Jairam Ramesh On Congress Delegation List: આતંકવાદના મુદ્દે પાકિસ્તાનને બેનકાબ કરવા માટે અલગ-અલગ દેશોમાં મોકલવામાં આવી રહેલા ડેલિગેશનને લઈને રાજનીતિ ચરમસીમા પર છે. કોંગ્રેસ દ્વારા મોકલવામાં આવેલી યાદીમાંથી સરકારે એક જ નામ પસંદ કર્યું છે. આ અંગે કોંગ્રેસના મહાસચિવ જયરામ રમેશે કહ્યું કે, તેમણે પોતાના અંતરાત્માની વાત સાંભળવી જોઈએ.
સરકારના શરૂઆતથી જ ખરાબ ઇરાદા હતા
તેમણે કહ્યું, "તમે ક્રોનોલોજી સમજો. 16મી તારીખે, સરકાર વતી, કિરેન રિજિજુએ કોંગ્રેસ અધ્યક્ષ મલ્લિકાર્જુન ખડગે અને લોકસભામાં વિરોધ પક્ષના નેતા રાહુલ ગાંધી સાથે વાત કરી અને સર્વપક્ષીય સાંસદોના પ્રતિનિધિમંડળ માટે અમારી પાર્ટી પાસેથી 4 નામો માંગ્યા. રાહુલ ગાંધીએ એક પત્ર લખ્યો અને 16મી તારીખે 12 વાગ્યા પહેલા, અમે 4 નામો મોકલ્યા - આનંદ શર્મા, ગૌરવ ગોગોઈ, નાસિર હુસૈન અને રાજા બ્રાર. સરકારના શરૂઆતથી જ ખરાબ ઇરાદા હતા, તેમણે 4 વધુ નામો ઉમેર્યા જે તેમાં નથી, ફક્ત આનંદ શર્માનું નામ તેમાં છે."
આ પણ વાંચો : India Diplomacy: દરેક જૂથમાં મુસ્લિમ ચહેરો, 33 દેશોનો પ્રવાસ...સાંસદોના આ 7 પ્રતિનિધિમંડળ વિદેશમાં પાકિસ્તાનનો પર્દાફાશ કરશે
ઓપરેશન સિંદૂરનું રાજનીતિકરણ થઈ રહ્યું છે
કોંગ્રેસ નેતાએ વધુમાં કહ્યું, "આપણે શું કહી શકીએ, આ અમારા સાંસદો, કોંગ્રેસ પાર્ટીના સાંસદો છે, તેઓએ તેમના અંતરાત્માની વાત સાંભળવી જોઈએ, પરંતુ અમારી પાર્ટી તરફથી, અમે 4 નામ આપ્યા. અમે જાણીએ છીએ કે ઓપરેશન સિંદૂરનું રાજનીતિકરણ કરવામાં આવી રહ્યું છે, પરંતુ ભારતીય રાષ્ટ્રીય કોંગ્રેસ માને છે કે રાષ્ટ્રીય હિત સર્વોપરી છે, સુરક્ષા સૌથી મહત્વપૂર્ણ છે. તેઓએ અમારી સૂચિમાંથી ફક્ત એક જ નામ સામેલ કર્યું છે, 4 વધુ સાંસદો છે, તેઓ અમારી પાર્ટીના પ્રતિનિધિ નથી. પરંતુ તેઓએ પોતાના અંતરાત્માનો અવાજ સાંભળવો જોઈએ અને તેનું રાજનીતિકરણ ન કરવુ જોઈએ."
સરકારે શશિ થરૂર અને મનીષ તિવારીને પસંદ કર્યા
સરકારે પસંદ કરેલા ત્રણ કોંગ્રેસના સાંસદોમાં શશિ થરૂર, મનીષ તિવારી અને અમર સિંહનો સમાવેશ થાય છે. આ ઉપરાંત, કોંગ્રેસના નેતાઓ આનંદ શર્મા અને સલમાન ખુર્શીદને આ પ્રતિનિધિમંડળનો ભાગ બનાવવામાં આવ્યા છે, જોકે તેઓ સાંસદ નથી. તે જ સમયે, અમેરિકા, બ્રાઝિલ, ગુયાના અને કોલંબિયા જઈ રહેલા પ્રતિનિધિમંડળનું નેતૃત્વ શશી થરૂરને સોંપવામાં આવ્યું છે.
આ પણ વાંચો : Amit Shah In Gujarat: અમિત શાહના ગુજરાત પ્રવાસનો બીજો દિવસ, વિવિધ વિકાસલક્ષી પ્રોજેક્ટ્સનુ લોકાર્પણ
