Russia-Ukraine War Casualties : રશિયા-યુક્રેન યુદ્ધમાં 10 ભારતીય યુવાનોના મોત,સરકારે કર્યો ખુલાસો!
- કેન્દ્ર સરકારે સુપ્રીમ કોર્ટમાં આપી સત્તાવાર માહિતી (Russia-Ukraine War Casualties)
- નોકરીના બહાને રશિયા ગયેલા યુવાનો યુદ્ધમાં ફસાયા
- વિદેશ મંત્રાલયે સ્વેચ્છાએ કરાર કર્યા હોવાનો કર્યો દાવો
- 26 પીડિત પરિવારોએ વતન વાપસી માટે કરી છે અરજી
રશિયા અને યુક્રેન વચ્ચે ચાલી રહેલા ભીષણ યુદ્ધ (Russo-Ukraine War) માં રશિયન સેના તરફથી લડતા ભારતીય યુવાનોને લઈને કેન્દ્ર સરકારે સુપ્રીમ કોર્ટ (Supreme Court of India) માં અત્યંત મહત્વપૂર્ણ અને સંવેદનશીલ માહિતી આપી છે. સરકારના જણાવ્યા અનુસાર, આ સંઘર્ષમાં અત્યાર સુધીમાં 10 ભારતીય નાગરિકોએ પોતાના જીવ ગુમાવ્યા છે.
Russia -Ukraine War Casualties : સ્વેચ્છાએ ગયા કે છેતરાયા? કોર્ટમાં દલીલોનો દોર
સુપ્રીમ કોર્ટમાં મુખ્ય ન્યાયાધીશ (CJI) સૂર્યકાંત (Justice Surya Kant) ની ખંડપીઠ સમક્ષ ચાલી રહેલી સુનાવણીમાં કેન્દ્ર સરકાર વતી એડિશનલ સોલિસિટર જનરલ (ASG) ઐશ્વર્યા ભાટી (Aishwarya Bhati) એ પક્ષ રજૂ કર્યો હતો. તેમણે જણાવ્યું કે, યુદ્ધમાં ફસાયેલા ઘણા ભારતીયોએ પોતાની મરજીથી કરારો પર હસ્તાક્ષર કર્યા હતા. જોકે, અરજદારોના વકીલ ઋત્વિક ભાનોટ (Ritwick Bhanot) એ ગંભીર આક્ષેપ કર્યો હતો કે આ યુવાનોને એજન્ટો દ્વારા નોકરીના બહાને રશિયા (Russia) લલચાવીને લઈ જવામાં આવ્યા હતા અને ત્યાં જઈને તેમના પાસપોર્ટ જપ્ત કરી તેમને પરાણે યુદ્ધના મેદાનમાં ધકેલી દેવાયા હતા.
#BREAKING: Supreme Court heard plea alleging Indians were taken to Russia for jobs and forced into war. Government reported 10 deaths, ongoing efforts for repatriation, and was directed to file status report. pic.twitter.com/DyGn1X6HZ4
— IANS (@ians_india) April 24, 2026
26 પરિવારોની આશા અને સરકારનો પ્રતિસાદ
વિદેશ મંત્રાલય દ્વારા આપવામાં આવેલી વિગતો મુજબ:
કુલ 26 ભારતીય પુરુષોના પરિવારોએ વતન વાપસી માટે અરજી કરી હતી.
10 નાગરિકોના મૃત્યુ થયા છે, જેમના મૃતદેહ પરત લાવવા પ્રયાસો ચાલુ છે.
એક વ્યક્તિ સામે ફોજદારી કેસ નોંધાયેલ છે, જ્યારે અન્ય એક વ્યક્તિ જાણી જોઈને ત્યાં રોકાયેલ છે.
સરકારે સ્પષ્ટ કર્યું કે એજન્ટો (Agents/Middlemen) દ્વારા ઉશ્કેરણીના મામલે વહીવટીતંત્ર સતર્ક છે અને બહુપક્ષીય રણનીતિ (Multi-pronged strategy) પર કામ કરી રહ્યું છે.
પરિવારોના અસહકારનો મુદ્દો
સરકારે કોર્ટમાં એ વાતની પણ ફરિયાદ કરી હતી કે કેટલાક પરિવારો તપાસમાં સહકાર આપી રહ્યા નથી. ASG એ જણાવ્યું કે જ્યારે અધિકારીઓ સંપર્ક કરે છે ત્યારે પરિવારો કાયદાકીય લડાઈનો ઉલ્લેખ કરી રહ્યા છે. બીજી તરફ, પીડિત પરિવારોનું કહેવું છે કે સરકાર કરતાં ખાનગી વ્યક્તિઓ તેમને વધુ માહિતી અને મદદ પૂરી પાડી રહી છે. આ મામલે હવે સુપ્રીમ કોર્ટની આગામી નિર્દેશો પર સૌની મીટ મંડાયેલી છે.
આ પણ વાંચો: Maharashtra Politics : રાજકીય ભૂકંપ? મધરાતે ફડણવીસને મળવા પહોંચ્યા ઉદ્ધવ ઠાકરે!