ભારતીય સેના બનશે વધુ શક્તિશાળી,અગ્નિ-5 મિસાઈલનું સફળ પરીક્ષણ!

Agni 5 Ballistic Missile : જો દુશ્મન 5,000 કિલોમીટર દૂર હશે તો પણ તે ભારતથી બચશે નહીં, કારણ કે, ભારતે આજે (20 ઓગસ્ટ) ઓડિશાના દરિયાકાંઠા પરથી ખરનાક મિસાઈલનું ટેસ્ટિંગ કર્યું છે. આ મધ્યમ અંતરની બેલેસ્ટિન મિસાઈલ(Ballistic Missil)નું નામ Agni-5 બેલિસ્ટિક છે, જે ભારતીય સેનાને વધુ શક્તિશાળી બનાવશે.

અગ્નિ-5ની રેન્જ 5,000 કિ.મી. (Agni 5 Ballistic Missile)

અગ્નિ-5 એ ભારતીય સંરક્ષણ સંશોધન અને વિકાસ સંગઠન (DRDO) દ્વારા વિકસિત એક સ્વદેશી લાંબા અંતરની સપાટીથી સપાટી પર પ્રહાર કરતી બેલિસ્ટિક મિસાઈલ છે. ભવિષ્યની સ્થિતિને ધ્યાને રાખી ભારતે આ નવી અને પાવરફુલ મિસાઈલ ડેવલપ કરી છે. અગ્નિ-5ની રેન્જ 5000 કિલોમીટરની છે અને આ મિસાઈલ પરમાણુ હથિયાર વહન કરે છે.

અગ્નિ સિરિઝની સૌથી અદ્યતન મિસાઈલ

અગ્નિ-5એ ભારતના સંરક્ષણ સંશોધન અને વિકાસ સંગઠન (DRDO) દ્વારા વિકસાવવામાં આવેલી પરમાણુ-સક્ષમ બેલિસ્ટિક મિસાઈલ છે. તે અગ્નિ સિરિઝની સૌથી અદ્યતન મિસાઈલ છે, જે સપાટીથી સપાટી પર પ્રહાર કરતી બેલિસ્ટિક મિસાઈલોનો પરિવાર છે, જે ભારતના જમીન-આધારિત પરમાણુ પ્રતિરોધકનો આધાર બનાવે છે. તમને જણાવી દઈએ કે અગ્નિ-5ની રેન્જ 5000 કિલોમીટરની છે. આ મલ્ટીપલ ઈન્ડિપેન્ડેન્ટલી ટાર્ગેટેબલ રી-એન્ટ્રી વ્હીકલ (MIRV) ટેક્નોલોજીથી સજ્જ છે. એટલે કે તેને એક સાથે ઘણા ટાર્ગેટ પર લોન્ચ કરવામાં આવી શકે છે. તેનું પ્રથમ પરીક્ષણ એપ્રિલ 2012માં થયું હતું. આ મિસાઈલની રેન્જમાં પાકિસ્તાન, ચીન, તુર્કિયે જેવા ઘણા દેશ આવી રહ્યા છે.

શું છે મિસાઈલની ખાસિયતો ?

• અગ્નિ 5 મિસાઈલ સરફેસ ટૂ સરફેસ માર કરનારી ભારતની પ્રથમ અને એક માત્ર ઈન્ટર કોન્ટિનેન્ટલ બેલિસ્ટિક મિસાઈલ છે.
• તે 5000 કિલોમીટરથી વધારેની રેન્જ પર એટેક કરી શકે છે. તેની રેન્જમાં ચીન, યુરોપ અને આફ્રિકાના કેટલાક ભાગ આવશે.
• તે MIRVથી સજ્જ છે. એટલે કે એક સાથે મલ્ટીપલ ટાર્ગેટ માટે લોન્ચ કરવામાં આવી શકે છે.
• આ મિસાઈલ દોઢ ટન સુધીના ન્યૂક્લિયર હથિયાર પોતાની સાથે લઈ જઈ શકે છે. તેની સ્પીડ મેક 24 છે એટલે કે અવાજની સ્પીડથી 24 ઘણી વધારે છે.
• અગ્નિ-5ના લોન્ચિંગ સિસ્ટમમાં કેનિસ્ટર ટેક્નોલોજીનો ઉપયોગ કરવામાં આવ્યો છે. આ કારણથી તેને સરળતાથી અન્ય જગ્યાએ ટ્રાન્સપોર્ટ કરવામાં આવી શકે છે.
• ભારત સિવાય દુનિયાના માત્ર 8 દેશ પાસે ઈન્ટર કોન્ટિનેન્ટલ બેલિસ્ટિક મિસાઈલ છે. તેમાં રશિયા, અમેરિકા, ચીન, ફ્રાન્સ, ઈઝરાયેલ, બ્રિટેન, ચીન અને ઉત્તર કોરિયા સામેલ છે.