણપુરની મુલાકાત લેશે.
ભારત DA ને ઓપરેશન સિંદૂર વિશે જાણ કરશે
May 13, 2025 11:13 am
ભારત અને પાકિસ્તાન વચ્ચે યુદ્ધવિરામ છે. આજે ભારત બપોરે 3.30 વાગ્યે ફોરેન ડિફેન્સ એટેચી (DA) ને ઓપરેશન સિંદૂર વિશે માહિતી આપશે. DA ને લશ્કરી રાજદ્વારીઓ તરીકે ઓળખવામાં આવે છે. તે દૂતાવાસમાં લશ્કરી બાબતો માટે જવાબદાર છે.
રિયાસીમાં સ્થિતિ સામાન્ય
May 13, 2025 10:27 am
ભારત અને પાકિસ્તાન વચ્ચે યુદ્ધવિરામ બાદ રિયાસી જિલ્લામાં પણ પરિસ્થિતિ સામાન્ય છે. જિલ્લામાં શાળાઓ અને કોલેજો ખુલી ગઈ છે. આજે, જ્યારે બાળકો શાળાઓમાં ફરતા જોવા મળ્યા, ત્યારે લોકોએ રાહતનો શ્વાસ લીધો. રસ્તાઓ પર ટ્રાફિક પણ જોવા મળ્યો. લોકો પોતાની ઓફિસે જવા નીકળી ગયા.
જમ્મુ અને કાશ્મીરમાં સ્થિતિ સામાન્ય, શાળાઓ ફરી ખુલી
May 13, 2025 9:41 am
ભારત અને પાકિસ્તાન વચ્ચેનો સંઘર્ષ સમાપ્ત થયા પછી, પરિસ્થિતિ સામાન્ય થઈ રહી છે. રિયાસીમાં શાંતિ પુનઃસ્થાપિત થયા પછી શાળાઓ ફરી ખુલી ગઈ છે.
ઓપરેશન સિંદૂર પર PM મોદીના ભાષણ પર વિશ્વ મીડિયાએ શું લખ્યું?
May 13, 2025 8:44 am
PM મોદીના સંબોધનને વિશ્વ મીડિયામાં મુખ્ય કવરેજ મળ્યું છે. અમેરિકાથી પ્રકાશિત થતા અખબાર વોશિંગ્ટન પોસ્ટે પણ PM મોદીના સંબોધનના સમાચારને મહત્વ આપ્યું છે. અખબારે લખ્યું છે કે ભારતે ફક્ત તેની લશ્કરી કાર્યવાહી બંધ કરી છે અને જો ભવિષ્યમાં દેશ પર કોઈ આતંકવાદી હુમલો થશે તો તે પોતાની શરતો પર જવાબ આપશે. વોશિંગ્ટન પોસ્ટે PM મોદીનું નિવેદન પ્રકાશિત કર્યું છે જેમાં તેમણે કહ્યું હતું કે હવે જો પાકિસ્તાન સાથે વાતચીત થશે તો તે આતંકવાદ અને પાકિસ્તાન કબજા હેઠળના કાશ્મીર પર થશે.
પાકિસ્તાનનું વધુ એક મોટું જૂઠાણું, મરિયમ નવાઝે ઘાયલ સૈનિકો સાથે કરી મુલાકાત
May 13, 2025 8:05 am
ભારત સાથેના સંઘર્ષ અંગે પાકિસ્તાન એક પછી એક જૂઠાણું બોલી રહ્યું છે. એક તરફ, જ્યારે દેશના વડા પ્રધાન શાહબાઝ શરીફ વિનાશની ઉજવણી કરી રહ્યા છે, તો બીજી તરફ, પાકિસ્તાની સેના પણ વાહિયાત દાવા કરી રહી છે. ભારતીય હુમલામાં માર્યા ગયેલા કે ઘાયલ સૈનિકો અંગે પાકિસ્તાન તરફથી કોઈ સ્પષ્ટ નિવેદન આવ્યું નથી, પરંતુ તેના પંજાબ પ્રાંતના મુખ્યમંત્રી મરિયમ નવાઝની હોસ્પિટલની મુલાકાતે પાકિસ્તાનના વધુ એક જુઠ્ઠાણાને ખુલ્લો પાડી દીધો છે.
જમ્મુ: સાંબામાં સવારે પરિસ્થિતિ સામાન્ય
May 13, 2025 7:42 am
જમ્મુ અને કાશ્મીરના સાંબામાં આજે સવારે પરિસ્થિતિ સામાન્ય જોવા મળી. ગઈકાલે રાત્રે સાંબામાં કેટલાક શંકાસ્પદ ડ્રોન જોવા મળ્યા હતા. આ પછી સમગ્ર વિસ્તારમાં અંધારપટ છવાઈ ગયો. જોકે, ગોળીબારના કોઈ સમાચાર નહોતા.
ભાજપ આજથી તિરંગા યાત્રા શરૂ કરશે
May 13, 2025 7:42 am
મંગળવારથી ભાજપ દ્વારા દેશભરમાં તિરંગા યાત્રા કાઢવામાં આવશે. પાર્ટીએ 13 મે થી 23 મે દરમિયાન 10 દિવસની તિરંગા યાત્રાનું આયોજન કર્યું છે. આ સમય દરમિયાન, ભાજપના નેતાઓ અને કાર્યકરો દરેક નાગરિક સુધી પહોંચશે અને તેમને ઓપરેશન સિંદૂરની સિદ્ધિઓ વિશે જણાવશે.
અમે આતંકવાદ સામે કડક કાર્યવાહી માટે એક થયા : PM મોદી
May 13, 2025 7:13 am
PM મોદીએ વધુમાં કહ્યું કે, આ આતંકવાદી હુમલા પછી, સમગ્ર દેશ, દરેક નાગરિક, દરેક સમાજ, દરેક વર્ગ, દરેક રાજકીય પક્ષ આતંકવાદ સામે કડક કાર્યવાહી માટે એક થયા. ત્યારે અમે અમારી ત્રણેય સેનાઓને આતંકવાદીઓનો નાશ કરવા માટે છૂટ આપી હતી અને આજે દરેક આતંકવાદી અને તેના સંગઠનને ખબર છે કે આતંકવાદના પરિણામો શું હોય છે.
આતંકવાદ અને પાકિસ્તાન બંનેને PM મોદીનો સ્પષ્ટ સંદેશ
May 13, 2025 7:06 am
ભારત-પાકિસ્તાન યુદ્ધવિરામ બાદ PM મોદીએ પહેલી વાર રાષ્ટ્રને સંબોધન કર્યું. પોતાના સંબોધનમાં, PM મોદીએ આતંકવાદ અને પાકિસ્તાન બંનેને સ્પષ્ટ સંદેશ આપ્યો છે કે ભારત તેના દરેક નાપાક કૃત્યનો યોગ્ય જવાબ આપશે. રાષ્ટ્રને સંબોધન કરતી વખતે, PM મોદીએ કહ્યું કે 22 એપ્રિલે પહેલગામમાં આતંકવાદીઓ દ્વારા દર્શાવવામાં આવેલી ક્રૂરતાએ દેશ અને દુનિયાને આઘાત આપ્યો હતો.
Next Article